Matthew 1:19 - ASII LAKDAP Bible (BSI)

¹⁹ Joseph ka phanrap na mitting maiqse. Kiimaq apaiq raq Meriq ma nokwe man na jea tiingaü ka romak. Kriikha maq apaiq raq Meriq ka ahukse miili miimbaiq la nguta tiimato.

Hawa Naga Bible 2001

¹⁹ Yosep kuex tsuingrux raz tueq vlvmz maq mkaq muinz shuimx lvmz yaq waz rvtueq rulc rv-ngvlc, piq rueq Mary kuex miq htumc nuex yvlc svy tvrvhumc roc muq ningkhvnc nuex piq vtvkvp taq shec lvmz kuex vyumx maq httvrc tvy gay dvnc tueq.

Muklom

¹⁹ Piq himteywa Joseph asing miq angta. Piq aa Mary sha miqtang jakho o tharak rima nuk moq angta, ethirangma, piq aa shu shu eq shingchak ma tathinta.

Matthew 1:19 Referencias Cruzadas

RAPHA HIQWA LAK 38:24

Kra jai maq jipi lütsam sijai niishe maiq ashi ra raq Juda ma chongto, “Üm-nam-nyung Tamar ka mephe nyung ikhli sitlo. Ümchaü ka apaiq wiihan she.” Kra tai raüta Juda raq aming kuqto, “Apaiq ka chiiphai na hit ho ronglaq. Lanta wa na tiitsai laq chaqbaiq ronglaq.”

RAPHA HIQWA LAK 6:9

Arka Nowaq manphan. Asetiim ka wetsam, Shem, Ham, kiimaq Japheth. Nowaq ka jamlai shut phit min ahü riito. Kiimaq apaiq pat wa maiqshaq ka apaiq kli riito. Apaiq ka Shiikeawe rai rintiishi maq sito.

LEWI 19:20

“Jechakse maiqdi nyung ka maiq weshi raq chakliip ma alam wishe kiimaq apaiq daa wan miitu tri ka kuq mak dea, kiimaq wase miika mija shaq li, kra bala maiq weshi raq kriinyung rai hainga raüla, tsangnai wiita ka tri maq mo miho. Shatmaq tiitsai li ka tseabaiq raamak. Jamkhano ngukla kriinyung ka maiqdi nyung.

LEWI 20:10

Kiimaq maiq ashi ra raq anok abin Israilnokwe chak rai shraki raüla, tsangnai wiita kriiwe nai jechak nyung ka tiitsailaq tsea baiq raa.

Mark 10:4

Tsangshiq raq treto, “Mosheq riika, awese raq tsang-nyung ma amiim baiq lak waiqkuq raüta miimbaiq aming kuqto.”

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 27:39

Riita rawü khang niishe, lai jiiqtibi raq khamjong jü reko ka chhito. Shatmaq, kra tareko tiichhi tlaq hiq mang ka tsangshiq raq sapmak riito. Shatmaq, tiina tsangshiq raq jüreko na jüjong kumtsai phii ka asi chhito. Riita mai raüla kra kumtsai phii takii kiina laijong ka jiiq wan raüta, phii na tiiphataq laijong ka tiikhing baiq wan chang, nguta tiimato.

2 Corinthians 1:15

Ngi raq ara shiwea wan kang kriika, namshiq riimin ngi rai ahea dea nguta mipong dam han sham nguta tiima wankang. Krai mren tiina, ngi ka namshiq phana riihum wa riiwe ka kongkhu na miwaha nguta tiima sürii wan kang. Ngi watiikang krai mren, namshiq riimin achu shiiman thongnai milap laq nguta tiima kang.

TRI CHONGKE 22:20

“Shatmaq kra kha nyantlaq kra ngohea dea jiika, kra junrii nyung ka junsang dea riito nguta saqse kuqlot mak jiika,