Matthew 1:21 - ASII LAKDAP Bible (BSI)

²¹ Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Hawa Naga Bible 2001

²¹ Piq rueq miqwaz saz jawx shuex, mnoz rueq vpiq muingc kuex Yesu ngoz tueq muingc shuiux. Yvmx khoc lac ngoz ruiux lec vpiq miqsaz htenc kuex mvrax mungx wawc palc tvdungc wvnc jix waz rvtueq,” ngoz tueq.

Muklom

²¹ Piq aa ashey miqwasa chang na etho umiing sha Jesu ta shing ching, chammatakoi piq aa umiqtang sha ning ngarey wang thalun na.”

Matthew 1:21 Referencias Cruzadas

RAPHA HIQWA LAK 17:19

Shatmaq Shiikeawe raq nguto, “Riimak. Ümjamti nyung Sara raq ümniima ase maiqwese ashi mihumkuq. Kiimaq ümniiraq apaiq ka Isak nguta mimang haü. Ngi raq itongshong raukha ka apaiq rai she mithüha. Kiimaq apaiq lai ala phan rai pattup pat-sa miitu mithüha.

RAPHA HIQWA LAK 17:21

Shatmaq Ngi raq itongshong raükha ka ümse Isak raili mithüha. Kra no ka rawii atincho Sara raq mihum.”

RAPHA HIQWA LAK 18:10

Tsangtsam phong wa weshi raq nguto, “Ümchaü armaq jipi lütiikaü jai na, Ngi ka mijangki kang. Kiimaq ümjamti nyung Sara raq ase maiqwe se ashi mihum.” Sara ka apaiq jai na, tombutiip kilamchong maq kra riibom ka tairea riito.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

JEREMIA 33:16

Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 1:25

Shatmaq, no ka mido shaq wiiwii, Joseph ka tsang-nyung rai adam na hainga mak. Kiimaq Joseph ka raq no ka Jesuq nguta mangto.

Luke 1:13

Shamtaq, rase raq apaiq ma chongto, “Naq haikiq Jekeria le! Shiikeawe raq ümnaq achu jaü ka treto she. Kiimaq ümjamti nyung Elijabeth raq ase ashi she mihum. Ümniiraq no ka Johan nguta mang laq.

Luke 1:31

Ümniika ümchaü sanha, wiihan she mija haü. Kiimaq ümse ka maiqwe se michii haü. Kiimaq ümse mang ka Jesuq nguta mimang haü.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

Luke 2:21

Nowüchhi jai maq chepat shi siraüta no ma athohan poi kra kloto. No mang ka, rase raq anyung wok na mipo shaq na chongtaq, kra phanphan Jesuq nguta mangto.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 4:42

Kiimaq tsangshiq raq jechak nyung nangnga, “Naishiq raq ümchaü apaiq ma kam tiikai arka, ümniiraq naishiq ma chong laü kra jaq seng laita kamwan ka riimak she. Shatmaq, naishiq raq maiqmii mak maq chhi laitiishe, apaiq ka riikhaqli mangjong maiqse Chhiiti we dea nguta kamwan tiikai.”

Acts 13:23

Riita, ija ara chong tlaq arai mren she, Shiikeawe raq Dawit lai Jesuq ka Israilnok Chhiiti we miishe shongkuqto. Ara shongtaq arka, Shiikeawe raq richü pat na Israilnok ma kiqkham kongphiq raü khakuq wantaq kra phanphan she tiihongtha kuqto.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

1 John 3:5

Namshiq raq asap han, Khristo ka maiqse khum na pokitaq kriika ngarai kharü thun kra chumbaiq kai kito. Kiimaq apaiq dü niika ngarai ahü, chongwa siirai dongdii.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.

PHOWEBI 13:3

Tatiwe rase ka apaiq phana kito. Raüta akha nguto, “Ümniika ümsetiim min hum maü miili siwan laü. Shatmaq ümniika jaqlo miili she wiihan mirhaü. Laüta ümse maiqwese mihum haü.

1 SAMUEL 1:20

Krai mren, apaiq ka wiihan she riito. Kiimaq ase maiqwe se chiito. Apaiq raq ase ka Samuel nguta mangto. Kra liichum ka, “Ngi raq apaiq ka Tatiwe jaq wa ajaüha.”