1 Peter 1:23 - ASII LAKDAP Bible (BSI) Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan. Hawa Naga Bible 2001 Yvmx khoc lac ngoz ruiux lec nuimshiq kuex vtvraungx httax yaq nuiyc pattup pat-sac httax yaq Tishox bomjungc ningkhvnc nuex vthueyc vmvy vguez vnyuiuz vwaz sahez ikhoc vjawx rvtueq. Muklom Chammatakoi nim takshey wey chang tin etho ira ushit phan uli wang ang moq etharin shit moq phan uli wang, bara atharang nia pattuk Shkewa raaq. |
Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?
Kiimaq arthun chongkai phan maa ka tsamlai ajangkai chang kriithaq na deawa raüla, tsamlai ka shemak. Asii miraq.
Liirong laq. Ngi raq namsetiim ka mitsat wanha. Kiimaq namtheaphi ka, nyamse honglu atakuq han daiq maq mimoq wan pha. Kiimaq namshiq ka nyamse daiq raübaiq kai chang hiq ba kiijaq mihit thüki ha.
Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.
Shiikeawe raq ra nai hiq ka apaiq lümaq siisaq phansang wanto. Shiikeawe raq apaiq tlea raüta, jam lai phan min phansang mak dea.
Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”
Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.
Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.
Thummak miq mak atra Shiikeawe ka shomnoq rii na, tsangshiq riika maiqse raq, jaq maq ahai hun, athumkai chang phan maiq sumla, wushi sumla, ngamsaü ngiqse sumla thun, kra khoti shomnoq tlo.
Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.
Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.
Shatmaq Shiikeawe bomtsi ka athen kai nguta ahü, pattup pat-sa atra li sitlo.” Riita ara bomtsi ahata, Tsütsa Ahea, namshiq ma chongkuq wantaq kra.
Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.
Juwa Shiikeawe se she jawantaq, kriiti riika ngarai tangruq ka tang mak she. Shiikeawe asii phara rilung ka apaiq khum na ake kun she. Shiikeawe ka apaiq ma Awe shaq she tiija wantaq kriikha maq, apaiq raq ngarai ka tang ruq ka tang mak she.
Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.