Hosea 2:18 - ASII LAKDAP Bible (BSI)

¹⁸ Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hawa Naga Bible 2001

¹⁸ Kvruex kaq ngaz rueq ngvmx saz svl vwvl htenc nuiyc wushawx htenc rulc bomkhvrc taq shaungx, kvruex raq ngvy miqsaz htenc kuex guirguenz shuex rvmuq. Kvruex mungtan wawc ralx khvt taungx vwawc lotlaz muinz, yaung nuiyc laq lotlaz muinz lvp gay shaungx, ngvy miqsaz htenc kuex nomic nuiyc vhvlx kvwungx maq tvhttax shaungx.

Hosea 2:18 Referencias Cruzadas

YOBA 5:22

Ümniiraq jasam piqsii kra nai ramhaü kra chhi laüta anai seali mirhaü kiimaq rum nyamse kong miimin haisong maü misi haü.

YOBA 5:23

Ümwak thuki tlaü ka longkaü min ahü miraq; rum ngam kong raq ümniika kaq wa mak miraq.

Tvtsvmc 148:10

nyamse thun tlotli, atiipokwi nai rum nyamse thun raq, paü phan thun nai wushi thun raq.

Tvtsvmc 23:2

Apaiq raq ngi ka sangphii dongnin rü na tiibumtlo kiimaq ngi ka khamchum setiim khangri rihea kiina sheahotlo.

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 26:1

Ranaiqshi akhing misaü wan, kra akhing na Juda mungti raq ara mishinge: Nachela ka ningkun aheng! Shiikeawe apaiq raq chela tro ruk thun kra tiiwongtlo!

ISAIA 32:18

Shiikeawe senginok ka chamchao chapa ahü she miraq. Tsangshiq jamkun na nai hiqshong na khusang rakhang miraq.

ISAIA 54:5

Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 33:16

Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.

EJEKIEL 34:25

Ngi raq tsangshiq rai tong she mishongha. Kra tongshong ramram wokhong maq tsangshiq ka khusang she misi wan. Ngi raq mung wa rum na ngamthaiq kong sitlaq thun ka wiita ajo she mirbaiqha. Krai mren, i skusekong ka rum na nyiimlung rü na nyiip jaqphaq chamtraq haihü songhü miishe bum raüta mihaisiq.

EJEKIEL 39:1

Tati Rakaü Hiqwe raq nguto, “Maiqse lei, Meshekh mung nai Tubal mung pengti ajongwe Gog ka tamlaq. Laüta Ngi ka apaiq ma wesang nguta chongkuq laq.

JEKERIA 14:4

Kra akhing na Tatiwe ka Jerusalem chela maq shedong nü na Olipro Pum na michap. Kiijiishe Olipro Pum ka man nai na shedong nü maq riita shenyap nü na tiikholiiq she mitiikhoki. Raüta aheawea niika jüwiikaü jonghea ashi she midong. Pum khoko ka shekhu nünü niishe mitiikoq wan. Kiimaq khoko ka shemai nünü niishe mitiikoqho.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

JEKERIA 3:10

Kra ranaiq she saü raüla, namshiq ashi maq riita ashi raq, maiqmii jamthaq jamkiqti ka mihea han. Lanta chojong chise maq, kiimaq hansang maq, nam jamkea tro na, spiqro nai phupmupro mong niishe mishong wan han,” nguta Tatiwe raq ngutlo.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”