Matthew 24:24 - ASII LAKDAP Bible (BSI)

²⁴ Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Hawa Naga Bible 2001

²⁴ Yvmx khoc lac ngoz ruiux lec vrot vkaq Mesia nuiyc vrot vkaq shvmmax bix dung wvnc tuex; Tishox rueq thvlc tvy yoalx jix doc muinz laulawc lot ruiux laulawc gay tvkoc vwangc juing romzyac htenc nuiyc vkawc yawc juing htenc kuex tvkhic kuq wuez shuex.

Muklom

²⁴ Chammatakoi alik Khristo tang etho alik rangsamal tang tunshat na etho ahan patja jaksom takhina, jin som eq ajo utal miqtang shima tho alik tha tahan na.

Matthew 24:24 Referencias Cruzadas

ISAIA 9:15

Tikiire thun nai nyungwe jongbi thun ka akhupo. Kiimaq amaita ka shammibi thun kra. Tsangshiq raq trahokuq wantaq ka arot akiq siisaq shrinkuq wanto!

Matthew 22:14

Kiimaq Jesuq raq abom ka akha shatto, “Shiikeawe raq maiq ka pahea asengi ma tiija wan miitu hea wan tlo. Shatmaq apaiq raq maiq ka atsapko li tsea wantlo.”

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Matthew 24:25

Taironglaq! Ngi raq namshiq ma akhing misaü shaq na chongkuq tiipha ara tsan na samhea tiitsang rong laq.”

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Matthew 24:5

Maiq pahea raq ngi mang chong raüta namshiq phana misaü wan. Raüta tsangshiq raq, ‘Ngi ahata Messia!’ nguta misaü wan. Raüta tsangshiq raq maiq pahea ka lamjiq nü na mishon ronho.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

John 4:48

Jesuq raq apaiq ma nguto, “Namshiq raq awang chang jaqsham chhi man wiiwii ka, kam man phan.”

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 6:39

Kiimaq ngi tiikaiti we raq tiima tlaq ka, apaiq raq ngi ma maiqse ümchuwa kuq wantaq, kiiwa ngi raq ashi min tiimo baiq mang maq, phangthum ranaiq na, ngi raq tsangshiq tarü ma, tsitsü rilung mikuq ha dongdii nguta riichopisiqtlo.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Romans 12:18

Namshiq raq ümtinkhan wa tang wan tlan kiitinkhan, nanok tarü rai ari aram maq shongnga wan miitu shiikut ronglaq.

Galatians 4:15

Kiitiikaq, namshiq ka pinthum khoqriiq shishiiq riilan ihata! Riita, ümchaü ka, namshiq ma jamlai she wa raki tiita? Kiitiikaq, namshiq ka, ngi ma namshiq makpo dongdii min, pankuq wan lili chang khan, ngi lungwii lan ihata.

TRI CHONGKE 13:1

“Shammiwe lo rawa ma liichum chongketi riilo, awang chang jaqsham mitiichhiha riimakla amao chang jaqsham mitiichhi kuqha nguta kiq mokham ke min miraq.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.

1 John 2:18

I setiim lei, phangthum akhing ka saü wanto she! Phangthum wan akhing niika Khristo ma Wesang We kaü kriishe misaüho nguta namshiq ma man niiphü chongke wan je she riito. Krai mren, ümchaü Khristo ma wesang ralii were pahea she dongrai wan tlo chhi tiikai. Riita ara chhi tiikai arai mren, nashiq raq phangthum wan akhing ka saü wanto she dea nguta sap tiikai.

1 John 2:22

Riita, ikhiijiika juwa arot we ka? Jurwa Jesuq ka han-ngam na pokitaq kriika, Messia riimak nguta bom ka akhii riitlaq, kriiti ka arot we. Jurwa akha bomtlaq, kriiti ka Jesuq ma Wesang. Apaiq raq Awe Shiikeawe kiimaq Ase Shiikeawe kra riikhaqli Shiikeawe dea nguta lang mak.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.