DANIEL 5:12 - ASII LAKDAP Bible (BSI)

¹² Jamkhano ngukla, apaiq hon atsii ka tsaühea; kiimaq anyan phaqchi sapti; kiimaq rawama liichum chongke na asap atsin; kiimaq shiiwang bomtsi tiikho chongke saptsinhea; kiimaq amao chang jaqsham tru chongke na taksma. Apaiq mang ka Daniel; apaiq ka tiiheakikiq; hokhamwe raq apaiq ka Belteshajjar nguta mangto. Kiimaq apaiq raq kra liichum ka ümniima michongkuq.”

Hawa Naga Bible 2001

¹² Piq kuex pungx tuiuz nuiyc tharc httax yaq waz rvtueq, maung vlvmz kuex jalc jungx yaq, vgvrx bomc wiz htenc kuex tvkuiux raz vtueq bomc guiuq bomc nungx htenc vlvmz kuex jalc jungx yaq ningkhvnc nuex Belteshazar ngoz tueq hokhvmx waz rueq muingc tueq Daniel rueq vruex vlvmz lotlaz kuex mnoz muex jungx kuq kv-phux,” ngoz tueq.

DANIEL 5:12 Referencias Cruzadas

Tvtsvmc 16:3

Tatiwe sengi awokhong na siti ka pinthum athuk atsom! Ngi ma ajong pinthum peo ka tsangshiq rai adam singa kra.

TAKSU LAK 12:26

Kechu maiqse ka, kongti ma tsii chongketi. Shatmaq ajiq kiimungti rilung ka, kongti lamjiq na sheati.

TAKSU LAK 17:27

Phanrap asap amati riika achan bom mak; stiq skhaq raüta bomti ka taksu maiqse.

EJEKIEL 28:3

Ümniinga ümniika Daniel thaq na taksuwe, ümmakki wiika ahuk bom jamlai phan min paülot mak nguta tiima tlaü.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 1:7

Kra siihiipjongwe raq, tsangtsam mang ka anyeshe laikuqto: Belteshajjar, Shadrakh, Meshakh, kiimaq Abednego.

DANIEL 2:26

Hokhamwe raq Daniel (apaiq ka Belteshajjar ngutiimin ngutlo) ma nguto, “Riita ümniiraq ngi raq jamlai wa makang kiimaq kra liichum ka michongkuq lot haü shea?”

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 4:8

Kiijiishe Daniel ka ipha na wato. (Apaiq mang ka Belteshajjar ngutiimin ngutlo, kriika iphra kaü mang.) Apaiq khum niika asii phrakaütiim wenyi asi. Kriikha na ngi raq apaiq ma ngi raq ima jamlaiwa makang kra chongkang. Ngi raq apaiq ma akha ngukang:

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.

DANIEL 5:16

Shatmaq ümniiriika phanrap apaü raüta athü liichum michongkuq lot haü; kiimaq amao chang jaqsham kra michongkuq lot haü nguta taikang. Ümchaü min, ara tiiwaiqtlaq kra phat laüta, liichum ka chongkuq haü jiila, ümniima hokham miirii amin samtong jong kra mitiisamkuq, kiimaq ümdang na shreng ajong chaq laktum kra mitlak kuq; kiimaq ümniika ara imungtan arjaq, ijaqtakiq na ajongwe lombot tsam ngachang niishe mitiingaha.”

DANIEL 6:3

Krai mren, Daniel raq jaqlo liipan niili, akongti ngongwenai kiimaq wanghuptibi thaq na, ajaqsham ka pinthum athuk atsom sham raüta tiichhi kuqto. Apaiq ka anok thaq na pinthum asap atsin kra chhiraüta, hokhamwe raq apaiq ka amungtan hamli na ajong pinthum ngongwe ma shong wan miitu atsan na thapthi wanto.

DANIEL 6:4

Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

Colossians 1:29

Riita Phungmaiqse thun tiichhanchhi wan ha jiilei nguta, ngi ranaiq rawa, Khristo raq akuq ningkun ajong i khum na sitlaq kra holata, rokpan riipan hunnii lata jaqsham tiikang ahata.