Matthew 1:21 - Hawa Naga Bible 2001

²¹ Piq rueq miqwaz saz jawx shuex, mnoz rueq vpiq muingc kuex Yesu ngoz tueq muingc shuiux. Yvmx khoc lac ngoz ruiux lec vpiq miqsaz htenc kuex mvrax mungx wawc palc tvdungc wvnc jix waz rvtueq,” ngoz tueq.

ASII LAKDAP Bible (BSI)

²¹ Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Muklom

²¹ Piq aa ashey miqwasa chang na etho umiing sha Jesu ta shing ching, chammatakoi piq aa umiqtang sha ning ngarey wang thalun na.”

Matthew 1:21 Referencias Cruzadas

RAPHA HIQWA LAK 17:19

Yuq muinz Tishox rueq, “Kvkhoc rvmuq. Mtaungx nyuiuz Sara rueq vsaz miqwaz jawx shuex, Esak ngoz tueq muingc shuiuz. Ngaz rueq piq rulc muinz, vsuiuz vsaz hez rulc muinz taq shaungx bomkhvrc kuex pattup phaungx ngaungx tuex. Kvruex kuex rullungx pattup bomkhvrc rvtueq.

RAPHA HIQWA LAK 17:21

Yuq muinz raungwawx majuiuc vtanc jauz Sara rueq jawx shuex msaz Esak rulc muinz ngaz bomkhvrc taq shaungx,” ngoz tueq jungx tueq.

RAPHA HIQWA LAK 18:10

Tsuinghez kvwawc washiz rueq, “Majuiuc vmaq yapix lex tvkuiuz httax ruiux yuq ngaz yek kaz yek raungx, kvkaq mtaungx nyuiuz Sara rueq vsaz jawx shuex,” ngoz tueq jungx tueq. Kvkaq Sara kuex kvruex waz yix tvnungx kox tap kaluix maq tay tueq.

JEREMIA 23:6

Piq hokhvmx yaungx yaq nuex Yuda miqsaz vhvlx kvguing httax wuez tuex, Israel miqsaz kuex nomic httax wuez tuex. Piq kuex ‘Naungshiq Palc daungc Yehowa’ ngoz tueq gvlc rvhumc tuex.

JEREMIA 33:16

Yuda nuiyc Yerusalem wawc miq htenc kuex palc wvnc rvhumc vtueq kvkhup wungx httax wuez tuex. Ghaqyungx kvruex muinz ‘Nuiyshiq Palc Daungc Yehowa’ ngoz tueq muingc shuex.

DANIEL 9:24

“Lauk mvshix shix maq wawc rok mvshix ngoz yaq kuex mvrax nuiyc layx bac wawc mmiqsaz nuiyc mnoz vsawc ghaqyungx dungc wvnc tvkoc Tishox rueq vhtvp htaz vkhing vluz rvtueq. Mvrax dawc kuy rvhumc ruiux pattup tvrac vlvmz kuex phaungx ngaungx tuex, kvkaq romzyac tvkhic nuiyc rawshvmx bomc kuex vsuing yaungx wvnc vtueq vsawc Shomc Yuimx lekuq shuex.

JEKERIA 9:9

Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.

Matthew 1:25

Yuq muinz nox raungwuic khic nuex httuiuc laz piq rulc gvnngvmx maq guilc ngaungc naungx muq maq httax tueq; nox miqwaz saz kuex piq rueq Yesu ngoz tueq muingc tueq.

Luke 1:13

Yuq muinz raungkamx waz rueq jungx tueq kuex, “Zecharia lex, nauk hiz kaz! Mnoz rueq thoz vshuiux kuex Tishox rueq tay kuq kv-phux ningkhvnc nuex, mtaungx nyuiuz Elisbet rueq miqwaz saz jawx shuex vmuingc kuex Yohan ngoz tueq muingc shuiux rvtueq.

Luke 1:31

Mnoz wvgvnz yaungx vtueq miqwaz saz jawx shuiux, vpiq muingc kuex Yesu ngoz tueq muingc shuiux.

Luke 2:11

Majuiuc raungnuiyq Palc Daungc jix Waz Christu ngoz yaq Taungjix kuex Dawid ghaqyungx nuex nuimshiq tvkoc jawx kaz tueq!

Luke 2:21

Jepat shiz yix maq, raungx tvjvt vngoz raungnuiyq nox kuex vhttoar gvnc kuy vkhing httuiuc tueq nuex, wuk mungx nuex max kvguirc shauk nuex raungkamx bix rueq muingc taq tueq rulc rv-ngvlc vpiq kuex Yesu ngoz tueq muingc tueq.

John 1:29

Raungnvp kvyix Yohan rueq piq kox nuex Yesu kaz yaq kuex khiz vtueq, “Mungkawx miqsaz mvrax gurc kuy gay jix waz Tishox Khelbuenx Saz rvtueq!

John 4:42

Yalxjuik nyuiuz kvmac tsuingshiq rueq jungx tueq kuex, “Majuiuc nuiyshiq vpiq muex kvmluimx vtix kuex mkvjaz ningkhvnc nuex rvmuq, vpiq bomjungc kuex nuiyshiq rueq tay lvp wvnc vtueq vruex waz kuex mungkawx palc wvnc jix waz muik shauk rvtueq kuex nuiyshiq rueq tuiuz tiq shex,” ngoz tueq.

Acts 13:23

Tishox kuex vpiq bomkhvmc rulc rv-ngvlc Israel miqsaz htenc tvkoc palc daungc jix waz Yesu kuex Dawid suiuz vsaz wawc tvdung kuq tueq.

Acts 3:26

Kvkhoc rvtueq nuimshiq layx bac lvmx htenc kuex tuip gay shec ruiux, ruimrix lvp wvnc tvkoc Tishox rueq vpiq Nvrc Waz kuex nuimshiq kox nuex vphaungc tvkaz tueq,” ngoz tueq Peter rueq jungphvnx kuq tueq.

Acts 4:12

Piq rueq dvyx palc daungc lot shuex, mungkawx vyuq vpiq maq lvy vtueq naungshiq palc daungc lot jix miq vshiz muinz vguez,” ngoz tueq tvralc tueq.

Acts 5:31

Israel miqsaz htenc kuex thuinz layc wvnc vtueq miqmac mvrax wawc dungc wvnc tvkoc Tishox rueq kvruex Taungjix kuex vpiq yaukkeq kox nuex tvhttax ruiux, lvmx shvlc jix waz nuiyc palc daungc Taungjix muex tvyaungc tueq.

Titus 2:14

Naungshiq kuex layx bac phvnx lotlaz wawc palc wvnc tvkoc muinz, naungshiq kuex thuinz vsawc maq vpiq muex dvyx seng yaq miqphvnx muex yaungx vtueq, vhvlx yauk shuimc muex thuinz tvyungc wvnc jix phvnx yaungc tvkoc muinz, Christu kuex naungshiq laung nuex vpiq shauk vpumz lekuq gay tueq.

Hebrews 7:25

Kvkhoc rvtueq vpiq muingc maq Tishox kox nuex kvnvp wvnc jix htenc kuex mkaq muinz palc daungc wvnc shuex, yvmx khoc lac ngoz ruiux lec vpiq kuex tsuingshiq tvkoc Tishox kox wawc thoz kuy muex pattup tvraungx httax yaq.

1 John 1:7

Yuq muinz vpiq kuex raungwuic nuex httax yaq rulc rv-ngvlc naungshiq muinz raungwuic nuex httax ruiux yuq kuex, vshiz maq vshiz vdvmz dvmz kungjix rvyaungc lvmz rvtueq, vpiq Saz Yesu tvguiy maq naungshiq mvrax httax yaq htenc kuex hoal kuq gay phuex.

1 John 3:5

Christu kuex miqsaz mvrax dawc kuy tvkoc httuiuc kaz tueq lvmx kuex nuimshiq rueq tuiuz vshuinx, vpiq kuex mvrax yvmx muinz vguez waz rvtueq.

Revelation 7:14

Ngaz rueq, “Jiyungx lex, ngaz rueq tuiuz mauk, mnoz rueq tuiuz vshuiux,” ngoz tueq tvralc tauk. Piq rueq, “Tsuingshiq kuex vkuilc vdaz mungx wawc vluenx wvnc miqsaz htenc rvtueq. Tsuingshiq rueq miqmac khoz vkhvy htenc kuex Khelbuenx Saz tvguiy maq tvsawc hoal wuez tueq.

PHOWEBI 13:3

Yehowa raungkamx waz kuex yalxjuik nyuiuz kvruex khaungkac nuex httuiuc kaz vtueq, “Mnoz rueq mkaq muinz msaz lvp lot muq rvtoq, yuq muinz mtanc httax muq nuex wvgvnz yaungx vtueq msaz miqwaz saz kuex jawx shuiux.

1 SAMUEL 1:20

Kvkhoc rvtueq piq kuex wvgvnz yaungx vtueq miqwaz saz jawx tueq. Piq rueq Samuel ngoz tueq muingc tueq, kvruex ngoc, “Piq kuex Yehowa kox wawc ngaz rueq vthoz,” ngoz tueq vlvmz tvkhic tueq.