Acts 4:13 - ASII LAKDAP Bible (BSI)

¹³ Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Hawa Naga Bible 2001

¹³ Peter nuiyc Yohan kuex luik vlvyx muinz thenc muq miq rvhvt maq khvmc thuinz yunghvlc httax yaq kuex Suingdaungx Muingdaungx nuex lomx yaq walaungx bix rueq khiz vtueq vwangc rvwuez tueq. Tsuingnueyc kuex Yesu kung vkamz jix muex yaungx tueq kuex tsuingshiq rueq rvwvl lvp wuez tueq.

Muklom

¹³ Baluk o ning aa Peter nia John haang aa chan tha khita, ning aa lik ali phattey ang moq ta sam eq ning patja angta; etho ning aa iri ni raa Jesu jamoq qhingta ta samta.

Acts 4:13 Referencias Cruzadas

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 26:71

Kiimaq apaiq ka kra ngu thü raüta, jamtro ruk kilam chong tho kiiniishe kihoto. Kiijaq hali jaqshise nyungshi raq apaiq ka chhito. Raüta kiijaq nanok maiq chaptlaq kriiti ma, “Notsam arwe armin la, Najareth hiqti Jesuq rai siti sii ahata,” nguta chongto.

Matthew 26:73

Kiimaq heashise sijai na hali, kiijaq maiq thun tiibo tlaq kra phong wa wiijamti ka Petar phana kiraüta, “Ümniika ümkhriita jiimin apaiq sengi phong wa. Ümkiq hang ka Gelili wangti kiq hang. Ümkiq hang miishe tiisap kitlo!” ngutiishe bom ka tiitsa hoto.

Luke 22:8

Jesuq raq Petar nai Johan ka sinkhu na akha bom chongkuq raüta tiikito: “Kironglaq. Lanta Tiichhii Wan Poi dung ka nashiq miitu chungho li ronglaq.”

John 19:26

Jesuq raq anyung nai ajaqshi se, apaiq raq kai lungwii tlaq se ka kiijaq chapraq raq chhito. Kra chhi raüta, “Apaiq ka ümse she,” nguta apaiq raq anyung ma chongkuqto.

John 7:15

Jesuq raq thungtri shrinke wan ka jü jang wa ikha, tsan na washasha chongke wan kra tai raüta, Jehudinok welabi ka kai awang li riito. Kiimaq, “Arwe arka lak shrinkai chong awii niimin ngaki mak dea shatmaq, apaiq raq atinkhan thungtri phaqchi ara jambawo tsin tiinya?” nguta tsangshiq liipan na riiwaisoto.

John 7:49

Ara mungmaiqse thun arka Mosheq Thungtri manphan jüche ka jam min sap mak. Kriikha maq, tsangshiq ka Shiikeawe manson howan raüta sitlo!” nguta hokranok ka sonto.

Acts 4:14

Kiimahali, maiqwe atsi wa aheakiwe kriiri, tsangshiq makki na, kiijaq Petar nai Johan rai adam na chapshat. Kriikha miishe, tsangshiq raq kiqkhii chang ka ahü she.

Acts 4:19

Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.

Acts 4:29

Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 9:27

Kiijiishe, Barnabas raq Saul ka khrumto. Apaiq raq apaiq ka kiimwebi phaniishe shea wanto. Raüta, Saul raq lam maq Tatiwe rai jamkho riihumtaq, kiimaq Tatiwe raq apaiq ma bom ka jamkho chongkuqtaq, kra thun tsütsa kriishe tsangshiq ma tru chongkuqto. Kiimahali, Saul raq Damaskas chela na, nokmaiqse ma, Jesuq mang na achaq awaq maq tra hokuqtaq kra tsütsa kiimin tsangshiq ma tiitai chongkuqto.

Acts 9:28

Kra chongkuqtaq krai mren, kiimwebi raq apaiq ka tao wanto. Kiimaq Saul ka tsangshiq rai adam miishe pong damto. Raüta, achaq awaq maq Jerusalem hamli na konchi koncha khum raüta, Tatiwe mang na tra hokuqto.

1 Corinthians 1:27

Shiikeawe riika samsam maq dongdii ara mangjong maiqse tiijeasi ma nguta, mangjong maiqse phaqchi pinja ajong alabi raq jam min taimak nguta tiima tlaq, kriiti ka tsea wan tlaq. Kiimaq apaiq raq mangjong hiq na ajong ala nguta sitlaq kra shummii ma, jehin norebi ningkun ahüti kra tsea wan tlaq.

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

2 Corinthians 3:12

Riita, ara chongtiikai pattup pat-sa Tsütsa Ahea achhai anyii jaqsham, naishiq raq sham tiikai arka, ümtiikiimin poiki mak phan. Kiimaq mutki mak phan. Arka chhainyii wan ruq li she misi wan.