Hosea 2:20 - ASII LAKDAP Bible (BSI)

²⁰ Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Hawa Naga Bible 2001

²⁰ Ngaz rueq ngvy bomkhvmc kuex taq ruiux mnoz kuex ngvy tvkoc tvyaungc phaungx, mnoz rueq ngaz kuex Yehowa ngoz tueq kvjungc tuiux.

Hosea 2:20 Referencias Cruzadas

RAPHA HIQWA LAK 9:10

Kiimaq atra phan tlotli rai- wushi phan tlotli rai kiimaq nyamse phan tlotli rai-ümniirai lai mong wa ümchuwa dong hotaq kriiti thun rai.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 62:4

Ümniika “Amiim arbaiq,” ngutiika ngumak she miraq, Riimakla üm mung ka “Junshu Nyung,” nguta ngumak she miraq. Ümmang anye ka, “Shiikeawe Ka Arnyung Rai Tsanhea,” ngutiishe mingu. Üm mung ka, “Chochikhiq Shongnga Wanto” ngutiishe mingu. Jamkhano ngukla Tatiwe ka ümniirai tsanhea Kiimaq apaiq ka üm mung ma awese ikha miraq.

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

EJEKIEL 16:62

Ngi raq itongshong raüpot ka ümniirai anye ma hali mitiija wan nongha. Kiimaq ümniiraq Ngi ardea Tatiwe nguta misap haü.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

EJEKIEL 34:25

Ngi raq tsangshiq rai tong she mishongha. Kra tongshong ramram wokhong maq tsangshiq ka khusang she misi wan. Ngi raq mung wa rum na ngamthaiq kong sitlaq thun ka wiita ajo she mirbaiqha. Krai mren, i skusekong ka rum na nyiimlung rü na nyiip jaqphaq chamtraq haihü songhü miishe bum raüta mihaisiq.

EJEKIEL 34:27

Pechong thun raq atsi mirkuq. Wak ram thun na tsam aheawiq midong man kuq. Kiimaq maiq loweatek ka maiqmii hiqshong na hansang maq mishong wan. Ümtiikiiwa Ngi raq i senginok khachang shumraü kharü thun kra chumbaiq tiikang, lata tsangshiq ka maiqdi sitlaq kiiwa dokda wan lata, wasekong miishe tiijatiikang, kiijiishetiq tsangshiq raq Ngi ardea Tatiwe nguta misap.

EJEKIEL 38:23

Arthun jaqsham ara lümaq, Ngi raq mangjong hiq na maiq mung thun ma, Ngi ka ajong pinthum kiimaq Ngi ka asii nguta mitiichhi kuqha. Tsangshiq raq Ngi ardea Tatiwe nguta misap wan.”

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hosea 2:19

Lata ngi raq ümniika pattup pat-sa miitu, ijamti-nyung miishe mitiija wan ha. Ngi raq ümniika tsapsaü kapse miishe milungwii wan ha. Ngi raq ümniima lungwiitsii ka pharang rang miishe mithü wanha. Ngi raq ümniima kaphap wan tsii mitiichhikuqha.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

LEWI 26:5

Namshiq wak wa bunwong ka hea hea mihea. Namshiq raq bunwong hanshon niili spiqtsi ro wa atsi ka apancho she misaü wan. Kiimaq namshiq ka spiqtsi panshon niili bunwong wancho akhing ka misaü wan. Namshiq raq ümchu phaqsea wa lungwii tlan, kra chamtraq rongboq miphaqsiq han. Kiimaq namshiq ka namhiq na khusang rakhang maq misinga han.

LEWI 26:6

“Ngi raq namshiq ka nam mung na mung atsing maq mitiisi kang. Kiimaq namshiq ka haihü songhü maq aheawiq mikon nga han. Ngi raq rum ngam ngamthaiq thun kra namhiq shong wa ajo mirbaiqha. Kiimaq nam mung na chiqdong redong ka ahü she miraq.

Mikha 4:3

Apaiq raq maiq mung pahea liipan wa, kha tri mitoqtan, maiqphan jonghea kiimaq luhea na siti liipan na, kha mipho, tsangshiq raq nepja thun ka, ni the chang thai miishe mitiiq, kiimaq tsangshiq piqkhu thun ka, nyiimdong ton chang jasai miishe mitiiq. Maiq mung thun liipan na re dongmak she miraq, chiqja reja tiije makshe miraq.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

2 Timothy 1:12

Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.

Hebrews 8:11

Tsangshiq phong wa jurmin, maiqmii hiqshongti ma, ‘Shiikeawe puk na nyap laq’ nguta, hon atsii chongke ngo min raa mak she miraq. Kra akhing na, tsangshiq tarü, ajong aran kunli, I wokhong niishe misi.

1 John 4:6

Shatmaq, nashiq ka Shiikeawe rii she nguta sitiikai. Jurwa Shiikeawe rai mang riisap shatmaq sitlaq, tsangshiq riika nashiq bomchong kra tai tlo. Juwa Shiikeawe rü riimak, kriiti raq nashiq bom ka tai mak. Riita ara chongtiikai hakhi armaq, nashiq raq riikhaqli Asii Wenyi bomtsi nai arot winji bomtsi kiishe shin tiikai.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.