DUNGWVNC 25:10 - ASII LAKDAP Bible (BSI) “Akasia pe maq tek kaü ashi hailaq. Kriika alu nü na 110 sentimitar, ajong nü na 66 sentimitar, kiimaq adii lu nü na 66 sentimitar. Hawa Naga Bible 2001 “Akasia pulx penc maq jep kuex vloayc kox sentimeter 110, vyungc kox sentimeter 66, vjoz kox sentimeter 66 kuex guirx tvhungx shuinz. |
Solomon raq tsangnyung, Ejip hokhamwe se ka Dawit Chela wa, apaiq raq haitaq jam kiijiishe tiisi wanto. Apaiq raq akha nguto, “Apaiq ka Israil mung Hokhamwe Dawit hokham jam na si ka maimak. Jamkhano ngukla ümriiba niiwa Tongshong Tek thütaq kriiba ka asii.”
Ngi asi Tombutiip kra, Tongshong Tek kra kiimaq kra pang chang kra, kiimaq Tombutiip mong na thüchang hupsam thun kra,
Tongshong Tek kaü kra, kra pichang pepum wiinai kra, kra pangchang ahap kra, kiimaq kra tukchang kheathum chan tlaq kra;
Kiimaq Tatiwe asi Tombutiip miitu jaqsham chang ümchuwa sitlaq kriika kun kun she lotto. Tatiwe raq Mosheq ma aming tattaq kra phan phan Israilnok raq jaqsham ka phanrap phanrii kloto.
Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.
Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.
Raüta tsangshiq raq nintata ngamkhü diim maq ara pang baiq chang. Raüta kriithaq na khea wai thum ka tiipii laüta pang chang. Kra raütiishe tek kaü pichang pepum wiinai kriishe apichang kom mong na rechang.
Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.
Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.