Hosea 2:23 - ASII LAKDAP Bible (BSI)

²³ Kra akhing na Ngi raq isenginok ka, Israil mung na mitiichhanchhi wanha. Kiimaq tsangshiq ka chiithe lüwa mitiija wanha. Lata “lungwiimak” anguti ka milungwiiha. Kiimaq, “Isengi riimak” anguti ka, “Namshiq ka isengi” ngutiishe minguha. Kiimaq tsangshiq raq Ngi ka, “Ümniika i Shiikeawe’’ ngutiishe mihea wan.

Hawa Naga Bible 2001

²³ Ngaz rueq ngvy miqsaz htenc ghaq vraungx vyuq tvhttax ruiux tsuingshiq kuex tvrungx wanx shaungx. Ngaz rueq “Lungwawc vguez” ngoz tueq ngoc rvhumc yaq hez muex muinz, “Ngvy miqsaz rvmuq” ngoz tueq ngoc rvhumc yaq jix muex muinz lungwawc thuinz tvkhic shaungx, ngaz rueq, “Nuimshiq kuex ngvy miqsaz rvtuit” ngoz shaungx, tsuingshiq rueq, “Mnoz kuex nuiyshiq Tishox rvtoq” ngoz tueq tvralc wuez shuex.

Hosea 2:23 Referencias Cruzadas

Tvtsvmc 118:28

Ümniika i Shiikea, krai mren ngi raq ümniima kechu pahea tumtiikang; Ngi raq ümnaq jonglu kra chii riimlata michongha.

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 68:31

Ejip mung wa kiimwebi thun miwa; Sudan mungti raq tsangshiq jaq do raüta Shiikeawe jaq wa achu mijaü.

Tvtsvmc 72:16

Armung ka chu akham na arong awin mung ma mijalaq; ku akin thun na tsamman waheala mirlaq, Lebanon pum thun wak ram na tsam hearai tlaq ikha mihealaq. Chela thun ka mungmaiqse raq ama khunyaq khukhi misilaq, rum na nyiimlung tan ikha tümlüm tümli mirlaq.

ASHICHONG 2:16

Apaiq ka ikongtiwe, Ngi ka apaiq rii. Apaiq raq skukong bajin rü na, tiihaisiq tlo.

ISAIA 44:5

“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 31:27

“Ngi, Tatiwe raq ngutiikang, akhing ashi misaü wan, kra akhing na, Ngi raq Israil mung nai Juda mung ka maiqse maq nai nyamse maq mitiimaha.

JEREMIA 32:38

Kiitiikaq tsangshiq ka isenginok she miraq. Kiimaq Ngi ka tsangshiq Shiikeawe she mijaha.

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

EJEKIEL 36:29

Ngi raq namshiq ka namkhum tiisheshi chang phanrap sitlaq kriiwa mitiichhii kuq wanha. Ngi raq püwong kham ra tü atsam ka heahea tiidong man wan miitu aming mikuqha. Lata namshiq ka rongboq she mitiijaha. Krai mren, namshiq ma ram ka dong mak she miraq.

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 8:2

Israilnok raq, ‘Shiikeawe lei, naishiq raq ümniika asaphai!’ nguta hoqtrang tlo.

JEKERIA 10:9

Ngi raq tsangshiq ka, pongmung luhea na wan baiq kang, li jiimin, luhea mung maq, tsangshiq raq ngi laqmak miraq, tsangshiq nai asetiim ka, tsaimak atra mishong nga wan. Raüta jam na adam mijang wan.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

JEKERIA 14:16

Raütiishe, pongmungti Jerusalem khatkai akiwa abung atiichongti raq, Jerusalem na rawiitek kiraü raüta, Tati Ningkun Ajong Pinthumwe kiidea hokham nguta mishomnoqki. Kiimaq rawiitek Joli Tiip Na Jap Poi kra lomkai dam miki.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Romans 3:29

Riita, shea Shiikeawe ka Jehudinok miituli nguta wa sitla? Apaiq ka Pongnok phan maiqse miitu min riimak sha? Riikhaqli, apaiq ka Pongnok phan maiqse miitu min sitlo.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.