Hosea 2:19 - ASII LAKDAP Bible (BSI)

¹⁹ Lata ngi raq ümniika pattup pat-sa miitu, ijamti-nyung miishe mitiija wan ha. Ngi raq ümniika tsapsaü kapse miishe milungwii wan ha. Ngi raq ümniima lungwiitsii ka pharang rang miishe mithü wanha. Ngi raq ümniima kaphap wan tsii mitiichhikuqha.

Hawa Naga Bible 2001

¹⁹ Israel lex, ngaz rueq mnoz kuex itaungx nyuiuz muex tvyaungc phaungx; Ngaz kuex tsuingrux nuiyc tvmtuing httax taungx; ngaz rueq mnoz muex phaungx ngaungx yaq lungwawc nuiyc menjenc thuinz kuex tvkhic phaungx mnoz kuex ngvy tvkoc pattup tvyaungc phaungx.

Hosea 2:19 Referencias Cruzadas

Tvtsvmc 85:10

Lungwii nai tsapkapkap ka adam na mirhum; kechu nai hansang ka adam na mirpom.

ISAIA 1:27

Tati ka kechu, kha maq, apaiq raq Jerusalem ka kiimaq kiijaq siti mungmaiqse wiitarü raq maiqmii ngarai tiidii wanti mitiichhii kuq wan.

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 54:5

Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.

ISAIA 54:6

Israil lei, ümniika awese ma wapha jetu nyung ikha, awese raq miimbaiq thü jai litraitlaq ikha. Shatmaq Tatiwe raq ümniika apaiq pha na hali tiijang heanongtlo raüta ngutlo.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

EJEKIEL 39:29

Ngi raq i wenyi ka Israilnok khuthaq na minyuk kuq wanha. Kiimaq Ngi raq imaklii ka tsangshiq phanü wa jainong ka ümtiikiimin shung thü mang she mirha. Arka Ngi, Tati Rakaü Hiqwe raq chong tiikang.”

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Yoel 3:20

Ngi raq tsangshiq phuk milamha. Ngi raq matwe thun ka tiihang mang. Krai mren Juda mung na kiimaq Jerusalem na, mungmaiqse ka tuptup she mipuchi wan. Raüta pattup she mishting ngang wan. Kiimaq ngi Tatiwe ka Jajon hiqlam niishe misi wan ha,” nguta Tatiwe raq ngutlo.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Romans 7:4

Phunainotiim lei, ara chongtiikang tri bomtsi ara niq riri, namshiq kiimin sitlan. Thungtri nai namshiq liipan niika, lamphan railo ka atiipan kai kun she. Namshiq ka Thungtri kharü mong wa atsai kai wishe. Jamkhano ngukla, namshiq ka Jesuq Khristo khum sitlaq kra, pan athiq she sitlan. Kiimaq ümchaü namshiq ka amaa wa tiidong wantaq we kra rii ngutiishe sitlan. Arka, ümchaü sanha, nashiq tarü ka Shiikeawe kriili she shomnoq laita siwan miitu atra sitiikai.

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.