Hosea 2:15 - ASII LAKDAP Bible (BSI)

¹⁵ Lata apaiq ma spiqro thun kra, mijangkuq nongha. Lata Chamchao Hiqthung Tan ka, aran phan chang kilüchong miishe mitiija wan ha. Kiijaq apaiq raq ibom ka man na, apaiq junriiji na, Ejip mung maq saü wantaq akhing na, ngi ka jamkho lungwiitaq, kiikhahali milungwii nong.

Hawa Naga Bible 2001

¹⁵ Ngaz rueq piq svpiq sunc htenc kuex yez kuq yek ruiux Kuilc Daz Warc tvnx kvmuinz thuinz tvluimc juing kaluix muex tvyaungc shaungx. Piq yalxtux jauz Ejip mungx maq wawc wvnc tueq nuex piq rueq shuimx tueq ikhoc piq rueq ngaz muex lungwawx yek phuex.

Hosea 2:15 Referencias Cruzadas

1 HOKHVMX 16:31

Apaiq miika Jeroboam raq ümchuwa ngarai klo wantaq kriika hongmak. Kriithaq niimin tiinanpot she, apaiq raq Sidon chela Hokhamwe Ethbaal se Jejebel kriishe lamto. Raüta Baal sumla phra kriishe shomnoqto.

Tvtsvmc 106:12

Kiijiishetiq asenginok raq akiqkham bomtsi ma kamto raüta apaiq tiitsamkam shito.

Tvtsvmc 129:1

Israil lei, naishiq ma chonglaq ümjaqtinok raq jamkho tiichamchaota ümnaq jeroji miiphü.

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

ISAIA 65:21

Nokmaiqse raq jam mihai wan. Raüta kiijaq tsangshiq maiqmii kli misi. Kra jam thun na maiq ahinti ka siwa mak miraq. Tsangshiq raq spiqtsiro michhi wan. Raüta spiqtai ka polokhiq minyang wan. Kra spiqtai ka maiq ahinti raq nyang mak she miraq. Pero ikha, isenginok ka rilung alu miishe misi wan. Tsangshiq raq maiqmii jaq maq jamlai min wa shiiq wantaq, kra tsingo ka tsan na nok na washa sha hea miphaq siq.

JEREMIA 2:1

Tatiwe raq ngi ma

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 3:4

“Riita ümchaütiq shea ümniiraq ngi nangnga, ‘Ümniika iwe. Ümniiraq ngi ka noseji miiphü lungwii laü.

JEREMIA 32:15

Tati Ningkun Ajongwe, Israilnok Shiikeawe raq, jam thun, wak ram thun, kiimaq spiqtsiro thun ka armung arjaq riiri riithii hali mirshata nong nguta chongto.”

AJONJÜ 3:21

Li jiimin, ngi raq itsan mong na, ara bomtsi ashi ara shiwea ha jiila, itsan na aran chang ka asi saütlo:

EJEKIEL 16:22

Ümniika ümrilung wiilü mephe nyung ma jawan laüta, maiqphai asi rilung siwan laü liipan na ümniiraq ümnaq noseji wa ümrilung ka jamkho siwan laü kriika— ümniika kheahü ma, ümrawü chhi nochhü tiijai thaq na riinyat laüta, akap atsea phe laü kra jangshi ra dongdii min ümtsan na riiwea wan maü riilaü.”

EJEKIEL 16:60

Shatmaq Ngi raq ümnaq noseji na ümniirai tongshong kiqkham raüpot kha wan kang kra mishrengha. Kiimaq Ngi raq ümniirai tongshong ashi hali mishong wan nongha. Kriika pattup pat-sa thenki mak phan miraq.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

EJEKIEL 28:25

Tati Rakaü Hiqwe raq akha nguto, “Ngi raq Israilnok ka pongmung thun na anyinbaiqha kiiwa, Israil mung na hali mitiijang shea wanha. Kiimaq maiq phan tlotli raq Ngi ka asii nguta misap wan. Kiimaq Israilnok ka Ngi raq ijaqshi se Jakob ma akuqha tsang mung kiijiishe mishong nga wan.

EJEKIEL 28:26

Tsangshiq ka kiijaq hansang rakhang miishe misi wan. Tsangshiq raq jam awak thun mihai wan. Kiimaq spiqtsi ro kra michhi jang wan. Ngi raq tsang mung tro na siti maiq mung thun raq tsangshiq ka thophi riiqphi haihü wanti thun wiita ma, Ngi raq mo mitiihoha. Kiimaq Israil mung ka khusang rakhang miishe mishong nga wan. Tsangshiq raq Ngi ardea tsangshiq Tatiwe tsangshiq Shiikeawe nguta misap wan.”

Hosea 11:1

Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

Hosea 12:13

Israilnok ka Ejip mung na, maiqdi ma jaraüta sito. Shatmaq kriiwa, Tatiwe raq, shammi weshi tiiki raüta kharü mong wa, tiichhiikuq wanto. Raüta tiichhanchhi wanto.

Hosea 12:9

Shatmaq, ngi ka namshiq Tati Shiikeawe. Ngi raq namshiq ka Ejip mung wa shea wan kang, rumnyangkhi kumtsaiphii lam maq sheawan kang. Ngi raq namshiq ka tombutiip na mitiijap nongha, man na ngi namshiq pha na, kumtsaiphii na kikang ikha.

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

AMO LUIK DVP (AMOS) 9:14

Ngi raq isenginok pongmung na anyin baiq wan ha wa, tsangmung niishe mitsuq wan ha. Raüta tsangshiq raq tsangshiq chela thun athen arki ka, wiita mitiihea hai wan. Raüta mishong nga wan nong. Tsangshiq spiqtsi ro thun kra michhi wan nong. Raüta spiqtai ka chamtraq minyang wan. Tsangshiq raq petsi wiqtsam ro ka, pahea michhi wan. Raüta petsi wiqtsam chamtraq miphaq siq wan.

JEKERIA 9:12

Munglu shumwikong lei, ümchaü san, namshiq ma akamsea chang asi she, jangwa rongkiq. Nam tiiwong chang niishe jang wa rongkiq, Ngi raq namshiq ma shiiman kechu, thep tliip lata mipai kuq kang. Namshiq ümtinkhan wa chamchao wan lan, Kra tiijang thamke miitu,

WEAWEA 21:17

Kra akhing na Israilnok raq ara shingeto: “Khappong thun lei, namshiq kham ka tiidong ronglaq. Kra riihanla naishiq raq namshiq ka ashi ange mitao wankai.

John 10:9

Ngi ahata skukhok kilamchong. Juwa ngi lümaq khok mong na watlaq, kriika khup wong kuqshat mirüm kom wan. Apaiq ka dongki dong wa mihaisiq. Apaiq dung chang nyiimrü ka tlung tiiwii mihum phaq.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

JOSHUA 7:26

Tsangshiq raq apaiq maachiim na long maq phongnyung kaüshi she rongbaiqto. Kra longphong ka ümchaü min asili. Kra ningkhan tiina, kra hiq ba ka ümchaü min Chamchao Hiqwii nguta ngutlo. Kra lot jaishe Tatiwe ka tsangshiq ma khiqmak she riito.

PHOWEBI 8:34

Krai mren tsangshiq raq Tatiwe tsangshiq Shiikeawe, tsangshiq tro na siti tsang jaqtinok jaqkhon wa tiikhup wongke wantiwe ka amiim she riibaiq nongto.