Acts 2:14 - ASII LAKDAP Bible (BSI)

¹⁴ Kiijiishe, Petar ka akongti kiimwebi roqshi ri weshi krai chap raüta, kiimaq tiihong raüta mungmaiqse riiphong tlaq kiima akha trashe hokuqhoto: “I nok i hiq Jehudinok mung maiqsetiim nai Jerusalem na sitibi lei, i bom ara tai ronglaq, kiimaq ngi raq namshiq ma ara jamlai liichum wa kra namshiq ma chongkuq pha.

Hawa Naga Bible 2001

¹⁴ Peter kuex kamx waz hez rokshiz rac washiz phungc nuex jvp ruiux kvjaz tvyungc vtueq jungx tueq kuex, “Yuda miqsaz htenc nuiyc Yerusalem nuex httaz jix htenc lex, ngvy kvjaz vruex tay wuez shuinz, vruex lvmz kuex ngaz rueq jungx kuq ix.

Muklom

¹⁴ Peter adak asi ani apostle tang jamoq lang ta etho ning ma jujong aa batta: “Jehudi miqtang etho Jerusalem na tongtey thaji miqtang, nga nim ma chamlang batphang shi tat inn.

Acts 2:14 Referencias Cruzadas

TAKSU LAK 8:32

“Riita ümchaü min, jerobi lei, i bomchong ara tairong laq. Ngi raq chongtiikang arphan phan klo ronglaq, han jiila namshiq ka chochikhiq misi han.

ISAIA 40:9

Jerusalem lei, pum diiluhea kiina walaq, laüta tsütsa ahea ka chiiriim laüta tiitailaq! Tiihong laüta gilaq Jajon lei; tsütsa ahea kra tiitai chonglaq! Linham linhok chonglaq, naqhaikiq. Juda mung na chela thun ma chonglaq; tsangshiq Shiikeawe ka kitlo she nguta!

ISAIA 51:1

Tatiwe raq ngutlo, “Ibom tai ronglaq, namshiq atiichhii wan rotlanti raq, namshiq iphana khrum jaüwa tlanti raq. Namshiq dongchang longkaü kra tiima ronglaq, namshiq tiidong thechang longkhat kra tiima ronglaq.

ISAIA 51:4

“Ibom tairong laq, isenginok lei, Ngi raq jamlai wa chongtiikang kra tai ronglaq; Ngi raq maiq mung thun ma shrin kuq tiikang; itri raütu raq tsangshiq ma ra mitiiwükuq.

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

ISAIA 52:8

Chela kheti kintsongti kong raq gitrangtlo, chochisitsi ma kiqshi maq gitrangtlo! Tsangshiq raq maiqmii mak maq rashra chhitlo; Tatiwe ka Jajon na hali jang wan nongtlo!

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Acts 1:26

Kra achu jaü lot raütiishe, tsangshiq raq maiq wenai mang na, lang liito. Krai mren, lang raq Matthias mang na thaüto. Krai mren, tsangshiq raq Matthias ka Jesuq kiimwe miishe tseato. Kra ranaiq miiphat she, Matthias ka Jesuq Khristo kiimwebi roqshi ri weshi krai kongshi she jawanto.

Acts 13:16

Krai mren, Paul ka chapto. Raüta ajaq ka ra na do raüta, tsangshiq ma sanglili maq tai ronglaq nguta akhiishe trahokuq phahoto: “Israilnok nai Shiikeawe ma haisong tsantsii thü wanti Pongnok phan maiqsetiim lei. Ngi chongpha, tairong laq.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 5:35

Raütiishe, apaiq raq Rung welabi ma tsii ka akhiishe chongkuqto, “I nok i hiq Israil mung ajong ala mungtu shiilangbi lei, welabi lei. Namshiq mung welabi raq arwetiim arka, jamkha riiho wa dan tlan, kra samhea tiima rong laq.

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

TRI CHONGKE 27:9

Kiijiishe Mosheq raq, Lewinok ramwebi rai adam maq, Israilnok mungmaiqse tlot li ma akha nguto, “Ngi ma namtsan tsii ka kuq ronglaq, Israilnok lei. Lanta ibom ara tiitsang tai ronglaq. Ümchaü ranaiq namshiq ka Tatiwe nam Shiikeawe sengi miishe jaki lan.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.