JEPHANIA 3:13 - ASII LAKDAP Bible (BSI)

¹³ Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

Hawa Naga Bible 2001

¹³ Kvjungx yaq Israel miqsaz htenc kuex mruex jix htauk nuex muinz vyaq yauk shuimc shuimx shuex rvmuq, vrot vkaq kvjaz jungx shuex rvmuq, vlauc vlawc phuiuz svy tvkoc hungc maq jungx shuex rvmuq. Tsuingshiq kuex ukhaq muex muinz hisungx rax muq, kvkhup wungx httax vtueq rungwanx wvnc wuez tuex,” ngoz tueq jungx tueq.

JEPHANIA 3:13 Referencias Cruzadas

2 KAÜWA WERAÜ 20:30

Krai mren Jehoshaphat raq mung ka atsing pengto. Kiimaq Shiikeawe raq apaiq mungtan trotam khup wong kuq shat riito.

YOBA 11:19

Ümniika ümjaqtibi ma haisong maü she misi haü; maiq pahea raq ümjaq wa khrum mijaü.

Tvtsvmc 119:3

Tsangshiq ümtiikiimin ajiq klomak; tsangshiq ka Tatiwe lam phan phan khumtlo.

Tvtsvmc 120:2

Ngi tiichhiilaq, Tati lei, arot chongtibi nai laophabi maklii wa.

Tvtsvmc 120:3

Namshiq arot akiqbi lei, Shiikeawe raq namshiq ka jamkhiishe wa miraq? Apaiq raq namshiq ma ümkhiishe wa mo tiihojiiq riila?

Tvtsvmc 23:2

Apaiq raq ngi ka sangphii dongnin rü na tiibumtlo kiimaq ngi ka khamchum setiim khangri rihea kiina sheahotlo.

ISAIA 17:2

Siria mung wa chela thun ka pattup miitu maiq raq amiim she mirbaiqthü. Kra jamkhü thun ka skukong nai jam nyamsekong haisea chang nyiimlung rü miishe mijaki. Kra nyamsekong ka jobaiqti ka jumin ahüshe miraq.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

EJEKIEL 39:26

Ümtiikiiwa tsangshiq ka tsangmung na thongshi ri hali khu asang maq shong wantlaq, tsangshiq tiihaisongti ka jumin ahü she miraq, kiijiishetiq, tsangshiq raq Ngi tiishaübaiq wan kha na ümtinkhan chamchao wa riihum wantaq raüta jea ngaü wantaq thun kra wiita she milaq baiq wan.

Yoel 3:17

Riita namshiq raq ngi dea, Tati namshiq Shiikeawe ka, asii Jajon hiqlam pumkhu thaq na sitiikang nguta sap ronglaq. Jerusalem chela ka asii chela she mija wan. Pongmungti raq kra chela ka niwamak she miraq.

LEWI 26:6

“Ngi raq namshiq ka nam mung na mung atsing maq mitiisi kang. Kiimaq namshiq ka haihü songhü maq aheawiq mikon nga han. Ngi raq rum ngam ngamthaiq thun kra namhiq shong wa ajo mirbaiqha. Kiimaq nam mung na chiqdong redong ka ahü she miraq.

Mikha 4:4

Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Mikha 7:14

O Tatiwe lei, ümsengi ümniiraq atsea wan haü, skukong ikha rüm laq. Tsangshiq ka kumtsai phü binjü na sitlo. Li jiimin, tsangshiq sichang hiqtro ka, hiqpo hiqwin jonghea asi. Man na rathup rapha na tsangshiq, Shong chang dongdii, Bashan wang nai Gilead wang binjü na, nyamse dung chang, nyiimlung ram kiijaq, tiishong wan nong laq.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

JEPHANIA 3:5

Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.

JEKERIA 8:16

Ümchaü namshiq raq arthun arshe klo ronglaq: Weshi raq weshi ma tengteng bomtsi chong ronglaq. Rung na khapho tingting kiimaq riikhaqli maq pho ronglaq. Maiqse ma tsan heali chang phokuq ronglaq.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

John 1:47

Jesuq raq Nathaniel ka apaiq phanü na awa rai kra chhi raüta, apaiq miitu akha chongto, “Arhata miikiim se ashi Israil we. Apaiq ka chiisan maiqse ashi!”

Colossians 3:9

Ashi raq ashi ma, arot akiq bomtsi ka bom raa mak she. Ümchaü sanha namshiq rilung achü ka khum wa, abi rong arai thun rai adam na, chhut baiq lan she.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.

Revelation 14:5

Tsangshiq raq rilung na jangshi min arot akiq bom poshi min chong mak. Tsangshiq dü na ashut aphit jam min ahü siirairai.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”