John 3:3 - ASII LAKDAP Bible (BSI)

³ Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

Hawa Naga Bible 2001

³ Yesu rueq, “Ngaz rueq mnoz muex vsuing jungx kuq ix, vjawc rvhumc yek muq waz ukhaq yuq muinz Tishox Mungtan kuex khiz lvp shuex rvmuq,” ngoz tueq tvralc tueq.

Muklom

³ Jesu aa piq ma thawel batta, “Nga asing sing batphang, wey chang moq ang ajo Shkewa Mungtan jin khi moq.”

John 3:3 Referencias Cruzadas

JEREMIA 5:21

Samhea tiitsang taironglaq, namshiq angok anginok kiimaq maiqjiqnok raq. Nammakpo ka asi; shatmaq chhiman. Kiimaq namni ka asii shatmaq maiqbom ka taiman.

EJEKIEL 36:26

Ngi raq namshiq ma tsantsii anye she mikuqha kiimaq khutsai min anye she mikuqha. Ngi raq namshiq wanshakshak longkaü tsantsii kra alam she mirbaiqha. Lata ibom taiti tsantsii she mikuqha.

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Matthew 19:24

Bliiq kiki chongpha: chiithe maiqse Shiikeawe sengi ma jawan ngutlaq kriika, kumtsong nyamse kaü raq maichhi puse maq lea wan nam miimin aha.”

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 5:18

Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Mark 10:14

Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.

Mark 9:47

Kiimaq, ümmak po raq, ümkam tsantsii ka tiichhan baiq kiiphaü la, alat li riibaiq laq! Maknai wiita maq, wamungtan na dea wan nam miika, makko miili jiimin, ramungtan na atra siwan ka ahea.

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

John 1:5

Ara rawüli arka ranyaq nyang mong na siti maiqse ma liliim shatli liliim tlo. Ara rawüli arka ranyaq watlaq kra raq, nyam wan lot mak phan.

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

John 3:4

Riita, “Maiq la kaü ka rawü thongnai ka jamkho michhi wan nong? Anyung puk na thongshi nyap wa nong raüta rawü jangnai ka chhilot mak sham na!” nguta Nikodemas raq Jesuq ma waito.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Corinthians 5:17

Maiqse ashi ka ümtiikiiwa Khristo raishe tiipum wandam tlaq, kriiwe ka maiq nye tingsang atiiq wan miishe klai kitlo. Apaiq rilung achu ka thumto she. Apaiq rilung ka anye tingsang she.

Galatians 6:15

Maiqse ka, athohan je sha sitlaq, sha athohanhü wa sitlaq, kriika jamlai akhek riimak. Shatmaq, apaiq raq rilung anye she lap wantaq, kra apaiq ma akhek pinthum.

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.

TRI CHONGKE 29:4

Shatmaq ümchaü ranaiq na saüli, namshiq raq jamlai wa lea wan lan thun kra apaiq raq namshiq ma tiitak kuq wan mak dea.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

1 John 3:9

Juwa Shiikeawe se she jawantaq, kriiti riika ngarai tangruq ka tang mak she. Shiikeawe asii phara rilung ka apaiq khum na ake kun she. Shiikeawe ka apaiq ma Awe shaq she tiija wantaq kriikha maq, apaiq raq ngarai ka tang ruq ka tang mak she.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.

1 John 5:4

Ara jamkhano ngutiikai ngukla, Shiikeawe setiim loweatek riika mangjong hiq ka mitang lot siisaq. Riita nashiq raq ara mangjong hiq tang lot tiikai arka, nashiq raq Jesuq ma kamtsantsii thü tiikai kra lümaq tang tiikai.

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.