Mark 9:2 - ASII LAKDAP Bible (BSI)

² Ratrok sijai, Jesuq raq apaiq rai Petar, Jakob kiimaq Johan ka shea raüta, hiqlam ashi achowiq na wawanto. Kiijaq tsangshiq ka tsangshiq honhon li riito. Tsangshiq raq liishat, rarshra liipan niili, Jesuq khum ka klaisaq li, klai kito.

Hawa Naga Bible 2001

² Raungx tvruk httvmx yix maq Yesu rueq Peter, Yaku, Yohan kuex shvlx wvnc vtueq johvlc kanx vshiz nuex duiz woz vtueq kvyuq tsuingthuimx dvyx rvtueq. Tsuinghez rueq lawc thvt yaq nuex Yesu shvmx kv-phelc wvnc vtueq,

Muklom

² Saal tharok jio, Jesu aa Peter, James etho John tha sol eq ashey aluk haqkang kho thináng kata; eshina ning chen angta. Ning relna Jesu hanphung tha kaley ta,

Mark 9:2 Referencias Cruzadas

1 HOKHVMX 18:33

Kra lotjai she apaiq raq pepan thun chin ka kra berong-wacha khutha niishe phongto. Raüta minsaü pongwe kra taato. Raüta ngam ka abu alu chumto. Raüta ngam thun ka kra pe phong thaq na tiiweto. Raütiishe apaiq raq nguto, “Tsabum blai na kham ka malili thü ronglaq, Lantea kham ka honglu ngam phong nai pe phong thaq kiijaq nyuk ronglaq.” Krai mren tsangshiq raq nyukto.

1 HOKHVMX 18:42

Ahab ka dungsea washe wawanto. Kiimaq Elija ka Karmel pum khupo kiiniishe düwato. Raüta kiijaq apaiq ka hiq na akhupo ka alakü wiinai, heawea na bumki saq riito.

DUNGWVNC 24:13

Kiimaq Mosheq nai apaiq jaq treti Joshua ka tiijeto. Kiimaq Mosheq ka asii pum kiina düpha wanto.

ISAIA 33:17

Namshiq raq thongshiri hali armung na hokhamwe raq mung ka achhai anyii akhushü jonglu wala, amungtan ka trotam na tiijong wan raüta mipeng wan kra michhi wan nonghan.

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

Matthew 14:13

Jesuq raq Johan tsütsa kra tairaüta, apaiq ka ajaqshisetiim rai lai ashi maq, kriiba wa tiido wanto. Raüta maiq akaiq kaiq ba niishe wawanto. Shatmaq mungmaiqse raq Jesuq wawan tho kra heraüta, tsangshiq ka maiqmii chela thun maq dong wan rang raüta, apaiq jai ka takii lam maq phan wanto.

Mark 14:33

Raüta apaiq rai Petar, Jakob kiimaq Johan kra sheaho raüta, tsangshiq ka phanshi kongkhu linlin niishe wato. Apaiq ka chamchao homa nai riiweatsi homa raq, tiimok miichaq she bok wan raüta, atsan among po paq kra tiipanki nam nam she tsi wanto.

Mark 16:12

Arjai miishe, Jesuq ka tsangshiq phong wa wenai pha na, phanshi pong linlin maq, tsangnai ka hiqshong na awarai lam na dongki raüta riihumkito.

Mark 5:37

Kiijiishe, Jesuq raq apaiq rai Petar, kiimaq Jakob, kiimaq ano Johan kra tlea raüta, ajaqshisetiim ahinti ka, apaiq rai jumin tiiwa dam mak she riito.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

2 Corinthians 13:1

Riita, ümchaü lak ariiraq, ngi ka namshiq phana, laktsam she watiikang. Asii bomtsi na, “Hakhi anai riimak la, apa riishe jiqto dea,” nguta hakhi kuq raütiq, ajiq we ka shut laü dea nguta tiishut chang nguta chongtlo.

Philippians 3:21

Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.