Acts 1:13 - ASII LAKDAP Bible (BSI) Tsangshiq ka Jerusalem na jang wanto. Raüta, tsangshiq jap chang jam na rathong khokti kiina riitam ngato. Hawa Naga Bible 2001 Tsuinghez kuex ghaqyungx kvyuq nyuip vtueq, tsuinghez duiz tueq yuimx raungkhok nuex nyuip waung wuez tueq: Peter, Yohan, Yaku, Andru, Philip, Thoma, Bartholome, Matthew, Alphaeu saz Yaku, vphvnx nuex thuinz tvthuiuz yaq waz Simon, Yaku saz Yuda rvtueq. Muklom Ning samhaq náng thu atho, ning aluk him khok náng qhang ta. Eshina Peter, John, James, Andrew, Philip, Thomas, Bartholomew, Matthew, Alphaeus sa James, patriot Simon etho James sa Judas angta. |
Jesuq ka kra ba maq ahin nü niishe tiido wanto. Apaiq ka lam na akhum rai lam maq phunta hiti we Mothiq ka phunta hichang jam na phunta hirea chhi wanto. Apaiq ka chhi raüta, Jesuq raq apaiq ma, “Ümniika i jai she phan laq,” nguta heato. Krai mren, Mothiq ka tiidopot raüta, apaiq jai phan wanto.
Kra waihan jiila, apaiq raq namnai ma ajam rathong na, khok ajong wiq ashi, phanrap tiihongtha rea je she kra mitiichhi kuq. Kiijaq namnai raq nashiq Poi Dung kra tiijeholi rong laq,” nguta apaiq raq tsangnai ma bom ka chongkuqto.
Raüta apaiq rai Petar, Jakob kiimaq Johan kra sheaho raüta, tsangshiq ka phanshi kongkhu linlin niishe wato. Apaiq ka chamchao homa nai riiweatsi homa raq, tiimok miichaq she bok wan raüta, atsan among po paq kra tiipanki nam nam she tsi wanto.
Kiimaq apaiq ka akhum lam maq, phunta hiti we Lewi, Alphias se ka apaiq phunta hichang abit tiipse na ngaraü lowanto. Jesuq raq apaiq ka chhi raüta, “I jai phan laq,” nguta apaiq ka heato. Krai mren, Lewi riimin tiidopot raüta, Jesuq jai she phan wanto.
Kiijiishe, Jesuq raq apaiq rai Petar, kiimaq Jakob, kiimaq ano Johan kra tlea raüta, ajaqshisetiim ahinti ka, apaiq rai jumin tiiwa dam mak she riito.
Ratrok sijai, Jesuq raq apaiq rai Petar, Jakob kiimaq Johan ka shea raüta, hiqlam ashi achowiq na wawanto. Kiijaq tsangshiq ka tsangshiq honhon li riito. Tsangshiq raq liishat, rarshra liipan niili, Jesuq khum ka klaisaq li, klai kito.
Raüla, apaiq raq namnai ma jam rathong khok na khok ashi ajong wiq kra namnai ma mitiichhi kuq. Kiijaq phanrap tiihong tha rea je she miraq. Kriijaq, namnai raq phanrap ka tiijeholi ronglaq,” nguta Jesuq raq tsangnai ma bom ka chongkuqto.
Kiijiishe, “Lo, ikhiijiika, nashiq tarü Shrawe rai adam na kirong phiina. Laita, nashiq min apaiq rai adam maq tsaiki rong phiina!” nguta Thomas (achhop we) raq apaiq kongtibi jaqshisetiim ma Jesuq bom ka tiijo she chongto.
Kra tai raütiishe, Judas (Judas Iskariot ka riimak) raq Jesuq ma bom ka akha waito, “Tatiwe, ümniiraq ümrilung khushü chhainyii jong ka, naishiq miika tiichhikuq raü, mangjong maiqse ma tiichhi kuq maü ka jamkho?”
Ruk kilü na chap raü jechakse raq Petar ma, “Ümniikiimin kriiwe jaqshise sii riimak sha?” nguta nguto. Kiijiishe, “Riimak. Ngi ka riimak tiina,” nguta Petar raq akiq ka khiito.
Kra akhing na Simon Patar, Thomas (apaiq ka Achhop we ngutlo), Nathaniel (Apaiq ka Gelili wang na Kana hiq wa), Jebedi senai, kiimaq Jesuq jaqshisenai ahinti wenai, tsangtsam thun ka tarü adam na riito.
Apaiq raq tsangshiq ma ajaq maq nam raüta, ajong maq naq bom rongkiq nguta chongto. Raüta, Shiikeawe raq apaiq ka jamkho phaqtek mong wa tiichhii kuq wantaq kra tsangshiq ma chongto. “Ara tsütsa arka Jakob nai phunainotiim ahinti miiri tiitai ronglaq” nguta apaiq raq tsangshiq ma chong kuqto. Raüta, apaiq ka kiimaq ahin niishe kihoto.
Tsangnai raq nokwe ma bom chongke kra lot ri she, Jakob ka ngongwebi man na chap raüta, akhiishe hali bom ka chongkuq nongto. “Phunainotiim lei, ngi chongpha, tai ronglaq!
Kiijiishe, Petar ka akongti kiimwebi roqshi ri weshi krai chap raüta, kiimaq tiihong raüta mungmaiqse riiphong tlaq kiima akha trashe hokuqhoto: “I nok i hiq Jehudinok mung maiqsetiim nai Jerusalem na sitibi lei, i bom ara tai ronglaq, kiimaq ngi raq namshiq ma ara jamlai liichum wa kra namshiq ma chongkuq pha.
Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.
Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.
Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.
Kra jai miishe hali, apaiq ka Jakob rai riihum kito. Kiimaq kra jai miishe, apaiq ka akiimwetiim tarü raishe riihum kito.
Kra lak na, ahü la, ngi raq kiimwebi ahinti jurai min riihum mang dea la. O, shatmaq, Tatiwe ma ano Jakob raili riihum kang.
Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.
Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.
Ngi, Phukhu we raq-- Lungwii nyino nyung nai asetiim ma, apaiq ka ngi raq pinthum lungwiitiikang. Kiimaq ngi lam lam li ka riimak, shatmaq tengtlaq bomtsi lungwiiti wiita raq ümniika lungwiitlo.
Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang: