DANIEL 5:11 - ASII LAKDAP Bible (BSI)

¹¹ Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.

Hawa Naga Bible 2001

¹¹ Vsawc tishox htenc siyac httax yaq miq washiz mmungtan nuex httax yaq. M-waz hokhvmx yaungx tueq nuex kvruex waz rueq tishox htenc phaqjic nuiyc taksux tharc ikhoc maq taksux tharc tvkhic yaq. M-waz Hokhvmx Nebukhadnezar rueq piq kuex mvntan thenc jix bix, luinglawc jix bix nuiyc ruiysuiyq yapix lawc thenc jix hez shunshvlc jix muex tvyaungc tueq.

DANIEL 5:11 Referencias Cruzadas

RAPHA HIQWA LAK 41:38

Kiimaq hokhamwe raq tsangshiq ma akha nguto, “Nashiq raq Joseph nam ma maiqshaq maiq ahin ka humkilot mai she. Apaiq ka akhum na Shiikeawe wenyi asi.”

2 SAMUEL 14:17

Chaü lei, ngi raq itsan mong na akha tiima wankang, ümniiraq ngi ma kiqkham kuq tlaü kriika, ngi khum tiiwongketi khetuk ashi. Jamkhano ngukla, hokhamwe ka Shiikeawe rase ikha. Kiimaq apaiq riika phanrap ajiq alam khaqkhaq shin tlo. Tatiwe üm Shiikeawe ka ümniirai misi laq!”

EJEKIEL 28:3

Ümniinga ümniika Daniel thaq na taksuwe, ümmakki wiika ahuk bom jamlai phan min paülot mak nguta tiima tlaü.

EJEKIEL 28:4

Ümtaksu tsii kiimaq phanrap jaqsham smawe kha maq chaq kiimaq kampho ma chiithe jong jalaü.

DANIEL 1:4

Tsangshiq ka asham ahea, phaqchi maiqse, phanrap aheawiq shrinkeje, phanrap saptsin wansaqti, kiimaq akhum na amiphan ahüti riichang. Tsangshiq ka hokhamwe rung na jaqsham ma thektlaqti maiq riichang. Ashpenaj raq tsangshiq ma Bebilon mung bom ka aphat wan nai awaiq wan shrinke chang.

DANIEL 2:11

Chaü lei, ümniiraq jamlai bom wa waitlaü kriika tsinhea, maiqse raq khon lot chang ka riimak. Arka phra kong riili michongkuqlot. Tsangshiq ka maiqse rai simak.”

DANIEL 2:22

Apaiq raq tsaühea hupsam, kiimaq apaü arthü kra tiichhikuq tlo; apaiq raq ranyaq mong na paütlaq kra asap, kiimaq apaiq tro niika rawiili wali.

DANIEL 4:18

“Ngi raq rawa ma ka ara ma kang,” nguta Hokhamwe Nebukadnejar raq nguto. “Riita, Belteshajjar lei, ümchaü min, ngi ma kra liichum ka chongkuq laq. Iwokhong na siti isengi ngi danhontibi raq jurmin ngi ma ara chongkuq lot mak. Shatmaq ümniiriika milot haü, jamkhano ngukla, ümkhum na asii phra kong wenyi asi.”

DANIEL 4:5

Shatmaq ngi raq rawa ma ashi akon lam maq maiqphiip maiqjiip makang. Kiimaq riisham mak maq pinthum akiinyii chang chhikang.

DANIEL 4:6

Kra ningkhan, ngi raq isengi Bebilon mung wa hokham rung na tsii chongketi thun kunkun, ngi phana tiihea kang, tsangshiq raq ngi ma rawama liichum ka michongkuq laq nguta.

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.

DANIEL 5:7

Apaiq ka agilülü she ashi ra raq mintin klotibi, along liitibi, kiimaq raiqsaiq jipi shammibi thun heaki rongkiq nguta siito. Kiimaq tsangshiq thun ka saüwa kiita, hokhamwe raq tsangshiq ma nguto, “Jurwa ara lakwaiq ara phat raüta, ngi ma liichum kra chongkuq lot jiiq, kriiti ka hokhamwe miirii samtongjong kaü mintiitii kra mitiisam kuq, kiimaq adang na shreng khushü chaq laktum mitlak kuq, kiimaq imungtan na mung langti aranghoti lombot tsam chaoki na mitiinga.”

Acts 12:22

Apaiq traho bom chongke kra tai raüta, mungmaiqse raq, “Arka maiq bom ka riimak. Shatmaq rakaü hiq we bomchong!” nguta apaiq somra gitrang siqto.

Acts 14:11

Kiijaq mungmaiqse riiphong rai tlaq kra raq, Paul raq atsiti we tiiheake jaqshamtaq kra chhi raüta, tsangshiq ka tsangshiq nok Likonia bom maq, agi asii wa trang liishe, “Notsam arka rakaü hiq we phra thun ka ara maiqse khum na poki raüta, ümchaü nashiq pha niishe ra wa saükito!” ngutiishe siitrangto.

Acts 16:16

Ranaiq shi naishiq ka kra achu jaü chang ba kiina akai rai riikai. Kra akhing bala abi winji raq arom wan dise jechakse ashi ka, naishiq rai lam maq riihumto. Apaiq ka thawe shammi langliiti. Langlii raüta rawii shiqwii ji na jamlai phan mrong mra pin wan chang wa sitlaq, kra tiithaimai chongphan kewanti nyung riito. Apaiq raq kiikha lang liikuq raüta, atijong wetiim ma shammi jaq maq kampho pahea lapkuq wanto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.