DUNGWVNC 3:11 - ASII LAKDAP Bible (BSI) Shatmaq Mosheq raq Shiikeawe ma nguto, “Ngi ka juwa. Ngi ka hokhamwe phana jamkho miki kiimaq Israilnok ka Ejip mung wa jamkho mitiidong tsuq wan lot?” Hawa Naga Bible 2001 Yuq muinz Moshe rueq Tishox muex ngoc, “Ngaz kuex khuec guez miq, ngaz hokhvmx waz kox nuex kaz vtueq Israel miqsaz kuex Ejip mungx wawc yvmx khoc maq lac tvdung wvnc lot shaungx,” ngoz tueq jungx tueq. |
Kiijiishe Hokhamwe Dawit ka Tatiwe asi Tombutiip mong na wa raüta kiijaq nga wato. Raüta akha achu jaüto, “Tati Rakaü Hiqwe lei, ümniiraq ngi miitu ümtinkhan wa jaq shamkuq wan laü, ngi ka kriithun lap wan ka thek mang. Kiimaq ita iwiitiim thun kiimin thek mai.
O, Tati Shiikeawe lei, ümniiraq ngi ka nose kiimaq mung ka jamkha pen wan chang wa kra saptsin mangshaqli jiimin, iwe pumsong ma hokham miishe shong wan laü.
Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”
“Kiitinkhan jonglu kra ningkhan, isenginok nai ngi riika ümniima jamlai phan kene chang min ahü sitiikai. Jamkhano ngukla, phanrap phanrii ka ümjaq wa phe maq kongphiq akuq haü siisaq li riim tiikai. Krai mren naishiq riika ümniiraq naishiq ma jamlai wa kuqlaü, kra ümhupsam kriili jangkuq nongkai.
Shatmaq Mosheq raq treto, “Israilnok riisintla ibom ka tairo mak, ikhiijiika hokhamwe raq ibom ka jaramshe wa mitai siq? Ngi ka ibom isa min tsin mang we, wepuq pinthum.”
Kiijiishe Ngi raq trekang, “Ajong Pinthum Tatiwe, ngi ka ibom isa min tsin mang. Ngi ka nose se li.”
Ümriiti riiwa tsailam na kiho tlaq, kriiti miika, ara ahom tsang arka, maiq tsea baiq chang liipu ikha jaki tlo. Shatmaq, ümriiti riiwa tiichhii wan rilung lap wan tlaq, kriiti miika, amaa wa tsitsü tiijang wan chang homseng. Riita, ikha jiika, ara chongtiikai ningkun ajong jaqsham lotti arka juwiita?
Naishiq khum na anyan phaqchi maq, ara Shiikeawe kiimwe jaqsham sham tiikai nguta tiishomra chang ka jam min ahü. Naishiq ma ara jaqsham miitu ningkun ka Shiikeawe raq kuq tlo.
Kiijiishe Gideon raq treto, “Riita Tatiwe ngi raq Israilnok ka jamkho mitiichhii kuqha? Naita ka Manase phan phong na, taranse pinthum. Kiimaq ngi arka ijamtitiim iphu inotiim phong na manghü rahü jehin.”
Kiijiishe Dawit raq treto, “Ngi ka juwa? Kiimaq ita iwii ka ju wa, ngi ka hokhamwe chaiwe ma jawan li chang ka?”