John 3:2 - ASII LAKDAP Bible (BSI)

² Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

Hawa Naga Bible 2001

² Kvruex waz kuex raungnyauk nuex Yesu kox nuex kaz vtueq, “Rabbi lex, mnoz kuex Tishox rueq vtvkaz tvluingc waz vshiz rvtoq lvmx kuex nuiyshiq rueq tuiuz lvp vshix. Mnoz rueq vwangc juing romzyac htenc tvkhic vshuiux htenc kuex Tishox lomx muq ngoz ruiux uraq muinz shuimx lot muq,” ngoz tueq vpiq muex jungx tueq.

Muklom

² Piq rangpal o Jesu relnáng ka eq piq ma batta, “Rabbi, í aa sam eq i, nang raa Shkewa ching wang tatalteywa ang eq kataphu, chammatakoi nang aa bari patja jaksom raa takhi u, esha Shkewa ba jamna ang moq ang ajo jin takhi mu.”

John 3:2 Referencias Cruzadas

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

JEREMIA 38:16

Kra ningkhan, Hokhamwe Jedekia raq ngi ma ahukse maq akha kiqkham kuqto. “Ngi raq atra Shiikeawe man na, nashiq ma tsitsü ketiwe Shiikeawe man na, atiitum lata ngutiikang, ngi raq ümniika tsat baiq mang, riimakla ümnaq tseabaiq tankhantibi maiq jaq niimin kiinong kuqbaiq mang.”

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Matthew 23:7

Kiimaq tsangshiq raq kejat thung miimin, maiq raq ‘Shrinketi we,’ nguta shreng raüta tsangshiq rai riibom dam kriili lungwii tlo.

Matthew 23:8

Shatmaq namshiq ka tarü siphu sino siisaq siwan tlan. Kiimaq namshiq tarü ma, ‘Shrinketi we’ ka weshi li sitlo. Kriikha maq namshiq ka maiq ma, ‘Shrinketi we’ nguta naq tiimang rongkiq.

Mark 12:14

Tsangshiq ka Jesuq phana kiraüta, apaiq ma bom ka akha waito, “Shrinketi we, naishiq raq asap hai, ümniiraq tengtlaq bomtsi ka maklii ashi maq chongkuq tlaü. Ümniiraq maiq ka asham na lii laüta, tseatsiiq maü. Kiqshi maq tri laüta, Shiikeawe bomtsi ka chongkuq tlaü. Riita ikhla, ara chong liita, nashiq raq Roman Hokham we ma phunta kewan arka, nashiq Thungtri na ajiq sha alam wa? Arka nashiq Thungtri na ang tlaq sha ang mak wa?”

John 1:38

Jesuq raq ajai nü na liito. Raüta tsangnai ka apaiq jai na awarai chhito. Kra chhi raüta Jesuq raq, “Nam nai raq jamlai wa rit tlan?” nguta tsangshiq ma waito. Tsangnai raq, “Rabbi, ümniika ümbano sitlaü?” nguta apaiq ma waito. (Ara liichum ka Shrinketi we nguta ngo riito.)

John 10:38

Shatmaq, ngi raq, i We raq achongkuq jaqsham kriidea sham tiikang jiika, namshiq raq ngi ma kamwan romanli jiimin, i jaqsham arma kamwan rong liina. Kra kamwan han jiika, namshiq raq ngi ka i We rai, kiimaq i We ka ngi rai pumshi hanshi miidea sitiikai nguta pattup miitu she misap wan han.”

John 12:37

Apaiq raq tsangshiq makki na atinkhan awang chang jaqsham maq tiichhike wanje taü miimin, tsangshiq raq apaiq miika kam mak riito.

John 14:10

Philip, riita, ümniiriika ngi ka i We rai, i We ka ngi rai pumshi hanshi maq sitiikai ngutiika kam maü shiita? Ngi raq namshiq ma bom chongkuq tiikang arka, ngi raq, i tsiitsii maq achong kuq ha ka riimak. I We ka i khum na si raüta, apaiq tsiitsii maq jaqsham tlo.

John 15:24

Ngi raq tsangshiq makki na, maiq ahinti jurmin sham wanlot mak chang phan jaqsham shamkuq kang thun kriika, shamkuq wan mang dea ngu raü jiiriiwe kla, ija, tsangshiq shut chang ngarai min ahü mirwa. Shatmaq, ümchaü sanha, tsangshiq raq kra thun jaqsham ka wiita chhi wanto she. Raüta, tsangshiq raq i We nainai wiita she ngeng tlo.

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 20:16

Kiijiishe, Jesuq raq amang chong raüta, “Meriq,” nguta bomdamto. Kiijiishe, Meriq raq apaiq phanü na nyisaq raüta, Hibrunok bom maq, “Rabbuni,” nguta apaiq bom ka treto. (Ara liichum ka shrinketi we nguta ngo.)

John 3:26

Kriikha maq, tsangshiq ka Johan phana waraüta, apaiq ma chongto, “Shrinketi we, ümtsan na tiitsangshat li riimak sha, Jordan raire shedong nü maq, ümniirai riihumtiiwe ira? Apaiq bom ka naishiq ma chong kuq laü we irchong? Lii maüta, apaiq raq nanok ma kham lamkuqtlo. Kiimaq nokmaiqse wiitarü ka apaiq jai phan wanti siisaq she, apaiq jai na warai wanto!”

John 4:31

Kiimaq ana ajaqshisetiim raq apaiq nangnga, “Shrinketi we, dung ka phanshi ra siili jiimin phaqsiq liina!” nguta tiipaiqnea rai lam maq chongto.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 6:2

Apaiq raq maiq atsiti tiiheake wan awang chang jaqsham wantaq kra thun ka chhiwi raüta, maiq phong ka khunyaq khukhi akong ada riishe apaiq jai ka phan wanto.

John 7:31

Shatmaq, mungmaiqse phong wa maiq pahea raq apaiq ma kam wanto. Kiimaq tsangshiq raq, “Ümtiikiiwa Khristo saüki jiiq, kra akhing na ümchaü arwe raq awang chang jaqsham wantaq arthaq na achat raüta, akao lin she sha misham wan nya?” nguta tsangshiq liipan na riibomto.

John 9:16

Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Philippians 1:14

Ngi phaqtek na shaq kha maq, Phungmaiqse phunainotiim apako raq, Tati ma kamtsantsii thü wan tlaq kra, kamtsantsii rang ka apha riiwan tlo. Kiimaq tsangshiq ka hai mak maq, Tsütsa Ahea kra chongke shiichaq wan tlo.

PHOWEBI 6:27

Krai mren Gideon raq ajaqshisetiim weroqshi shea raüta, Tatiwe raq apaiq ma chongtaq kra phan phan kloto. Apaiq ka kra klo ma ajamtitiim nai chelati nokmaiqse ma ahai sihea riito. Kriikha maq apaiq raq kra jaqsham ka rawa mong na kloto.