Matthew 1:20 - ASII LAKDAP Bible (BSI)

²⁰ Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Hawa Naga Bible 2001

²⁰ Kvkhoc tvmaung yaq baunglaung Taungjix kamx waz vshiz rueq maung nuex kvkhic kaz vtueq, “Dawid suiuz vsaz Yosep lex, mtaungx nyuiuz Mary lvmc tvkoc nauk hiz kaz, yvmx khoc lac ngoz ruiux lec piq wvgvnz yaungx yaq kuex Vsawc Siyac maq yaungx wvnc tueq.

Muklom

²⁰ Piq ethimal tathin tak kam tho, Teyhungwa rangkamwa they piq máng tho piq ma batta, “David phi aa lí Joseph, Mary sha rikma nang nak cho u, chammatakoi Asang Tsija wang piq aa wok mong o sa taholta.

Matthew 1:20 Referencias Cruzadas

RAPHA HIQWA LAK 31:11

Shiikeawe rase raq ngi ma rawa ma maq akha chong kuqto, ‘Jakob!’ nguta nguto. Kiijaq ngi raq ‘Ngi arjaq lii,’ nguta trekang.

RAPHA HIQWA LAK 46:3

“Ngi ka Shiikeawe, ümwe Shiikeawe,” nguta apaiq raq nguto. “Ümniika Ejip mung na laüho ma naq haikiq. Ngi raq ümsaü ümsetiim ka kiijaq maiq mung jonghea ashi ma mitiijaha.

1 HOKHVMX 17:13

“Naqhaikiq,” nguta Elija raq apaiq ma nguto. “Walaq. Laüta namnai phaqsea chang winsü kra lum wakiq. Shatmaq ümjaq na jamlai wa asi kriiwa apha na ralangse aranse winsü phushi ka kongkhu lumlaq. Laüta ana ngi ma kongkhu kuqkikiq. Laütiitiq abung tiichong tlaq kriimaq ümse namnai rii kriishe lumlaq.

1 HOKHVMX 3:5

Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”

Tvtsvmc 119:125

Ngi ka ümjaqshise; ngi ma taksutsii kuqlaq, kra nguraüla ümniiraq shrinkuqtlaü ka ngi raq misapha.

Tvtsvmc 143:8

Wranaptek ngi ma ümlungwii tiipitmaü phan kra bliiq chongkuq lili riilaq, jamkhano ngukla ngi raq ümniima kamtiikang. Ngi achujaü ka ra na ümpha na saütlo; ngi khumchang lam kra tiichhikuqlaq.

Tvtsvmc 94:19

Ümtiikiiwa ngi ka chapa lata hanghunrai tiikang na, ümniiraq ngi ka boqpumtlaü kiimaq tiichochitlaü.

TAKSU LAK 12:5

Mittingti raq ümniika, maklii shi maq miliikuq. Shatmaq laopha maiqse riika, ümniili milaophaq.

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

ISAIA 7:13

Kiijiishe Isaia raq treto, “Tailaq, ümchaü, Dawit Hokhamwe saüse phan lei. Ümniiraq maiq ma tsütsa tiisitlaü shatmaq maiqse raq laa maq anin riiwantlaq, riita ikhla Shiikeawe raq ninrattlaq kra thittlaiphok shea miniqsiqhaü?

ISAIA 7:2

Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

JEREMIA 31:22

Ümtincho na saüli wa minang nam han, kamtsan tsü ahünok lei? Ngi raq phanshi anye tingsang she klokang, tingsang pongphan she, Jechak nyungshi raq maiqwe ashi khup wongkuqtlaq ikha.”

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

JEREMIA 40:9

Gedalia raq tsangshiq ma akha chongkuqto, “Ngi raq namshiq ma kamtu kamtaq maq chongtiikang, namshiq ka Bebilon mungti puk na nyap wan ma jamlai haisong chang ahü. Namshiq ka armung na aheawiq maq shongnga ronglaq. Lanta Bebilon mung hokhamwe kli shiikum pan ronglaq. Kra raüla, namshiq ka hansang rakhang maq misi han.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Matthew 1:18

Jesuq Khristo rawüchhi ka akha. Jesuq ma anyung Meriq ka junriise. Kiimaq apaiq ka Joseph raq awai wishe. Shatmaq tsangnai ka mirlam shaq liipan niili, Meriq raq akhum na Asii Wenyi lümaq wiihan she nguta sapto.

Matthew 2:12

Shiikeawe raq tsangshiq ma rawa ma maq Herod rai riihum wan nong raa mak she nguta honlam bom she chongkuqto. Krai mren, tsangshiq ka lamhin lam miishe tsangmung nü na jang wan nongto.

Matthew 2:13

Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”

Matthew 2:19

Herod tsaijai she, Tatiwe rase raq Joseph ma rawa ma maq Ejip mung na kiraüta akha chongkuq kito,

Matthew 2:22

Shatmaq, Joseph raq Arkelas ka awe Herod changkhü na Judia wang thaq na hokham jatlo nguta tsütsa ka taito. Kra tai raüta apaiq ka Judia wang siwa nong miika ahai riito. Kiimaq Shiikeawe raq apaiq ma rawa ma maq tsii ka samheawiq hali chongkuq nongto. Krai mren, nono nai nyung ka shea wan raüta apaiq ka Gelili wang na wawanto.

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Matthew 28:5

Rase raq jechakre ma chongto, “Namnai ka ahai raamak. Ngi raq asap ha. Namnai ka pumsongkham na tübaiq raüta tsattaq Jesuq kra liikai nguta aki han.

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 2:4

Kiimaq, Joseph ka Gelili wang na Najareth chela maq, Judia wang na Bethlehem chela Dawit rawüchhi chang hiq na kihoto. Joseph ka Dawit saüse phan kha maq, kiijaq kihoto.

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Revelation 19:7

Nashiq tarü raq kai khoqriiq shishiiq maq chochi rong i! Apaiq jonglu kli tiitsam rong i! Jamkhano ngukla, Skuse maiqlam Poi akhing ka saü wato she. Junrii nyung ka khungron poi miitu tiijeje she.

PHOWEBI 13:3

Tatiwe rase ka apaiq phana kito. Raüta akha nguto, “Ümniika ümsetiim min hum maü miili siwan laü. Shatmaq ümniika jaqlo miili she wiihan mirhaü. Laüta ümse maiqwese mihum haü.