DUNGWVNC 33:16 - ASII LAKDAP Bible (BSI)

Ümniika naishiq rai wadam maü riihaü ka, ümniika ümsenginok rai kiimaq ngi rai tsan wa maq sitlaü ngutiika, juro jamkho misap? Ümniika naishiq rai adam sitlaü kriiraqli naishiq ka mangjong maiqse phong wa pong na traishat tiisapkitlo.”

Hawa Naga Bible 2001

Mnoz kuex nuiyshiq rulc kaz naungx muq ngoz ruiux yuq, mnoz rueq mmiq htenc nuiyc ngaz raungc raq vphux lvmz kuex uraq lac tuiuz lot shvnx? Nuiyshiq rulc vdvmz httax vtuiux mnoz ngauz ngax kuex ghaq htauk nuex httax yaq vganc miqsaz htenc rulc nuiyshiq kuex tvrv-phvlc shec phux rvtueq,” ngoz tueq tvralc tueq.

DUNGWVNC 33:16 Referencias Cruzadas

2 SAMUEL 7:23

Ümniiraq Israilnok ka maiqdisekong ma aja wa, tiichhiikuq wan laüta tsuq wan laü. Laüta tsangshiq ka ümsenginok miishe tiija wan laü. Tsangshiq tiichhii wan laü kiikhii ka mangjong hiq na maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang pahea shamkuq wan laü thun kra tsütsa raq ümmang jong tsa ka mangjong hiq tlotli niishe nyam wanto. Ümsenginok raq maiq mung ahin thun khat wan wan sinkhu na wawan wan riitlaq kra phan phan, ümniiraq maiq mung ahin thun nai tsangshiq phra kong thun kra wiita jobaiq wan laü. Tsangshiq ka ümniiraq ümnaq rii, ümsengi ma dongdii nguta Ejip mung na dikong ma aja wa dokda wan laü.

1 HOKHVMX 8:53

Ümniiraq tsangshiq ka mangjong maiqse maiq phan pahea phong kriiwa, ümsenginok miitu tsangshiq ka tingsang tiitsang dada tseatsiiq wan laü. Arka man na ümniiraq naititiim pat na tsangshiq ka Ejip mung wa tsuq wan laü akhing na ümjaqshise Mosheq lümaq chongkuq wan laü ihata.”

Tvtsvmc 147:20

Apaiq raq mung ahinti thun ma akhiika shamkuqmak; tsangshiq raq apaiq thungtri thun ka sapmak. Tati tiitsam ronglaq!

DUNGWVNC 34:10

Tatiwe raq Mosheq ma nguto, “Ngi raq ümchaü Israilnok rai tongshong tiikang. Tsangshiq rai mantut na Ngi raq ara mangjong hiq na siti maiq mung thun na ümtiikiimin sham mak dongdii phan jaqsham jonghea mishamkuqha. Ngi, Tatiwe raq ümtinkhan jonglu wa jaq shamlot tiikang kra maiqse wiita raq she michhi. Jamkhano ngukla Ngi raq namshiq miitu phiiptsi chang jaq she mishamha.

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

DUNGWVNC 8:22

Shatmaq Ngi raq isenginok shongchang Goshen wang ka atiiwong mirha, she ka tlong mang. Ngi raq akha klotiikang arka, ümniiraq, Ngi Tatiwe riidea armung na jaq shamtiikang arka nguta misap haü.

LEWI 20:24

Shatmaq Ngi raq ara hiqpo hiqwin mung arka namshiq ma tachong hupsam miitu mikuqha nguta kiqkham kuq wan kang she. Krai mren Ngi raq namshiq ma mikuqha. Ngi ka Tatiwe namshiq Shiikeawe. Kiimaq Ngi raq namshiq ka maiq mung ahinti thun phong wa pong na arai latiishe tseatsiiq wan kang.

LEWI 20:26

Namshiq ka asii misi han kiimaq Ngi riili. Jamkhano ngukla Ngi ka Tatiwe kiimaq Ngi ka asii. Ngi raq namshiq ka nanok maiq mung ahin thun phong wa pong niishe rai rii wan kang. Krai mren namshiq ka Ngi rii miituli she misi han.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

WEAWEA 23:9

Diiluhea longraq khu maq ngi raq tsangshiq chhitiikang; Ngi raq tsangshiq ka kin thun maq liitiikang. Tsangshiq ka maiq mung ashi tsangshiq hon hon li siti; Tsangshiq raq asap tsangshiq ka nanok mung ahin thun thaq na shiiman mung.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

TRI CHONGKE 4:7

“Nashiq Shiikeawe ka nashiq ma rong raa tlaq akhingtek na nashiq tiinap na sitlo. Akha Shiikeawe ka maiq mung ahin ümtinkhan jongli siraü min tsangshiq ma rakitlaq ranaiq na tsangshiq tho na siti phra ka ahü. Nashiq raq apaiq jaq wa khrum achu jaü tiikai akhing tek na apaiq raq tre kuqtlo.