Hosea 2:16 - ASII LAKDAP Bible (BSI)

¹⁶ Kra akhing na ümniiraq ngi ka, “Iwese loi” ngutiishe mihea haü. Kra akhing na ümniiraq ngi ka, “Itawe Baal Phra,” ngutiika hea maü she miraq, nguta Tatiwe raq nguto.

Hawa Naga Bible 2001

¹⁶ Kvkaq piq rueq ngaz kuex piq taungwaz ngoz tueq gvl yek phuex, piq rueq ngaz kuex piq Bala ngoz tueq mkaq muinz gvl phuex rvmuq.

Hosea 2:16 Referencias Cruzadas

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

ISAIA 40:2

Jerusalemti ma tsaiji dokuq ronglaq. Tsangshiq ma chonglaq, tsangshiq luhea she chamchaoto, kiimaq tsangshiq ngarai thun ka ümchaü diibaiqto she. Ngi raq tsangshiq ngarai homa kra khan khan hongli mo tiihokang she.”

ISAIA 54:5

Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

EJEKIEL 20:35

Ngi raq namshiq ka, ‘Maiq mung thun Kumtsaiphii Tan’ ngutlaq kriiba na mitsuq wanha. Lata kiijaq Ngi raq namshiq ka mantut na tiinga lata mitiishutbaiq wanha.

Hosea 2:7

Apaiq raq akongtiwetiim jai ka mijoho. Shatmaq tsangshiq jai ka lomak miraq. Apaiq raq tsangshiq ka mirit. Shatmaq tsangshiq ka hummak miraq. Kiijiishetiq, “Ai ngi arka, iwese wechüwe phaniili jang wan nong chang miraq. Man na ngi apaiq rai siji niika, khusang rakhang maq sikang. Shatmaq ümchaü ngi ka naolaq she,” nguta apaiq ka mitiibot.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

Revelation 19:7

Nashiq tarü raq kai khoqriiq shishiiq maq chochi rong i! Apaiq jonglu kli tiitsam rong i! Jamkhano ngukla, Skuse maiqlam Poi akhing ka saü wato she. Junrii nyung ka khungron poi miitu tiijeje she.

PHOWEBI 19:3

Kiijiishe kriiwe ka kriinyung jai ka joho raüta apaiq ka tlin raüta tiijang sheakai nguta thapthito. Krai mren, apaiq rai akhiiq witise kra kiimaq kumtoq kaünai heho raüta kihoto. Kiimaq jechakse raq Lewiwe ka jam mong na shea wanto. Kiimaq awe raq apaiq ka chhi raüta, apaiq raq Lewiwe ka aheawiq maq taoto.

RUTHA 2:13

Kiijiishe Rut raq, “Shiilangwe lei, ümniiraq ngi ma pinthum lungwii tsantsii tiichhi kuq laü. Ngi khoshose akhnok arka ümkoli ümjaqshisetiim sitlaq kra phongwa nyungshi ra kra khan min thekmang. Shatmaq ümniiraq ngi ma lungwii tsantsii jonghea tiichhi kuq laü. Kra ningkhan, ngi ma tsaiji kongtam puqshi she,” nguta Rut raq treto.