DUNGWVNC 7:11 - Hawa Naga Bible 2001

¹¹ Kvruex yimaq hokhvmx waz rueq piq miq wvtharc jix nuiyc mvntan thenc jix htenc kuex gvl vtueq, tsuingshiq rueq muinz kvkhoc rvwuez tueq.

ASII LAKDAP Bible (BSI)

¹¹ Kiijiishe hokhamwe raq asenginok taksu maiqsetiim nai mintin klotibi thun ka tiihea kito. Kiimaq tsangshiq raq mintin klo raüta kiikhiisii kloto.

DUNGWVNC 7:11 Referencias Cruzadas

RAPHA HIQWA LAK 41:8

Raungnvp nuex piq kuex japa vtueq, Ejip mungx wawc luinglawc jix hez nuiyc wvtharc jix miqwaz rulx htenc kuex gvl tueq. Piq rueq vmaung kuex jungx koq tueq, washiz raung rueq muinz vlvmz kuex jalc jungx kuq lot muq.

DUNGWVNC 7:12

Tsuingshiq rueq miqmac ngvlhtulc htenc kuex tvwoalc koq tueq, ngvlhtulc htenc kuex puiuc htenc muex yaungx kaz wuez tueq. Yuq muinz Arun ngvlhtulc rueq kvruex htenc kuex yuk gay tueq.

DUNGWVNC 7:22

Kvruex yimaq hokhvmx mvntan thenc jix hez rueq muinz kvkhoc ruez lot koq tueq, hokhvmx waz khux kuex tsanz hvt dvyx rvtueq. Yehowa rueq jungx tueq rulc rv-ngvlc Moshe nuiyc Arun kvjaz kuex piq rueq tay muq khawx gay tueq.

DUNGWVNC 8:18

Mvntan thenc jix hez rueq muinz miqmac rueq thenc tuiuz tueq mvntvnz kvmaq shoayme tvyaungc tueq, yuq muinz tvyaungx lot muq. Shoayme kuex baung ruip saz nuex kop kaz koq tueq,

DUNGWVNC 8:3

Nile ruilx kvyuq lukburx tvmvrc gay shaungx, lukburx htenc kuex yuix ruilx kvmaq raz tueq mhoc, mkhok, m-woalc chuing khok, mmiq vyungx vlaungx bix nuiyc mmiqsaz yuimx htenc, mtvp khux nuiyc wanx lumc juing htenc kvyuq duiz wvnc wuez tuex.

DUNGWVNC 8:7

Yuq muinz mvntan thenc jix hez tsuingshiq rueq thenc yaq kvmaq wvmungx tuimx nuex lukburx tvlung tueq.

DANIEL 2:2

kvkhoc rvtueq piq maung kuex jalc jungc tvkoc, mvntan tuiuz jix, luinglawc jix, htaungc kvpumz jix, ngvmc khic tuiuz thenc jix htenc kuex tvgvl tueq. Tsuinghez kuex hokhvmx waz khaungkac nuex jvp kaz wuez tueq,

DANIEL 2:27

Daniel rueq tvralc tueq, “Taungjix hokhvmx waz lex, kvruex lvmz mnoz muex jungc kuy lot jix muik tv-phelc jix, htaungc kvpumz jix, mvntan tuiuz jix, luinglawc jix kuex httax tueq rvmuq.

DANIEL 4:6

Maung vlvmz kuex yvmx lac rvtvnx ngaz muex jungphvnc tvkoc Babelon mungx wawc hokhvmx rulc rvjungc rv-phvnc jix miq lotlaz kuex ngaz kox nuex waungc tvkoc tvjungc tauk.

DANIEL 5:11

Vsawc tishox htenc siyac httax yaq miq washiz mmungtan nuex httax yaq. M-waz hokhvmx yaungx tueq nuex kvruex waz rueq tishox htenc phaqjic nuiyc taksux tharc ikhoc maq taksux tharc tvkhic yaq. M-waz Hokhvmx Nebukhadnezar rueq piq kuex mvntan thenc jix bix, luinglawc jix bix nuiyc ruiysuiyq yapix lawc thenc jix hez shunshvlc jix muex tvyaungc tueq.

DANIEL 5:7

Piq rueq mvntan bix, luinglawc jix bix, nuiyc ruiysuiyq yapix jungc lawc jix hez kuex gvlc tvkoc washiz shiz muex ramc jungx tueq. Tsuinghez httuiuc waung koq tueq, hokhvmx waz rueq tsuinghez muex, “Kvruex wuiyq yaq luik kuex wvl vtueq vlvmz jalc jungc lot jix waz ukhaq yuq muinz pasic nvm-yaz shvmx httax yaq hokhvmx khvy hungluz kuex svmx lvp vtueq, piq duingx tvroz nuex tvtsanc nganc kuimshawx tumx htenc luiuz ruiux vruex mungtan vyuq lombot thuimx luimc vkawc httax yaq waz muex yaungx tuex,” ngoz tueq.

Matthew 24:24

Yvmx khoc lac ngoz ruiux lec vrot vkaq Mesia nuiyc vrot vkaq shvmmax bix dung wvnc tuex; Tishox rueq thvlc tvy yoalx jix doc muinz laulawc lot ruiux laulawc gay tvkoc vwangc juing romzyac htenc nuiyc vkawc yawc juing htenc kuex tvkhic kuq wuez shuex.

Galatians 3:1

Vngauk vngaz Galatia miqsaz htenc lex! Yesu Christu yauk juinc bulx nuex but gay tueq kuex muik maq raungshuex raung khiz tuit rvhvt maq! Nuimshiq kuex uraq shex lac romshomz gay kv-phuinx?

Ephesians 4:14

Kvkaq naungshiq kuex mungyumx thuinz maq miq muex lvmx tvyaq tvkoc rot kaq jungphvnc jix htenc kvjaz nuex raungguil kvwek wix koq yuq lomx wvnc naungx yaq nosaz rulc ikhoc yaungx wvnc tix rvmuq.

2 Thessalonians 2:9

Layx Bac Waz kuex Satan luimc vkawc maq httuiuc kaz vtueq vrot vkaq romzyac phvnx ruip saz nuiyc vwangc juing htenc kuex shuimx tvkhic shuex rvtueq,

2 Timothy 3:8

Janne nuiyc Janbre rueq Moshe muex khawx lvlx tueq rulc rv-ngvlc, vruex miq htenc vraq muinz tsuingrux lvmx kuex khawx lvlx wuez yaq, kvruex miq htenc kuex tsuingshiq thuinz maq rvwvlc tvmaung lvmz vguez shex rvtueq kvmluimx lvmz nuex bac wvnc rvhumc tueq.

2 Timothy 3:9

Yuq muinz tsuingshiq rueq lotlaungc wvnc yaq lvmx kuex vluz khvmc shuex rvmuq, yvmx khoc lac ngoz ruiux lec Janne nuiyc Janbre ngauk ngaz wvnc tueq kvkhoc tsuingshiq ngauk ngaz wvnc tueq kuex miq htenc htumc nuex kvkhic wvnc tuex.

Revelation 19:20

Svl vwvl rulc vdvmz piq khaungkac nuex romzyac tvkhic jix vrot vkaq shvmmax kuex vkhvrc buinc rvhumc tueq. (Kvruex vrot vkaq shvmmax waz kuex svl vwvl lombot mvhttarc tvkop vtueq piq yac yuimx nawk jix htenc muex romzyac tvkhic ruiux lvmx tvmawc tvyaq jix waz rvtueq.) Tsuingnueyc wanueyc wvtaungx luic thuiyc yaq wvr jumx nuex vtvraungx maq tuip gay rvhumc tueq.

1 SAMUEL 6:2

miq htenc rueq shomc waz bix nuiyc luinglawc jix htenc kuex gvl vtueq, “Yehowa Bomkhvrc Jep kuex naungshiq rueq yvmx khoc lac ruez shix? Kvruex tvyez taq woz ix ngoz ruiux yuq, kvruex yvmx maq tvy waungc juing lac?” ngoz tueq wiz tueq.