DANIEL 5:13 - ASII LAKDAP Bible (BSI)

¹³ Kiijiishe, Daniel ka hokhamwe rungkhok na tlothit tiishea wato. Kiimaq hokhamwe raq apaiq ma nguto, “Riita, iwe hokhamwe raq, Juda mung wa Jehudiwe munglu shumwi ashea wanwe Daniel ka ümniidea shea?

Hawa Naga Bible 2001

¹³ Daniel kuex hokhvmx waz khaungkac nuex lvmx lvy shvlx wvnc rvhumc vtueq hokhvmx waz rueq piq muex, “Mnoz kuex iwaz hokhvmx waz rueq Yuda mungx wawc vthuq wvnc Yuda miqsaz Daniel doc haz?

DANIEL 5:13 Referencias Cruzadas

EJRA 10:16

Krai mren, munglu asiwa ajang wanti thun raq, kra tri raütu shatthütaq kra ahea dea nguta taoto. Krai mren, ramwe Ejra raq aweraütek wa welare she shongto. Raüta tsangshiq welare jujuwa tsea wantiiti mang kriimin aheawiq waiqthüto. Krai mren she, phowebi shong wantaq kriiraq, kra rawii wa jipi lüroqshi angu na, jiha ranaiqshi miishe, kra khapho jaqsham kra sidi pha wanto.

EJRA 10:7

Welabi raq, Jerusalem chela hamli na, kiimaq Juda wang tlotli na, Jehudinok munglu asiwa ajang wanti mungmaiqse thun ka, Jerusalem na ngongthun nga wan chang akhek ratlo nguta, kiimwebi lümaq, chiiriim wan wan raüta tiichong wanto.

EJRA 4:1

Judia wangti nai Benjamin wangti, Jehudinok ma chiqse rewe jatibi raq, Israilnok mungmaiqse wansha wa ajang wati thun raq, Israilnok Tati Shiikeawe Shomjam chong, man na re raq atiithen baiq kra, tiihea hai wan nongtlo nguta tsütsa kra tai wan wito.

EJRA 6:16

Kra jamhai lotwan raütiishe, Irsailnok tarü raq, ramwebi, Lewinok, kiimaq munglu wansha asi wa mungmaiqse ümchuwa Jerusalem na jang wanwitaq thun raq, pinthum chojong chise maq Shomjam wa poi jonghea ashi klo raütiishe, Shiikeawe ma kiinong kuq wanto.

DANIEL 1:1

Juda mung hokhamwe Jehoiakim raq mung lang wanli maq wiitsam she angu na, Bebilon mung Hokhamwe Nebukadnejar raq Jerusalem ka trotam maq kombaiqto. Raüta khatto.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 1:21

Kiimaq Daniel raq hokhamwe rung na jaqsham ka Parsia mung hokham ajongwe Sairas raq Bebilon mung ka khat raüta, mung peng wantaq pat na saüli shamto.

DANIEL 1:6

Kra tsea wantaq phong mong niika, Daniel, Hanania, Mishael, kiimaq Ajaria riito. Tsangshiq ka Juda phan wa.

DANIEL 2:25

Krai mren, tlothit, Ariokh raq Daniel ka Hokhamwe Nebukadnejar man na shea wanto. Raüta hokhamwe ma akha chongto, “Ngi raq Jehudinok shumwi phong na, maiq weshi humkang. Chaü lei, apaiq raq ümma liichum ka ümniima michong kuqlot.”

DANIEL 2:48

Kra raütiishe apaiq raq Daniel ka ajong miishe shongto. Raüta apaiq ma phanrap phanrii, araa ariq phan kongphiq thun kuqto. Raüta apaiq ka Bebilon mung pengti tuwejong miishe shongto. Raüta apaiq ka hokhamwe rung na tsii chongketi aki miikiimbi thaq na akhupo miishe shongto.

DANIEL 5:11

Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

DANIEL 5:2

Tsangshiq ka che nyang lam maq, Belshajar raq awe Nebukadnejar raq Jerusalem Shomjam wa chaq nai kampho maq alo kok thun, nai nüchhong winpin kaütiim thun ahowan kra, lamwa rongkiq nguta aming kuqto. Hokhamwe raq kriithun tlamwataq kriika, asengi aki miikiimbi, kiimaq achaktiim, kiimaq achak nyungthap nyungre thun raq che tsümnyang ma nguta tlam wato.

DANIEL 6:13

Kiijiishe tsangshiq raq, “Juda mungwa munglu shumwi ashea wan phong wa, Daniel raq, Chaü lei ümniika shreng mak. Kiimaq ümniiraq akuq haü aming kriimin lang mak. Apaiq raq ranaiqshi na thongtsam achu jaütlo,” nguta hokhamwe ma shokto.

DANIEL 8:1

Hokhamwe Belshajar raq munglang wanli maq wiitsam she angu na, ngi raq riisham mak maq thongnai ngoja shammi makchhi hali chhinong kang.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

John 7:3

Kriikha maq, Jesuq ma anotiim raq apaiq ma akha bomto, “Ümniika arwa Judia wang na kiho liina. Laüta, kiijaq, awang chang jaqsham laüta ümsengi ma tiichhikuq kikiq na.