Hosea 2:21 - ASII LAKDAP Bible (BSI)

^21-22 Kra akhing na ngi raq isengi Israilnok, achu jaü mitreha. Ngi raq ra mitiijun kuqha. Krai mren tsangmung na, tü atsam nai spiqtsi kiimaq Olip petsi thun aheawiq mitsingo.

Hawa Naga Bible 2001

^21-22 Kvruex kaq ngaz rueq ngvy miqsaz Israel rueq vjux thoz bomc htenc kuex tvralc shaungx. Ngaz rueq ghaq htauk nuex raungx tvyunc ruiux, ghaq rueq tuiz vtsvmz, svpiq thuey nuiyc olip thuey htenc kuex tvthuey shuex.

Hosea 2:21 Referencias Cruzadas

ISAIA 55:10

“Ibomtsi ka tsakhiiq ikha kiimaq rajun ikha, ra maq mangjong hiq na deatlo, raüta hiqraikhü na nyuktlo. Raüta tü atsam kra tiijongtlo, kiimaq tsamlai tiidongtlo kiimaq aphaq sea chang tü atsam tiidongtlo.

ISAIA 62:4

Ümniika “Amiim arbaiq,” ngutiika ngumak she miraq, Riimakla üm mung ka “Junshu Nyung,” nguta ngumak she miraq. Ümmang anye ka, “Shiikeawe Ka Arnyung Rai Tsanhea,” ngutiishe mingu. Üm mung ka, “Chochikhiq Shongnga Wanto” ngutiishe mingu. Jamkhano ngukla Tatiwe ka ümniirai tsanhea Kiimaq apaiq ka üm mung ma awese ikha miraq.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

ISAIA 65:24

Tsangshiq raq ijaq wa achu jaü tlaq kriimin milot shaq niili, Ngi raq tsangshiq achu jaü ka mitreha.

EJEKIEL 36:29

Ngi raq namshiq ka namkhum tiisheshi chang phanrap sitlaq kriiwa mitiichhii kuq wanha. Ngi raq püwong kham ra tü atsam ka heahea tiidong man wan miitu aming mikuqha. Lata namshiq ka rongboq she mitiijaha. Krai mren, namshiq ma ram ka dong mak she miraq.

Hosea 14:7

Thongshiri tsangshiq iwokhong na, khu asang maq mishong wan. Pepüro bagan ikha mipülii wan, Lebanon pum wa spiqro ikha, maiqlung ngamwii tsomhea mitsingo wan.

Yoel 2:19

Apaiq raq tsangshiq achu jaü treto. Tatiwe raq treto: “Ümchaü san ngi raq namshiq ma, püwong, kiimaq spiqtai, oliptsi tai pahea she, mishman kuqha. Namshiq ka chojong chise miishe, mishong nga wan han. Pongmungti raq nashiq tsaihai mak she miraq.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

MALAKI 3:10

Namshiq aroqkhu honglu ümchuwa sitlaq kra, kunkun Shomjam na kuq ronglaq. Krai mren, kiijaq aphaq asea chang phan ka chamtraq ama miraq. Namshiq raq ngi maitai rong laq, ngi raq ramungtan kilü ka linham linhok lata miraü kuq ha. Phanrap phanrii achu shiiman phongtsoktsok she mikuq ha.

MALAKI 3:11

Ngi raq namshiq wak wa, ajong ajii ma tü atsam ka tiiphaq mang she. Krai mren nam spiqro thun na atsi ango ka atu alu she miraq.

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?