2 SAMUEL 7:18 - ASII LAKDAP Bible (BSI)

¹⁸ Kiijiishe Hokhamwe Dawit ka Tatiwe asi Tombutiip mong na wa raüta kiijaq nga wato. Raüta akha achu jaüto, “Tati Rakaü Hiqwe lei, ümniiraq ngi miitu ümtinkhan wa jaq shamkuq wan laü, ngi ka kriithun lap wan ka thek mang. Kiimaq ita iwiitiim thun kiimin thek mai.

Hawa Naga Bible 2001

¹⁸ Kvruex yimaq Hokhvmx Dawid kuex Yehowa httax yaq Tap nuex ngaungc kaz vtueq vjux thoz tueq kuex, “Johvlc Yehowa lex, ngvy tvkoc mnoz rueq shuimx kuq wvnc phux htenc kuex rvwvl ruiux yuq, ngaz kuex vhtawz vhttax waz rvmauk, ngvy yuimx taungx muinz yvmx muinz tvyc rvyc miq.

2 SAMUEL 7:18 Referencias Cruzadas

RAPHA HIQWA LAK 32:10

Ngi ümjaqshise ka ümniiraq ngi ma ümtinkhan wa mangchan tiichhi kuq laü kiimaq tsapkap wan laü kriithun kra lapwan ka thek mang. Ngi raq Jordan rai ka ijaq na jamlai min ahü, miinan nyeakii thitiikang kra lam lam miili jinwan kang. Shatmaq ümchaü ngi ka ara kong nai jong maiq nai nyamse kong kra sheaho latiishe saüki tiikang.

RAPHA HIQWA LAK 32:11

Ngi ka tiichhiilaq, iphu Esau jaq wa. Ngi ka haitiikang. Haitiikang apaiq watlaq ka naishiq khat wa watlo. Raüta naishiq ka wiita jiipbaiq wa watlo sham. Jechakre nai nosere thun kriimin nong nong maq jiipbaiq wa watlo sham.

2 SAMUEL 23:5

Ara chongtaq akha Shiikeawe raq isaü ise pat na, achu mishmankuq. Jamkhano ngukla apaiq raq ngi rai, pattup pat-sa miitu tongshong wanto she. Kriika pattup pat-sa tongshong; kra kiq riikham ka pattup tiipan mak phan, kra kiqkham paqkuqtiika, klaiki mak phan she; kriika ngi raq tang wan she, kriika Shiikeawe raq, mitiihongkuq wan dongdii.

2 SAMUEL 7:17

Nathan raq Dawit ma Shiikeawe raq apaiq riisham mak maq tiichhikuqtaq thun ka wiita chongkuqto.

1 KAÜWA WERAÜ 17:16

Kiijiishe Hokhamwe Dawit ka Tatiwe asi tombutiip mong niishe wawanto. Raüta ngakito. Raüta akha achu jaüto, “O, Tati Shiikeawe lei, ümniiraq ngi miitu jamlai wa klokuq wan laü krii thun kra lapli chang ngi ka thek mang. Kiimaq ijamti kriimin thekmak.

1 KAÜWA WERAÜ 29:14

“Kiitinkhan jonglu kra ningkhan, isenginok nai ngi riika ümniima jamlai phan kene chang min ahü sitiikai. Jamkhano ngukla, phanrap phanrii ka ümjaq wa phe maq kongphiq akuq haü siisaq li riim tiikai. Krai mren naishiq riika ümniiraq naishiq ma jamlai wa kuqlaü, kra ümhupsam kriili jangkuq nongkai.

Tvtsvmc 8:4

riita maiqse khoshose ka juwa, ümniiraq tiimali chang ka; hiqtili se ka, ümniiraq tsrupriiq chang min asi shea?

DUNGWVNC 3:11

Shatmaq Mosheq raq Shiikeawe ma nguto, “Ngi ka juwa. Ngi ka hokhamwe phana jamkho miki kiimaq Israilnok ka Ejip mung wa jamkho mitiidong tsuq wan lot?”

ISAIA 37:14

Hokhamwe Hejekia kra lak ka tsasoqtibi jaq wa jaü raüta phatto. Raüta apaiq ka Shomjam na wawanto. Raüta kra lak ka Tatiwe man na tiiwekuqto.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

PHOWEBI 6:15

Kiijiishe Gideon raq treto, “Riita Tatiwe ngi raq Israilnok ka jamkho mitiichhii kuqha? Naita ka Manase phan phong na, taranse pinthum. Kiimaq ngi arka ijamtitiim iphu inotiim phong na manghü rahü jehin.”

RUTHA 2:10

Kra tai raüta, Rut ka hiq na bumsaq raüta, “Ngi ka ümniiraq atinkhan mangchanli chang ka thek mang. Ngi ka pongmungti wanse,” nguta Rut raq Boaj ma nguto.

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.

1 SAMUEL 18:18

Kiijiishe Dawit raq treto, “Ngi ka juwa? Kiimaq ita iwii ka ju wa, ngi ka hokhamwe chaiwe ma jawan li chang ka?”

1 SAMUEL 9:21

Saul raq treto, “Ngi ka Benjamin phan. Israilnok mung na maiqphan phan ranse pinthum. Kiimaq iwe raü ka kaüwa weraü maiq phan thaq na wepuq pinthum. Riita, ümniiraq ngi ma akhiika jamkho bom tlaü?”