WEAWEA 22:34 - ASII LAKDAP Bible (BSI)

³⁴ Kiijiishe Balaam raq treto, “Ngi raq ngarai tangkang. Ngi raq ümniika ngi shangkai lam na chapki laü nguta sap mang dea riikang. Shatmaq ümchaü ümniinga ngi kiina kai ka ajiq ngutlaü jiila, ngi ka jam niili mijang wanha.”

Hawa Naga Bible 2001

³⁴ Balam rueq, “Ngaz yaq gay tauk. Mnoz rueq ngvy tvwanc tvkoc lvmx nuex jvp yaq kuex ngaz rueq tuiuz mauk; majuiuc muinz ngaz kaz yek ruiux yuq, vyaq ngoz ruiux kuex yuimx nuex dvyx yek waung taungx,” ngoz tueq tvyez jungx kuq tueq.

WEAWEA 22:34 Referencias Cruzadas

2 SAMUEL 12:13

“Ngi ka Tatiwe man na shutkang dea,” nguta Dawit raq nguto. Kiijiishe Nathan raq treto, “Tatiwe raq üm mra ka diikuqto she. Ümniika tsaimaü.

1 KAÜWA WERAÜ 21:7

Shiikeawe raq kra jaqshamtaq ka lungwii mak riito. Kra ningkhan Israilnok ma mo tiihoto.

Tvtsvmc 78:34

Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.

DUNGWVNC 9:27

Kiijiishe hokhamwe raq Mosheq nai Aron ka tiiheakito. Raüta nguto, “Ümchaü lak na ngi raq ngarai tangkang; Tatiwe ka riikhaqli dea. Isenginok nai ngi dea ashut.

TAKSU LAK 24:18

Tatiwe raq, ümdoqdit sea kra michhi. Raüta amit simak miraq. Krai mren apaiq raq ümjaqtiwe ka, tsasha mak she motsaqkai miraq.

WEAWEA 11:1

Mungmaiqse raq Tatiwe ma tsangshiq chamchao tiikai ngutiishe bottsaü phahoto. Tatiwe raq tsangshiq bottsaü trang ka taito. Kra ningkhan apaiq ka tsangshiq ma atsan khiqto kiimaq tsangshiq khuthaq na wa tiisatto. Kra wa ka tsangshiq phong mong na nyai wanto raüta tsangshiq ka khumto. Raüta tsangshiq piitiip siimko na sitibi maiq thun ka tiithen khiimbaiqto.

WEAWEA 14:40

Anap ranaiq na ranap chu maq li she tsangshiq ka ku-akin tong long wang kra khat walai nguta akha nguto, “Ümchaü nashiq ka Tatiwe raq chongtaq hiqshong kiina wa ma khekham she. Nashiq ka shutkai dea. Shutmai ka ngumai.”

WEAWEA 22:12

Kiijiishe Shiikeawe raq Balaam ma nguto, “Ümniika arwetiim rai naqki damkiq. Kiimaq Israilnok ma man naq sonkiq. Jamkhano ngukla tsangshiq ka Ngi raq ashiimanke wishe.”

WEAWEA 22:33

Shatmaq ümkumtoq kaü raq ngi chhi raüta lamkii nü na laktsam kihoto. Kra riimak nguraü ka, ngi raq ümniika mitsat baiqha wa. Lata kumtoq kaü ka mitiiwong kuqha wa.”

1 SAMUEL 15:24

“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”

1 SAMUEL 24:17

Kra raütiishe, apaiq raq Dawit ma akha nguto, “Ümniika alam dea. Ngi dea ajiq. Ümniiriika ngi miitu ahea pinthumli klo tlaü, shatmaq ngi riika, ümniima atinkhan abi kli klo tiikang!

1 SAMUEL 26:21

Kiijiishe Saul raq, “Ngi dea ajiq. Ise Dawit loi, ümniika ngi phana jang wa nongkiq! Ngi raq ümniika atsea ma ümtiikiimin tankhan mang she. Jamkhano ngukla ümchaü rawa ümniiraq i miisaq ka tiiwongkuq laü. Ngi ka tsii ahü miidea siwan kang. Ngi raq ashut pinthum kiimung wan kang!” nguta Saul raq Dawit bom ka treto.