Chaü lei, ngi ka shut kang dea. Kriikha na ngi ka hiqkhu nü mungti phong wa kongkhu ümniirai riihumkai ümchaü ranaiq kikang, Chaü lei.”
DUNGWVNC 10:16 - ASII LAKDAP Bible (BSI) Kiijiishe hokhamwe raq Mosheq nai Aron ka taülaükhiq tiiheaki nongto. Raüta nguto, “Ngi ka Tatiwe, namshiq Shiikeawe man na kiimaq namshiq man na shut kang. Hawa Naga Bible 2001 Kvkaq hokhvmx waz rueq Moshe nuiyc Arun kuex yauk lox gvl vtueq, “Ngaz rueq Yehowa nuimshiq Tishox muex nuiyc nuimnueyc muex mvrax yaq tauk. |
Chaü lei, ngi ka shut kang dea. Kriikha na ngi ka hiqkhu nü mungti phong wa kongkhu ümniirai riihumkai ümchaü ranaiq kikang, Chaü lei.”
Shatmaq Dawit raq maiqwea jaqsham kra lot jai she, atsan na kra jaqsham ka ashut klo kang nguta tsihea she tiido wanto. Kra ningkhan apaiq raq Tatiwe ma akha nguto, “Ngi raq ara ashut pinthum ngarai tang kang! Ingarai ka mangchan laüta diikuq laq! I mra diikuqlaq. Ngi raq angi nola jaqsham kang.”
Dawit raq maiq tseabaiqti rase kra chhito. Kiimaq apaiq raq Tatiwe ma nguto, “Ngi ahata ajiqwe ka. Ashut klotiwe ka ngi. Ara mungmaiqse nyungwe nosekong riika jamlai ri tiibiti mak? Ümniiraq ngi ma nai ijamti thun ma sintsang ka tiiholaq.”
Kiijiishe hokhamwe raq Mosheq nai Aron ka tiiheakito. Raüta nguto, “Kironglaq. Lanta namshiq Shiikeawe ma armung arjaq honglu thun ka takuqki rongkiq.”
Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”
Kiijiishe hokhamwe raq Mosheq nai Aron ka tiiheakito. Raüta nguto, “Ümchaü lak na ngi raq ngarai tangkang; Tatiwe ka riikhaqli dea. Isenginok nai ngi dea ashut.
Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.
Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.
Kiijiishe Balaam raq treto, “Ngi raq ngarai tangkang. Ngi raq ümniika ngi shangkai lam na chapki laü nguta sap mang dea riikang. Shatmaq ümchaü ümniinga ngi kiina kai ka ajiq ngutlaü jiila, ngi ka jam niili mijang wanha.”
Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.
“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.
Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”
Kiijiishe Saul raq, “Ngi dea ajiq. Ise Dawit loi, ümniika ngi phana jang wa nongkiq! Ngi raq ümniika atsea ma ümtiikiimin tankhan mang she. Jamkhano ngukla ümchaü rawa ümniiraq i miisaq ka tiiwongkuq laü. Ngi ka tsii ahü miidea siwan kang. Ngi raq ashut pinthum kiimung wan kang!” nguta Saul raq Dawit bom ka treto.