JEPHANIA 1:10 - ASII LAKDAP Bible (BSI)

¹⁰ Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.

Hawa Naga Bible 2001

¹⁰ Yehowa rueq, “Kvruex raungnuiyq nuex Yerusalem wawc Ngaq Palx Kaluix nuex khoarsez guyc tvruingc kuex nuimshiq rueq tay shuinx. Ghaq nyalx kox wawc miq htenc khoarc sez tvruingc nuiyc ghaqluimx htenc ngawk wvnc tvruingc muinz tay wuez shuinx.

JEPHANIA 1:10 Referencias Cruzadas

2 SAMUEL 5:7

Shatmaq Dawit raq Jajon chela kiitelong maq rukje kra khat raüta jiiwanto. Krai mren, kra chela ka “Dawit chela” ngutiishe mangto.

2 SAMUEL 5:9

Kra kiitelong maq aruk hiq kra jiiwan jai she, Dawit ka kiijiishe siwanto. Raüta kra chela ka, “Dawit Chela,” ngutiishe mangto. Apaiq raq chela ka kra tro na tei wanto. Kriika külase kriimaq shedong nünü siim na hiq tiima phongtaq ba kriimaq tiichap phawan raüta haipha wanto.

2 HOKHVMX 22:14

Krai mren, Hilkia, Ahikam, Akhbor, Shaphan kiimaq Asaia ka maiq nyung ashi amang ka Hulda, apaiq ka shammi nyung Jerusalem anye tei wantaq siim nü ba kiijaq siti nyung phana bom riiwai kai kihoto. (Awese mang ka Shallum. Apaiq ka Tikwa se kiimaq Harhas miika asaü ka Shomjam wa ramwebi samtong jong kaütiim kra liitiwe.) Tsangshiq raq kriinyung ma jamlai bom wa dongtaq kra aheawiq tlü chongkuqto.

2 KAÜWA WERAÜ 3:1

Hokhamwe Dawit, Solomonwe raq Shomjam hai miitu hiq phu bashi ka atiije thüwishe. Kriiba ka Jerusalem na Moria Hiq Lam na riito. Kra hiqlam ba na Tatiwe ka Dawit phana riihumkito. Arba ka Jebusaiq phan Arauna raq tsambuk chang ba riito. Hokhamwe Solomon raq Shomjam hai jaqsham ka

2 KAÜWA WERAÜ 32:22

Ara chongtlaq akha Tatiwe raq Hokhamwe Hejekia nai Jerusalemti ka Asiria mung pengti ajong hokhamwe Sennacherib jaq khon mong wa tiichhii kuqto. Kiimaq tsangshiq jaqtinok mung ahinti jaq wa tiichhii kuqto. Apaiq raq Israilnok ka tsang mung tro na maiq mung thun rai mungtsing maq miishe tiisi wanto.

2 KAÜWA WERAÜ 33:14

Arjai miishe Manase raq Dawit Chela tro kiitelong ruk kinphai rukti adü ka atlu hai riito. Ara tlu haitaq ba ka Dawit Chela shedong nü siim wa jüwii thung ba na Gihon tsiimse rai se tho kiimaq phaho raüta Ngiq Kilamchong maq hiq khü nü siim kiina haito. Kriimaq riitea chela wa hiqshong bashi Ophel hiq ngutlaq kriiba na saüli haito. Kiimaq apaiq raq Juda mung na kiitelong maq trotam maq rukje chela thun kiijaq phentu weshi shi wokhong na phenlabi phung ka phoqto.

2 KAÜWA WERAÜ 34:22

Hokhamwe aming maq Hilkia nai maiq ahintibi ka Hulda rai bom riiwai kai kihoto. Apaiq ka shamminyung Jerusalem chela anyelin ba na sitlo. (Tsangwe mang ka Shallum, apaiq ka Tikwa se kiimaq Harhas miika asaü she, apaiq ka Shomjam na lang chang samtong jong thun kra thütiwe.) Tsangshiq raq kriinyung ma jamlai wa hongtha wantaq kra bom ka phanchan kuqto.

NEHEMIA 12:39

Kiimaq, kriiba miishe ka, Ephraim Kilamchong, kiimaq Jeshana Kilamchong, kiimaq Ngiq Kilamchong, Hananel Kongmong Chong, kiimaq, laita Shishi Kongmong Chong, kiimaq riitiishe Sku Kilamchong nü kiiniishe khum wan kai. Laitiishe, naishiq raq chela ruk tro na khum wankai kriika, Shomjam tiinap tho na Kilamchong ashi, kra jiishe tiisup wan kai.

NEHEMIA 3:3

Hassenaa weraü sengi riika, Ngiq Kilamchong ba tiihea haito. Tsangshiq raq kilam da chong pumpat kiimaq kilam chong tipi pum thun kra, kiimaq kilam chong thun kra wiita samheawiq tiihong raüta haito. Raütiishe kra tiipha tüchang jinpan khili maq tüto. Kiimaq kilüla chang pepan tiihongto.

ISAIA 59:11

Naishiq ka ahang ahun li. Laita akii anyiili sitiikai. Naishiq ka Shiikeawe raq maiq jaq khon mong na ji maq nishishi haihü raüta tiichamchaotlaq kiiwa tiichhiikuq wantlo haüjaq nguta thenge tiikai. Shatmaq jamlai khrum lam min chhimai.

JEREMIA 39:2

Riita Jedekia ka hokham jawanli maq wiiroqshi ri wiishi she angu na, kra rawii wa jipi lüblai lü na kra lüwa jiha ratiikaü ranaiq, na re raq Jerusalem chela kiitelong ruk thun kra tiibun siiqbaiq wanto.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

EJEKIEL 6:13

Maiq maa phong ka sumla phra phong na minyinbaiq kiimaq berong-wacha tro na riiphong riirong miraq. Ku akin tek na minyinbaiq, pum thun tek na, pechong ajong awea tek na chongji na, kiimaq ok chong ajong tek chongji na, kiimaq tsangshiq raq sumla phra shomnoq honglu takuq wantaq hiqba tek na, tsang maa phong ka riiphong riirong miraq. Kiijiishetiq tsangshiq loweatek raq Ngi ardea Tatiwe nguta misap wan.

AMO LUIK DVP (AMOS) 8:3

Kra akhing na hokham jam na, ashi ange wa trang ka, maaho manyi trang miishe mijaki. Maiqmaa phong li barap binrii na miraq. Kaiqshak shak maq amaa thun ka mipibaiq!” nguta Tatiwe raq chongtlo.

JEPHANIA 1:15

Kra ranaiq ka tsankhiq heng ranaiq, pitlang pitthea riihum ranaiq miraq. Athen ajen wan nai athum wan ranaiq miraq. Rathaiq ranyaq ranaiq, ranyaq tangtang ranaiq, kiimaq phumthup ranyaq ranaiq miraq.

JEPHANIA 1:7

Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.