DUNGWVNC 11:6 - ASII LAKDAP Bible (BSI) Ejip mung tlotli na tiihong raüta maaho maanyi wa trangli she miraq. Atinkhan chamchao ka man niimin ahü riito. Kiimaq jai miimin ahü miraq. Hawa Naga Bible 2001 Mvnnuex muinz rvhumc wvnc muq, yix maq muinz rvhumc yek tuex rvmuq, baung ruip saz nuex tsuingshiq guyc sez khoarc tvruingc kuex Ejip mungx nuex tay shuinx. |
Shatmaq Israilnok miika jammin ahü, ralang kuku min somak miraq. Kiimaq tsangshiq nyamse kong miimin jamlai atsak agut min ahü miraq. Kiijiishetiq namshiq raq Ngi, Tatiwe raq Ejipnok nai Israilnok liipan na pong na atiitsang lata tseatsiiq tiikang nguta misap han.’”
Kra rawa, hokhamwe, kiimaq asengi ajong alabi thun kiimaq Ejip mungti mungmaiqse kun kun ka akon wa samto. Ejip mung tlotli na maiqho siitrang wa li she hoq trang wanto. Jamkhano ngukla ase tsaimak dea maiq jam ka jamshi min ahü riito.
Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.
Anap ranaiq atinkhan akhing na, Ngi raq rathaiq tsak-hiiq rok henghea mitiisaüha. Atinkhan ka Ejip mung manphan na ümchaü niitaq ahü rok mak.
Ümniiraq miitsan maiqse, hoqtlaq kra taimaü haüla, ümniiraq khrum jaü hoqtlaü kriimin, tremak miraq.
Mob mung hiqrai binjü na barap binrii na maiqho wa trangli she tiitaitlo. Maiqhotrang ka Eglaim chela nai Beerelim chela wiimin tiitaitlo.
Akhing ashi misaü wan Ejip mungti ka jechak nyungre ikha puqsut haisu miraq. Ajong Pinthum Tatiwe raq ajaq ka ra na doraüta tsangshiq ka chongwai maq atsat-ho kra chhi raüta tsang haisitsi ma atiikhai rokrok miraq.
Tatiwe raq ngutlo, “Rama chela na maiq trang kong, tsantsii bunlak buncha ho trang tiitaitlo. Rechel ka asetiim maaho hoqsiqtlo; Asetiim thun jiimto she. Apaiq ka maiq raq tiijaiq raü min jaiq mak phan.
Spiqtsiro tiikham raüta mahowa tranglishe miraq, jaro akha miraq, ngi ka namshiq tiichamchao kai she kitiikang,” nguta Tatiwe raq ngutlo.
Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.
Kiijaq, namshiq ka namrong namwi kra tiichit watrang liishe mihoq phaq han. Namshiq raq kiijaq, Abraham, Isak kiimaq Jakob kiimaq shammibi thun tarü, Shiikeawe mungtan na michhi han. Kiimaq namshiq maiqmii riiwe kriika, kinphai na mishang baiq.