JEPHANIA 3:10 - ASII LAKDAP Bible (BSI)

¹⁰ Isenginok luhea Sudan mung na siti, riinyin riishin siti riimin, ngi ma honglu milam kuq wan,

Hawa Naga Bible 2001

¹⁰ Yalc hvlc Ethiopi mungx nuex nyanc gay tauk ngvy miqsaz htenc rueq doc muinz ngvy kox nuex shomc kuy juing lvmz wvnc wuez shuex.

JEPHANIA 3:10 Referencias Cruzadas

Tvtsvmc 68:31

Ejip mung wa kiimwebi thun miwa; Sudan mungti raq tsangshiq jaq do raüta Shiikeawe jaq wa achu mijaü.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 18:1

Sudan mung na jürai thun sitlaq kra reko nü na mung ashi kiijaq arakong phoktrang tiitaitlo.

ISAIA 18:7

Akhing ashi misaü wan, kra akhing na, Tati Ajong Pinthumwe raq armungti jaq wa honglu ka mijaü wan. Ara jürai pahea raq tiikho tlaq mung jaq wa. Ara ahong ala mung. Kiimaq ningkun jonghea riimti mung, ara maiq ajong alu kiimaq tsangshiq han ka nyeajok jok hea atsom wiq mung arjaq wa. Tsangmungti ma mangjong tlotli raq aphiip ajiip haitlaq armung jaq wa. Tsangshiq ka Tati Ajong Pinthumwe shomnoq chang Jajon pum na miwa.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

Acts 24:17

“Riita, ngi ka wiitsam wiiblai tin she, wanhiq na sirai wa jai miishe, naishiq nok miitsan miijan maiqsetiim ma kechang kongphiq kampho archom kra kewa nai Shiikeawe ma honglu kewa nguta Jerusalem na wakang.

Acts 8:27

Krai mren, Philip ka tiijesaq raüta kihoto. Riita, kra akhing na Ethiopia mung hokham nyung kampho tum kheti siihiip ajong weshi, alai lambaiqje we ka, ahiq na jangho lam na akai rai lohoto. Apaiq ka Jerusalem na Shiikeawe shomnoq wa awa, tsangshiq na jangho she, kumrang leng thaq na chao raüta akairai riito. Apaiq ka akhum lam maq Isaia shammi we raq awaiq lakdap kra phat rea lohoto.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.