Hosea 2:14 - ASII LAKDAP Bible (BSI)

¹⁴ Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Hawa Naga Bible 2001

¹⁴ Kvkhoc rvtueq ngaz rueq piq kuex kumtsvy tvnx nuex shvlx laq yek ruiux; kvruex baung kvmaq lungwawc kvjaz jungx vtueq piq kuex tvlenc yek shaungx.

Hosea 2:14 Referencias Cruzadas

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

YOBA 36:16

Shiikeawe raq ümniika litkot kaidi mong wa tlun wanto, raüta ümniima khusang rakhang peohea rilung kuqto; ümtashong khok na phaq nai sea chamtraq asho awo phongkuqto.

ASHICHONG 1:4

Ngi shunshea laq wapha nanai bashi ra na, Nanai honhonli juho phiina. Ümniika ihokham jalaq. Nanai jam na shongnga wanpha. Rilung pattup chojong chise si ma. Nanai honhon tapmong nyang na, Lungwii spiqtai nyanglaita, Tapshok phataqtaq maq si ma. Junriire wiita raq ümnaq lungwii tlo ka awang chang riimak!

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

JEREMIA 16:14

Tatiwe raq ngutlo, “Akhing ashi misaü wan mungmaiqse raq ngi mang chong raüta ngi ka atra Shiikeawe tsangshiq ka Ejip mung wa shea wantiwe ngutiika tiitum mak she miraq.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

EJEKIEL 20:10

“Krai mren, Ngi raq tsangshiq Ejip mung wa tsuq wan lata kumtsaiphii bintang mung na sheaho kang.

EJEKIEL 20:33

“Tengteng. Ngi, Tati Rakaü Hiqwe atra Shiikeawe raq, namshiq ma honlam bom chongtiikang, Ngi raq itsankhiq walü nyai hengtlaq kriimaq namshiq ka ijaq khon mong na iningkun wiita maq mipeng wanha.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Mikha 1:7

Ara ariq tsangshiq phra sumla thun, wiita mitiibunbaiq. Kiimaq shomjam mephe-nyung ma akuq, tsiiqtum thun wiita wa maq michaq baiq, kiimaq phra sumla thun ka wiita mitiibun baiq. Samaria chelati raq tsangsetiim tiipa ma, nguta Phra sumla thun noq wanto, ümchaü ka tsangjaqti raq shomjam mephe-nyung re ma, maiqhiq ahin niishe miho wan.”

Mikha 4:10

O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

John 12:32

Ümtiikiiwa ngi ka ra na tsom wan jiiq, kiitiikaq ngi raq wiitarü ka ngi phana mitriitam wan ha.”

John 6:44

Ngi tiikaiti i We raq shunshea raüta, tiinyap wan hü miika, i puk na jumin nyap wan lot mak. I puk na nyap wanti ka phangthum ranaiq na, ngi raq amaa wa atra mitiidong wanha.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

PHOWEBI 19:3

Kiijiishe kriiwe ka kriinyung jai ka joho raüta apaiq ka tlin raüta tiijang sheakai nguta thapthito. Krai mren, apaiq rai akhiiq witise kra kiimaq kumtoq kaünai heho raüta kihoto. Kiimaq jechakse raq Lewiwe ka jam mong na shea wanto. Kiimaq awe raq apaiq ka chhi raüta, apaiq raq Lewiwe ka aheawiq maq taoto.