JEPHANIA 3:11 - ASII LAKDAP Bible (BSI)

¹¹ Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.

Hawa Naga Bible 2001

¹¹ Ngvy miqsaz htenc lex, kvruex vkhing nuex, nuimshiq rueq ngaz muex khawc lvlc wvnc phuinx laung nuex yvlc svy rac muq rvtuex. Ngaz rueq ngamc vngax jix nuiyc ngaz ngoz laz jix htenc kuex lvmz gay shaungx, nuimshiq rueq muinz yix maq lauk shiz mkaq muinz Yerusalem ghaq wawc ngvy vsawc ghaqluimx htauk nuex ngaz kuex khawx lvlx phuinx rvmuq.

JEPHANIA 3:11 Referencias Cruzadas

Tvtsvmc 131:1

Tatiwe lei, ngi ishiikong ka tiijobaiq kangshe lata khünga maklii lam phan wa jangwan kangshe. Ngi ka ajong ala jaqsham kriika broriiki mangshe; riimakla ngi raq lotmang chang jaqsham ka shanshiiqki mangshe.

Tvtsvmc 49:5

Ngi ka haisi rasong akhing niimin haimang ijaqtinok raq ngi trotam maq kom wan raü min,

Tvtsvmc 59:12

Tsangtili na ngaraibu phong, tsang bomtsi ka ngarai tamli; Tsangshiq ka tsang shiikongtam riili mibiilaq! Jamkhano ngukla tsangshiq raq mansontlo kiimaq arot chongtlo,

ISAIA 11:9

Jajon na, Shiikeawe asii hiq lam na, kiijaq maiqhaisong chang jamlai min ahü she miraq, kiimaq abi ati phan jam min ahüshe miraq. Kra mung ka khamjong chum ka kham raq matlaq ikha Tati saptsin phaqchi riili ama aliim alei miraq.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 5:15

Maiqse angu tarü khushü mijam, kiimaq shiikongkhiqti thun ka aran miishe mitiijabaiq.

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

ISAIA 61:7

Namshiq raq jea ngaü lan nai namshiq khushü jamtaq kriika thumto she. Namshiq ka nammung niishe mishong nga han, Kiimaq nam tsiiq tum ka thepliip mipa wan; Namshiq chochi ka pattup pat-sa misi wan.

JEREMIA 13:9

“Ara khea riimkitaq akha, ngi raq Juda mungti shiikong tsii nai Jerusalemti shiikong tsii ka mitiithen baiqha.

JEREMIA 7:4

‘Naishiq ka hansang! Arka Tatiwe Shomjam, Arka Tatiwe Shomjam!’ nguta laopha bomtsi chongtlaq kriima naqkam rongkiq she.

EJEKIEL 20:40

Kiijaq, kra mung na, ihiq lam asii kiijaq, Israil mung na pum diiluwiq kaü kiijaq, namshiq Israilnok mung tlotli raq, Ngi she mishomnoq wan han. Ngi ka namshiq rai tsanhea she misiha. Kiimaq namshiq raq Ngi ma honglu thun she mitaakuq wan han. Namshiq raq ahea pinthum honglu kiimaq namshiq asii kongphiq thun kra mikuq wan han.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

WEAWEA 16:3

Tsangshiq ka adam na Mosheq nai Aron khaki na thungto. Raüta tsangnai ma akha nguto, “Namnai ka chan hea she tiichan ne kilan! Israilnok mungmaiqse kunli ka Tatiwe sengi siisaq. Kiimaq Tatiwe ka naishiq tarü rai adam na asi. Kra taü maq, Mosheq ümniika Tatiwe sengi mungmaiqse thaq na ajong nguta jam nguto tiitsaki tlaü?”

Matthew 3:9

Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

Romans 2:17

Riita, namshiq kiiha? Namshiq raq, namshiq ka Jehudinok phan nguta tiitsaki rai tlan. Namshiq riika, Shiikeawe raq Thungtri ka, namshiq ma kuqto nguta tiima tlan. Kiimaq namshiq ka, Shiikeawe sengi nguta shiikong tlan.

Romans 9:33

Tsangshiq tiithap rai wantaq longkaü miitu ka, Asii bomtsi na Shiikeawe raq akha chongkuq wantaq ara phan phan tiithap rai wan tlo: “Liirong laq, ngi raq Jajon hiq na longkaü ashi tiibum tiikang. Ara longkaü na maiq mitiithap wan. Ara longkaü ajong arjaq tiitaü rai wan raüta, tsangshiq ka akii ashii miishe mija wan. Shatmaq, jurwa apaiq ma kamtlaq, kriiti miika apaiq raq jea tiingaü mak she miraq.”

1 Peter 2:6

Asii bomtsi na, “Ngi raq athii tsinhea longkaü ashi tsea wan kang. Toqpen toqpum ikha Jajon chela na shong wan kang. Jurwa apaiq ma kam tlaq, kriiti ka ümtiikiimin maiq raq tiidealot mak she miraq,” nguta chong tlo.