DUNGWVNC 7:11 - ASII LAKDAP Bible (BSI) Kiijiishe hokhamwe raq asenginok taksu maiqsetiim nai mintin klotibi thun ka tiihea kito. Kiimaq tsangshiq raq mintin klo raüta kiikhiisii kloto. Hawa Naga Bible 2001 Kvruex yimaq hokhvmx waz rueq piq miq wvtharc jix nuiyc mvntan thenc jix htenc kuex gvl vtueq, tsuingshiq rueq muinz kvkhoc rvwuez tueq. |
Ranap niishe apaiq ka achapa she riito. Kra ningkhan apaiq raq Ejip mung na siti mintin logle kloti thun kiimaq taksmabi thun kra tiihea kito Raüta tsangshiq ma apaiq rawa ma ka chongto. Shatmaq tsangshiq phong wa weshi ra riimin apaiq rawa ma liichum ka chongkuq lot mak riito.
Tsangshiq raq tsang nyeakii thun ka hiq na baiqto. Riikiita kra nyeakii thun ka paükaütiim ma jakito. Shatmaq kriithun ka Aron nyeakii raq wiita jokbaiqto.
Kiijiishe hokhamwe sengi mintin klotibi raq tsangshiq mintin klo raüta kiikhiisii kham ka tiijai ma tiijato. Kiimaq hokhamwe ka kongkhuji na jamkho kiikha wanshak shak, akhiismin riilap makli riito. Tatiwe raq chongtaq kra phan phan, hokhamwe raq Mosheq nai Aron bom ka taimak ngiimra li riito.
Kiimaq mintin klotibi riimin tsangshiq mintin maq kiimut raüta shecham tiidonglai nguta shiikutto. Shatmaq tiidonglot mak riito. Barap binrii na shecham siisaq long wanto.
Nail rai ka makphang long raq ama mirwan. Raüta makphang long raq ümhokham jam mong na, ümtap mong na, ümchangdü na, kiimaq ümsenginok ajong alabi jam thun na kiimaq ümsengi mungmaiqse jam thun na, kiimaq ümwinsii lumchang watum khok mong thun na kiimaq winsii lumchang pin thun na wiita milong wan.
Shatmaq mintin kloti nok riimin mintin klo raüta makphang ka tiidongto. Raüta mung na tlongto.
Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.
Daniel raq treto, “Chaü lei, ümniiraq jamlai wa malaü kra chongke lotti ka jumin ahü. Along liiti, mintin kloti, jaq liiti, riimakla raiqsaiq jipi shammibi raq juwe riimin chongkuq lot mak.
Kra ningkhan, ngi raq isengi Bebilon mung wa hokham rung na tsii chongketi thun kunkun, ngi phana tiihea kang, tsangshiq raq ngi ma rawama liichum ka michongkuq laq nguta.
Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.
Apaiq ka agilülü she ashi ra raq mintin klotibi, along liitibi, kiimaq raiqsaiq jipi shammibi thun heaki rongkiq nguta siito. Kiimaq tsangshiq thun ka saüwa kiita, hokhamwe raq tsangshiq ma nguto, “Jurwa ara lakwaiq ara phat raüta, ngi ma liichum kra chongkuq lot jiiq, kriiti ka hokhamwe miirii samtongjong kaü mintiitii kra mitiisam kuq, kiimaq adang na shreng khushü chaq laktum mitlak kuq, kiimaq imungtan na mung langti aranghoti lombot tsam chaoki na mitiinga.”
Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.
O anginok Galatiati lei! Namshiq ka juro mokmohota? Namshiq raq Jesuq Khristo ka pumsongkham na dea tsaito nguta, samhea wiq asap han.
Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.
Kra Thawe ka Soitan ningkun ho raüta misaüki. Raüta, apaiq raq maiqse tiiwang chang arot jaqsham pahea misham. Kiimaq maiq mao chang jaqsham min pahea mitiichhi kuq.
Jennis nai Jambrus ka Mosheq traho bomchong khüti wenai riito. Ikiikhiisii hali, arot shrabi chongtiikai ara riimin, tengtlaq bomtsi ka akhii riiwan tlo. Tsangshiq khutsai ka riikhaqli ka riimak she. Abi kai kun she. Tsangshiq ka kamasham rilung lamphan na apoi kaiwi she.
Shatmaq, tsangshiq raq Shiikeawe jaqsham na ong wan tiikai she lii nguta, tiishomra wan tlaq kriika, alu ka kham mak miraq. Jennis nai Jambrus ka jamkho dea wantaq, kiikhiisii hali ara chongtiikai arot shrabi raq tsangshiq jaqsham na ong kaishe nguta, tiishom ra tlaq kriimin amo she mir wan. Nanok tarü raq tsangshiq arka, angikong arot shrabi dea nguta misap.
Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.
mungmaiqse raq ramwebi nai mintin liitibi ka heato raüta waito, “Tatiwe Tongshong Tek ka jamkhiishe wa miriirong i? Nashiq raq kra thüchü chang ba kiina tiiwa baiq nong hai jiika, jamlai phan kuqlaito mitiiwa rong i?”