DUNGWVNC 10:16 - Hawa Naga Bible 2001

¹⁶ Kvkaq hokhvmx waz rueq Moshe nuiyc Arun kuex yauk lox gvl vtueq, “Ngaz rueq Yehowa nuimshiq Tishox muex nuiyc nuimnueyc muex mvrax yaq tauk.

ASII LAKDAP Bible (BSI)

¹⁶ Kiijiishe hokhamwe raq Mosheq nai Aron ka taülaükhiq tiiheaki nongto. Raüta nguto, “Ngi ka Tatiwe, namshiq Shiikeawe man na kiimaq namshiq man na shut kang.

DUNGWVNC 10:16 Referencias Cruzadas

2 SAMUEL 19:20

Jiyungx waz lex, ngaz yaq gay tauk kuex majuiuc ngaz rueq tuiuz tauk, kvkhoc rvtueq ngaz rueq Taungjix hokhvmx waz humc kay tvkoc majuiuc raungnuiyq ghaqkhux kox wawc miqphvnx lotlaz htauk nuex kungkhux kaz vraungx,” ngoz tueq jungx tueq.

2 SAMUEL 24:10

Yuq muinz Dawid rueq muingc lvmz lot tueq yix maq, piq thuinz nuex rvwvlc khiz vtueq piq muex tvkuilc daz phaungc wvnc koq tueq, piq rueq Yehowa muex ngoc, “Vruex yauk shuimc ningkhvnc nuex kvhiz juing kuilc daz phvnx shishiz vshuimc tvyaq gay tauk! Kejux maq ngvy mvrax dawc kuq koq. Ngaz rueq miqyaq yauk shuimc shuimx gay tauk,” ngoz tueq jungx tvtay tueq.

2 SAMUEL 24:17

Dawid rueq miq thvy jix raungkamx waz kuex khiz vtueq Yehowa muex ngoc, “Ngaz kuex mvrax vhttax waz rvtauk. Mvrax shuimc jix waz muinz rvtauk. Vruex htemsuiuz rvmsaz miq htenc vraq yvmx lac yaq gay tvnx? Ngaz nuiyc ngvy yuimx wuinz muex dvyx murx tvgurc kuy aungx yaq,” ngoz tueq jungx tueq.

DUNGWVNC 8:25

Kvruex yimaq hokhvmx waz rueq Moshe nuiyc Arun kuex gvl vtueq, “Nuimshiq kaz vtueq vruex mungtan vmaq nuimshiq Tishox muex shomc nawk kuy shomc kuq wuez shuinz,” ngoz tueq jungx tueq.

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

DUNGWVNC 9:27

Hokhvmx waz rueq miq tvkaz vtueq Moshe nuiyc Arun kuex tvgvl kaz tueq, “Majuiuc lauk kuex ngvy mvrax rvtueq; Yehowa kuex vlvmx, ngvy miq htenc nuiyc ngaz kuex yaq tiq.

TAKSU LAK 28:13

Mmvrax htenc kuex puingc pvy gay muex mnoz hunglaungx ruiux yuq, mrullungx nuex mkaq muinz lotlaungc tuiux rvmuq. Mvrax kuex kvjungc vtueq tuip gay ruiux yuq Tishox rueq mnoz muex menjenc lungwawc thuinz tvkhic kv-phux.

WEAWEA 21:7

Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq.

WEAWEA 22:34

Balam rueq, “Ngaz yaq gay tauk. Mnoz rueq ngvy tvwanc tvkoc lvmx nuex jvp yaq kuex ngaz rueq tuiuz mauk; majuiuc muinz ngaz kaz yek ruiux yuq, vyaq ngoz ruiux kuex yuimx nuex dvyx yek waung taungx,” ngoz tueq tvyez jungx kuq tueq.

Matthew 27:4

“Ngaz rueq mvrax lvp muq miq washiz kuex tvthueyc tvkoc tvshuk kuq gay tauk ningkhvnc nuex mvrax lvp tauk!” ngoz tueq. Tsuinghez rueq, “Vruex kuex nuiyshiq muex yvmx lac seng yaq nguinx? Kvruex kuex m-yauk shuimc rvtueq!” ngoz kuq tueq.

1 SAMUEL 15:24

Sholu rueq, “Rvtueq, ngaz mvrax yaq gay tauk. Ngaz kuex Yehowa rueq nvr yaq kvjaz nuiyc mnoz rueq jungphvnx kuq phux htenc kuex phvnx mauk rvtauk. Ngaz kuex ngvy miqsaz htenc muex hiz vtueq tsuinghez thuinroc tvshuimc gay tauk.

1 SAMUEL 15:30

Sholu rueq, “Ngaz mvrax yaq gay tauk. Yuq muinz ngvy miqsaz htenc muex vyungx vlaungx bix nuiyc Israel miqsaz lotlaz khaungkac nuex ngaz muex tvtsanc nganc kuy lvmz tvkhic kuq koq. Yehowa m-Tishox muex ngaz rueq nawk palx kuy tvkoc ngaz rulc vdvmz yek woz ix,” ngoz tueq tvralc jungx yek tueq.

1 SAMUEL 26:21

Sholu rueq, “Ngaz yaq tauk. Isaz Dawid lex, yek waung loq! Mnoz rueq ngvy rullungx kuex majuiuc raungwvrx tvraungx taq shec phux ningkhvnc nuex, ngaz rueq mnoz kuex mkaq muinz tvthuiuz sac mauk shex. Ngaz kuex miqyaq rvtauk! Vkhoc kvhiz juing yauk shuimc kuex ngaz vshuimc tvyaq tauk!” ngoz tueq tvralc tueq.