Matthew 1:23 - ASII LAKDAP Bible (BSI)

²³ Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Hawa Naga Bible 2001

²³ Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

Muklom

²³ “Siin inn, ashey jahansa eq sa holna. Etho piq aa miqwasa chang na, etho piq sha ‘Immanuel’ ta halna.” Immanuael ta “Shkewa hiqtang jamna.”

Matthew 1:23 Referencias Cruzadas

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

Matthew 1:24

Riita, rase raq apaiq ma chongkuqtaq krai mren she, Joseph ka akon maq tiido raüta Meriq ka lamto.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 20:44

Riita, Dawit raq Khristo apaiq kra nangnga, ‘Tatiwe,’ nguta ngutlaq jiika, Khristo ka Dawit saüse phan wa ngutiika jamkho mingu?”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

Acts 18:9

Rawashi Paul raq riisham mak maq Tatiwe ka chhito. Tatiwe raq apaiq ma ningkun shoqke bom ka akha chongkuqto, “Ümniika maiq ma akhiismin naqhai songkiq. Shatmaq, traho bom chongke kli shiichaq wan ruq riilaq. Akhiismin naq nungpaq kiq.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

2 Corinthians 5:19

Ngi raq chongrat tiikang arka, ara ngo nangnga ngutiikang: Khristo pum lümaq Shiikeawe raq mangjong maiqse angu lotli kra apaiq ma akhi alu miishe tiija wan shiichaq tlo. Apaiq raq tsangshiq ngarai raüpot thun ka phe miili she diikuq tlo. Kiimaq apaiq raq mangjong maiqse angu wiita ka akhi alu ma tiija wan lungwiitlo nguta, kra tsütsa chongke jaqsham ka naishiq kiimwebi ma arang kuqto.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

2 Timothy 4:22

Tatiwe ka ümtsaiji rai misilaq. Shiikeawe kaphap ka namshiq tarü rai misilaq.