Hosea 13:4 - ASII LAKDAP Bible (BSI)

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hawa Naga Bible 2001

Yehowa rueq, “Ngaz kuex Ejip mungx wawc nuimshiq tvdungc shvlc wvnc jix Yehowa nuimshiq Tishox rvtauk. Ngaz maq lvy vtueq nuimshiq nuex Tishox vguez. Ngaz dvyx nuimshiq palc jix waz rvtauk.

Hosea 13:4 Referencias Cruzadas

2 HOKHVMX 18:35

Riita arthun chong wan kai maiqmung phrakong raq maiqmii mungtan ka naishiq ajong hokhamwe jaq khon mong wa ümtiiko tiichhii kuqta? Tiichhiikuq mak dea. Ikhiijiika jamlai ngutiiwa namshiq riika Tatiwe raq Jerusalem ka mitiichhiikuq nguta kam rai tlan?”

ISAIA 43:3

Ngi ka Tatiwe üm Shiikeawe, asii Israilnok Shiikeawe, ümnaq chhiitiwe. Ngi raq Ejip mung ka ümkhum dokda miitu mikuqbaiqha; Ngi raq Sudan mung nai Seba mung mikuqbaiqha.

Hosea 11:1

Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

Hosea 12:10

“Ngi raq shammibi ma phanrap tiichhikuq wan kang. Tsangshiq raq Israilnok ma tiithai tiimai, honlam tsii pahea chongkuq wanto. Shatmaq tsangshiq raq tai wan mak.

Hosea 12:9

Shatmaq, ngi ka namshiq Tati Shiikeawe. Ngi raq namshiq ka Ejip mung wa shea wan kang, rumnyangkhi kumtsaiphii lam maq sheawan kang. Ngi raq namshiq ka tombutiip na mitiijap nongha, man na ngi namshiq pha na, kumtsaiphii na kikang ikha.

Hosea 2:15

Lata apaiq ma spiqro thun kra, mijangkuq nongha. Lata Chamchao Hiqthung Tan ka, aran phan chang kilüchong miishe mitiija wan ha. Kiijaq apaiq raq ibom ka man na, apaiq junriiji na, Ejip mung maq saü wantaq akhing na, ngi ka jamkho lungwiitaq, kiikhahali milungwii nong.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Jona 2:10

Kiijiishe Tatiwe raq ngiq kaü kiima aming kuqto. Krai mren, ngiq kaü raq Jona ka kumtsai phii takii na phaibaiq wato.

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”