JEREMIA 7:11 - ASII LAKDAP Bible (BSI) Namshiq raq i Shomjam ka thiimeaq kong tiipaü chang ngutiisha tiimatlan? Namshiq raq jamlai wa klotlan thun ka ngi raq achhiha siisaq. Hawa Naga Bible 2001 Ngvy Shomc Yuimx kuex dakuc kvhttuiyq httaz juing baung ngoz tueq haz nuimshiq rueq tvmaung vshuinx? Nuimshiq rueq shuimx vshuinx kuex ngaz rueq khiz tauk shex. |
apaiq achu jaü ka tailaq. Ramungtan maq, ümjam jong maq, apaiq achu jaü ka tailaq, lata apaiq raq ümjaq wa jamlai wa jaütlaq kra klo kuq laq. Kra riihaüla, mangjong hiq na siti maiqse wiitarü raq, ümniika misap, raüta ümsengi Israilnok raq ümnaq aming lang tlaq kiikha tsangshiq kiimin ümnaq aming wokhong na misi wan. Krai mren tsangshiq raq ümniika ara ngi raq hai kang Shomjam niidea shomnoq chang nguta misap wan.
Ümniiraq Ngi shomnoq tlaü akhing na arthun ara kuq wan laq nguta ümniima juro chongta? I Shomjam na arthun jimaq nishishi sham akai thun ara klolaq nguta ümjaq wa juro jaüta?
“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”
Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,
Ngi raq chhimang chang ka jumin tiipaükilot mak. Namshiq raq Ngi ka barap binrii na siti, ramungtan niimin kiimaq mangjong hiq niimin nguta sap man sha?
Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”
Namshiq raq arthun ashut jaqsham wantlan. Arthun arka ngi raq kai saisi tiikang. Arthun ara klowan lot lantiishe, namshiq ka imakki na i Shomjam na walanta chap wa tlan. Lantea, ‘Naishiq ka hansang!’ nguta bomtlan.
Ümniiraq, Ngi ka shummii shaqshaq ngeng wan laüta, ümchuwa bom wan laü kra wiita Ngi raq ataiha siisaq.
Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.
Raüta apaiq raq tsangshiq ka, “Asii lakdap na Shiikeawe raq akha chongto, ‘I Shomjam ka achu jaü chang jam miraq.’ Shatmaq namshiq ara shomjam arka ahuk arot kong tiibo chang jam miishe tiija baiqho lan!” nguta sonto.
Kra raütiishe, apaiq raq, “Asii Bomtsi na Shiikeawe raq, ‘I Jam ka mangjong maiqse tlotli ma, achu jaü chang, Asii Shomjam miraq,’ nguta chongtlo. Shatmaq, namshiq riitiq sha, ahuk arotti thun kra tiibo chang jam miishe tiija baiq holan nya!” nguta nokwe ma chongkuqto.
Kiimaq haütaü shatibi kra, “Arthun ara jaqlo tiibin ronglaq! I We jam ka, namshiq raq kejat thung ma naq tiija baiq rongkiq!” nguta sonto.
Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.