JEPHANIA 3:12 - ASII LAKDAP Bible (BSI)

¹² Kiijaq ngi raq aran se ma ja raüta, sobsob bombom maq sitibi, iwokhong na khrum ritti ka, mitiisi wanha.

Hawa Naga Bible 2001

¹² Thuinz vnyenz kenx riric miqsaz htenc kuex kvruex baung kvyuq ngaz rueq tvjungx taq shec shaungx, tsuingshiq muinz ngvy kox nuex kvkhup kvwungx kaz ruex.

JEPHANIA 3:12 Referencias Cruzadas

EJRA 9:8

Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

Tvtsvmc 37:40

Apaiq raq tsangshiq ka khrum kuqtlo kiimaq tiiwongkuqtlo; apaiq raq tsangshiq ka abi kloti jaqkhon wa tiichhiitlo, jamkhano ngukla tsangshiq mitiiwongkuq laq nguta tsangshiq ka apaiq phana watlo.

ISAIA 14:30

Tatiwe ka asenginok miitsan maiqse phong khuthaq na sku rümtiwe miishe mija. Raüta tsangshiq ka awokhong na hansang miishe mirüm wan. Shatmaq apaiq raq namshiq Philistainnok mung niika ramdong henghea mitiidong. Kra ramdong raq namshiq ka weshi min atra tiichong mak miraq.

ISAIA 14:32

Riita nashiq phana Philistain mung wa tsasoqti kiimwebi saü wantlaq kriiti ma nashiq raq jamlai bom wa michong rong i? Nashiq raq tsangshiq ma Tatiwe raq Jajon chela ka phataqtaq hea she shongto. Kiimaq asenginok ümtinkhan wa chamchao litkot mong maq lea wantaq kra ümchaü sanha kiijaq mungtsing mungngang miishe mishong wan nguta michong rong i.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

JEREMIA 17:7

“Shatmaq jurwa Ngi ma kamtsantsii thütlaq, kriiti ma Ngi raq achu shiiman mikuqha.

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

EJEKIEL 6:8

“Ngi raq maiq wiijam ka rejaq song chiim mong kiiwa mitiichhiiha. Lata tsangshiq ka pongmung thun na minyinbaiqha.

Mikha 5:6

Ningkun ajong maq tsangshiq raq Asiria mung ka mijii wan. Nimrod mung tan ka mitang wan. Kiimaq Asiria mung raq namung khatki tlaq kiiwa, nashiq mitiichhii kuq wan.

NAHUM 1:7

Tatiwe ka ahea; Apaiq raq asengi, chamchao mong wa, tiiwong kuqtlo; Apaiq wokhong na nyap wanti, apaiq raq shiilitlo.

JEKERIA 11:11

Krai mren tongshong wantaq bomkha ka kra ranaiq niili diibaiq wanto. Kriithun ka, sku shati nai ariti raq, ngi raq jamlai wa klo wan kang kra shrira liiwanto. Raüta Tatiwe raq ngi lümaq, tsangshiq ma jamlai bom wa chongkuq tlaq, kra tsangshiq raq sapto.

JEKERIA 11:7

Sku piikiitinok raq ngi ka sku rüm ma amaq kham na thüto. Krai mren, ngi ka ataphaq chang sku rümti ma jakang. Ngi raq sku rüm chang nyeakii anai lam kang: kiishi mang ka “Akhrumti,” kiimaq kiishiti ka, “Aram ari,” nguta mang kang. Kra latiishe, skukong ka rüm kang.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 12:21

Kiimaq Pongnok phan maiqse tlotli raq apaiq ma mikam wan.”

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Romans 15:12

Kiimahali Isaia raq, “Jessi lai wa maiq ashi misaüho, apaiq ka Shiikeawe raq amaa wa mitiidong wan. Raüta Pongnok phan maiqse mung ka mirüm wan. Kiimaq tsangshiq raq, apaiq ma ran raüta misi wan,” nguta waiqthüto.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.