Matthew 1:22 - ASII LAKDAP Bible (BSI)

²² Riita arthun hongtha wantaq arka Tati Shiikeawe raq apaiq sham- mibi lümaq tiichong kuq wantaq bomtsi thun kra tiikupi wan miitu she hongtha wanto.

Hawa Naga Bible 2001

²² Vruex lvmz htenc kuex Taungjix vpiq pumz maq shvmmax nuix maq raz tueq jungx tueq kvjaz kuex hungx wvnc muex yaungx wvnc tueq.

Muklom

²² Teyhungwa rangsamal tungkang o chamta batta etha hun asing ang rangma irimal angta,

Matthew 1:22 Referencias Cruzadas

1 HOKHVMX 8:15

Apaiq raq akha jaüto, “Tatiwe Israilnok Shiikeawe kli tiitsam rong laq! Apaiq raq iwe Dawit ma akiq kham raüpot akuqthü kra tiikupikuq wanto she. Apaiq raq akha khamkuqto,

1 HOKHVMX 8:24

Ümniiraq iwe Dawit ma kiq akham kuqhaü kra riikhaqli thü laü. Ümchaü ranaiq ümbomtsi ka kunkun she kupi wanto.

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

Matthew 12:17

Apaiq raq arthun kaphap jaqsham wantaq arka Shiikeawe raq shammi we Isaia lümaq atiithaithü bom chong kra tiikupi miitu she hongtha wanto.

Matthew 13:21

Shatmaq bomtsi ka tsangshiq tsan mong na atsaü na shang mak dea. Kriikha maq alu ka kham mak. Krai mren, ümra akhing niiwa, Shiikeawe bomtsi kra miitu maitai chamchao she saü tlaq, kiimaq maiqse raq tsangshiq ka tiichamchao tlaq, kra akhing na tsangshiq raq kamtsantsii ka thaq baiq saq lishe, thaq baiqtlo.

Matthew 13:35

Apaiq raq chongkuq wantaq arka, shammi we bomchong kra tiikupi ma nguta chongkuqto. Shammi we raq akha nguta tiithai chongthüto, “Ngi raq tsangshiq ma shiiton bomtsi maq michong kuq ha; ngi raq tsangshiq ma rapha hiqwa miiphü, apaü raüta athü wan bomtsi kra michong kuq ha.”

Matthew 2:15

Herod mitsai shaq wiiwii apaiq ka kiijiili sito. Arka Tatiwe raq ashammi we nübok maq riisham bomkham tiichongtaq kra tiikupi wan miitu hongtha wanto. Shammi we raq, “Ngi raq i Se ka Ejip mung wa hea wan kang,” nguta tiithai chongthüto.

Matthew 2:23

Raüta Najareth chela na siwato. Krai mren shammibi raq achongthü riisham bom ka riikhaqli she kuwanto. Tsangshiq raq, “Apaiq ka Najareth hiqti we nguta mingu,” nguta chongthüto.

Matthew 5:17

“Ngi ka Mosheq Thungtri aming raütu thun nai shammibi bom chong aming raütu thun kra runbaiq kai akiha nguta naq tiima rongkiq. Ngi ka tri raütu thun kra runbaiq kai akiha riimak. Shatmaq, tsangshiq raq ashrinkuq wan tri raütu thun kra shiiku pikai nguta kikang.

Matthew 8:17

Apaiq raq ara chhintsii kuq wan taq thun arka, Isaia shammi we raq, “Apaiq raq nashiq thatsi thun nai thup atha thun ka wiita howanto,” nguta waiqthü taq bomkham kra tiikupi wan miitu she chhiijii kuq wanto.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

John 15:25

Riita, ara chongtiikai tsangshiq raq ngi ngeng tlaq arka, ümsiimiiwa tsangshiq Thungtri lakdap na chongthü je she dongdii riito. Kra, bomtsi tiithai mai thütaq kra tiiku wan miitu she tsangshiq raq ngi ka ngeng tlo. Tsangshiq Thungtri lakdap na, ‘Tsangshiq raq ngi ka kha ahü na ngengsiqto,’ nguta waiqto.”

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

John 18:9

Apaiq raq ara bomtaq arka, apaiq raq kongkhuji maq, Awe ma, “I We lei, ümniiraq ngi ma i sengi ümchuwa kuq laü, kiiwa ngi raq ashi min tiimomiq mang maq khup wong kuq kang,” nguta bom khamkuqtaq kra tiiku wan miitu she hongtha wanto.

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

Romans 1:2

Ara Tsütsa Ahea arka, man na rapha hiq wa niiphü dongdii, Shiikeawe raq maiqse ma mikuq ha, nguta kiqkham kongphiq akha kewi she dongdii. Arka Shiikeawe apaiq raq, shammibi lümaq bom ka tiichongkuq thüto. Kra chong wantaq kiqkham bomtsi ka, Asii Bomtsi na aheawiq maq waiqthü raüta thü wantlo.

Revelation 17:17

Kra hokham weroqshi raq, ara misham wan. Jamkhano ngukla, Shiikeawe raq tsangshiq ka, apaiq raq jamlai wa thimi wantaq, kra tiisham wan miitu, tsangshiq tsan mong na athiike kun she. Kiimaq ara ningkhan tiina, tsangshiq tarü raq, hokham arang ho tlaq kriika, ngamthaiq kaü ma kiqshi maq mikiinong kuq wan. Raüta, Shiikeawe kiimung kra miku wan shaq wiiwii, tsangshiq ka ngamthaiq kaü jaqtakiq na misi.