Matthew 21:13 - ASII LAKDAP Bible (BSI)

¹³ Raüta apaiq raq tsangshiq ka, “Asii lakdap na Shiikeawe raq akha chongto, ‘I Shomjam ka achu jaü chang jam miraq.’ Shatmaq namshiq ara shomjam arka ahuk arot kong tiibo chang jam miishe tiija baiqho lan!” nguta sonto.

Hawa Naga Bible 2001

¹³ tsuingshiq muex ngoc, “Tishox rueq Rumvrc luik nuex wuiyq shec tueq, ‘Ngvy Shomc Yuimx vruex kuex vjux thoz juing yuimx ngoz tueq ngoz shuex.’ Yuq muinz nuimshiq rueq dakuc luix muex tvyaungc vshuinx!” ngoz tueq.

Muklom

¹³ Etho piq aa batta, “Ira Asang likwit na thawit ang aa, ‘I rangnuk him sha romtam him ta raaq na.’ Etharin nim aa ira ahut apang tang tapu ma kaley tin.”

Matthew 21:13 Referencias Cruzadas

Tvtsvmc 93:5

Ümtri raütu ka pattup pat-sa thumki maq phan, O Tatiwe lei, kiimaq üm Shomjam ka tengteng asii kriika pattup pat-sa siruqli.

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

JEREMIA 7:11

Namshiq raq i Shomjam ka thiimeaq kong tiipaü chang ngutiisha tiimatlan? Namshiq raq jamlai wa klotlan thun ka ngi raq achhiha siisaq.

Matthew 2:5

Kiijiishe, tsangshiq raq, “Judia wang na Bethlehem chela na michii,” nguta treto. “Jamkhano ngukla, shammibi raq akha waiqthüto:

Mark 11:17

Kra raütiishe, apaiq raq, “Asii Bomtsi na Shiikeawe raq, ‘I Jam ka mangjong maiqse tlotli ma, achu jaü chang, Asii Shomjam miraq,’ nguta chongtlo. Shatmaq, namshiq riitiq sha, ahuk arotti thun kra tiibo chang jam miishe tiija baiq holan nya!” nguta nokwe ma chongkuqto.

Luke 19:45

Kra raütiishe, Jesuq ka Shomjam mong na wato. Raüta, apaiq raq Shomjam mong wa laopan bi thun kriishe jobaiqto.

Luke 19:46

Apaiq raq tsangshiq ka, “Asii bomtsi na Shiikeawe raq akha waiq thüto, ‘I shomjam arka achu jaü chang jam nguta mingu.’ Shatmaq, ümchaü namshiq raq ahuk arotti tiibo chang jam miishe tiija baiq lan!” nguta tsangshiq ka ason lam maq jobaiqto.

John 15:25

Riita, ara chongtiikai tsangshiq raq ngi ngeng tlaq arka, ümsiimiiwa tsangshiq Thungtri lakdap na chongthü je she dongdii riito. Kra, bomtsi tiithai mai thütaq kra tiiku wan miitu she tsangshiq raq ngi ka ngeng tlo. Tsangshiq Thungtri lakdap na, ‘Tsangshiq raq ngi ka kha ahü na ngengsiqto,’ nguta waiqto.”