Hosea 3:1 - ASII LAKDAP Bible (BSI)

¹ Tatiwe raq ngi ma, “Ümniika kinong laq. Laüta, ümchak sethoq nyung phana sikikiq. Laüta apaiq shutphit heali jiimin lungwii nong laq. Arka Israilnok raq Ngi miimthü raüta, sumla phra shomnoq hotaq. Raüta honglu kuq wantlaq. Li jiimin, Ngi raq tsangshiq ka lungwii nong tiikang kiikhiisii lungwiilaq,” nguta thaüto.

Hawa Naga Bible 2001

¹ Yehowa rueq ngaz muex, “Washiz rulc rvlungwawc vtueq miqwaz senc lvy jix nyuiuz kox nuex kaz yek vtueq lungwawc thuinz kuex tvkhic shuiuz. Israel miqsaz htenc kuex vganc tishox htenc kox nuex kvroz wvnc vtueq yac yuimx htenc muex pulx thuey shanx shomc kuq wuez yaq, yuq muinz ngaz rueq Israel miqsaz kuex lungwawx hvt dvyx doc ikhoc mnoz rueq muinz piq kuex lungwawx shuiuz,” ngoz tueq jungx phuex.

Hosea 3:1 Referencias Cruzadas

2 SAMUEL 6:19

Raüta tsangshiq tarü tlotli ma phaqnai sea kriishe pheanyin kuqto. Apaiq raq Israil mungti maiqwe kiimaq jechakre loweatek ma, winsii thopshishi kiimaq wa na ashu ngamphu phuchhuq chhuq kiimaq spiqtsi shin maq aklo winsii shin phuchhuq chhuq pheakuqto. Kra lot jai she maiq thun ka wiita jam niishe wawanto.

2 HOKHVMX 13:23

Shatmaq Tatiwe raq tsangshiq ka mangchan shat kiimaq tiihang kuqshat riito. Apaiq raq tsangshiq ka re jaq na tiithenbaiq mak riito. Shatmaq tsangshiq ka khrum kuqto. Jamkhano ngukla apaiq raq Abraham, Isak, kiimaq Jakob rai tongshongto. Apaiq raq asenginok ka ümtiikiimin laqbaiq mak riito.

1 KAÜWA WERAÜ 16:3

Kiimaq apaiq raq phaq asea thun kra tsangshiq tarii ma pheakuqto. Apaiq raq maiqwere loweatek ma kiimaq jechakre loweatek ma Israil mungmaiqse ma winsii thop chhuq, ngam phu ashin phuchhuq, kiimaq phupmuptsi shin winsii phu thun ri pheakuqto.

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

Tvtsvmc 123:2

Ajaqshi se raq atijongwe jaq liitlaq ikha, ajaqshi se jechakse raq atijong nyung jaq liitlaq ikha; naishiq riimin ümjaq miliihai, Tati naishiq Shiikeawe lei, ümniiraq naishiq ma tiihang mangchan mitiichhikuq haüshaq wiiwii.

DUNGWVNC 32:6

Anap ranaiq ranap chu maq tsangshiq raq honglu na take ma nyamse thun wiijam lam wanto. Kiimaq nyamse wiijam ka rintii-honglu na kuq raüta aphaq ma lam wanto. Raüta mungmaiqse ka poi dung kra phaqsea she ngakito. Raüta kra poi ka chechok tsampii butja she tiipongpii wanto. Raüta hikong ikha sethoqja she kiicham wanto.

ASHICHONG 2:5

Petsi nyamtu phong na konpha. Ichangdü ka petsiro chong ji na, Ngi ka lungwii ro raq ahaü.

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

JEREMIA 3:20

Shatmaq sethoq nyung ikha, ümniika iwokhong na tsapkapkap simaü riilaü. Arka Ngi Tatiwe raq ngutiikang,”

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 4:11

Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!

Hosea 7:5

Hokham raq poi klo tlaq akhing na, welabi raq hokhamwe ka che maq ngeaseatlo. Raüta angok angi ma tiijatlo.

AMO LUIK DVP (AMOS) 2:8

Tsangshiq raq Shiikeawe shomjam rap maq, thümsaü litseti raq, athümtsi ma chhichhi namnam khaho raüta, akheathum atiikhaki jangkuq mak sam raüta kontlo. Kiimaq namshiq raq maiqjaq wa thiitham kha na, che atsa wan, shomjam mong maq nyang lantea, shut lan.

AMO LUIK DVP (AMOS) 6:6

Che piikhaü toshat maq riingea tlan. Lanta ahom pinthum homseng chü maq, tiinyat lanta siwan tlan. Shatmaq Israil mung then wan tlaq kra, miitu tsanbi hosi jammin ahü sitlan!

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

JEKERIA 1:16

Arkha niishe, ngi ka Jerusalem na imangchan tiichhikekai she saüki kang. I Shomjam ka atiihea mihai nong. Kiimaq Jerusalem kiimin, atiihea mihai nong,” nguta Tatiwe raq chongto.

Matthew 26:50

Kiijiishe, Jesuq raq treto, “Phuno we ümniiraq jamlai phan klo chang wa kra jaqlo klo tlo laq!” Kiijiishe tsangshiq raq Jesuq ka ranghoto. Kiimaq raü maq tep khato.

1 Corinthians 10:21

Namshiq riika Tatiwe khap wiimin nyang. Kiimaq thawe khap wiimin nyang ka raa mak. Namshiq raq Tatiwe tsampin wiimin phaqsiq, kiimahali, thawe tsampin wiimin phaqsiq ka raa mak.

1 Corinthians 10:7

Tsangshiq phong wa maiq wiijamti raq sumla noq wantaq kiikha, nashiq riimin noq wan raa mak. Asii bomtsi na akha chongtlo, “Tsangshiq kra mungti ka adam na thung raüta, thatsang ngam phaq che nyang dungsea poi thungtii wanto. Kra thungtaq krai mren, ashe ashi hi awaq ikha, chechok tsampii nai sethoq sepii kiicham riinyat wanto.”

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

PHOWEBI 10:16

Krai mren she, tsangshiq raq pongmung phra thun ka wiitashe miimbaiqto. Raüta Tatiwe ka shomnoqto. Kiimaq apaiq kiimin Israilnok chamchao kra chhi raüta, kaishak miili ka liilot mak she riito.

PHOWEBI 9:27

Kiimaq tsangshiq tarü maiqmiimii spiqro na spiqtsi pankai kihoto. Raüta spiqtsi maq spiqtai kloto. Raüta poi kloto. Raüta tsangshiq ka tsangshiq raq noq tlaq sumla phra shomjam kiina wawanto. Kiijaq tsangshiq ka chenyang dungsea peokhiq peoto. Raüta tsangshiq raq Abimelekh ma shummii laqpii she saisito.