James 1:18 - ASII LAKDAP Bible (BSI)

¹⁸ Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

Hawa Naga Bible 2001

¹⁸ Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.

Muklom

¹⁸ Piq aa umongtham wang hiqtang sha asing raaq tungkang o tsija rollung kot ta, irimal eq piq aa taqhong dang ta atharang phan jaktung na hiqtang phang uti ungo mal ang ni.

James 1:18 Referencias Cruzadas

JEREMIA 2:3

Israil lei, ümniika ngi riishe; ümniika ngi rii rahea asii tachong. Ngi raq chamchao nai matdong tiisaükang; ümnaq tiichamchaoti loweatek ma. Arka Ngi, Tatiwe raq ngutiikang.”

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

Romans 4:17

Asii bomtsi na, “Ngi raq ümniika maiqphan pahea ma awejong tiija wan kang,” nguta chongtlo. Ara chongtiikai ara ningkhan, ara kiqkham arka Abraham raq kamwantaq, Shiikeawe maiq amaa wa, atra tiidong wanti Shiikeawe, kiimaq phanrap ka jam min ahü wa, apaiq raq aming tat raüta phanrap tingsang anye tiidong tiiq wan phansang wanti we, Shiikeawe makki na athuk atsom pinthum bomtsi.

1 Corinthians 4:15

Ara jamkhano chongtiikang ngukla, namshiq ma kamasham rilung na ashun ashea kewanti maiq ka hingroqshi li siraü jiimin, namshiq ma awejong ka ashi li. Namshiq ka Jesuq Khristo puk na nyap lan krai mren, ngi ka namshiq ma Tsütsa Ahea chongke wanti kha maq, namshiq ma kamasham na awejong she jakang.

2 Corinthians 6:7

Kiimaq naishiq raq tengman tlaq tsütsa chongkuq tiikai kra lümaq, kiimaq Shiikeawe ningkun kuq wantaq kra lümaq, ara tiichhi kuq tiikai. Naishiq ma rekhat chang nai khum tiikhe chang siinit wachü ka tingting rilung sitiikai ara.

Ephesians 1:12

Riita, ara miitu, nashiq raq Khristo ma kongkhu kamwan kaitibi raq, Shiikeawe khushü jonglu kra tiitsamkam rong i!

Ephesians 1:13

Kiimaq namshiq riimin la, Shiikeawe bomtsi Tsütsa Ahea kra tai lan. Kra tai lan krai mren she, namshiq ka tiichhii wanto she. Namshiq raq Khristo ma kam lan she. Krai mren, Shiikeawe raq namshiq ka apaiq rii she nguta, awura mong niishe tiiham wanto. Raüta, namshiq ma Asii Wenyi she kuqto.

2 Timothy 2:15

Shiikeawe raq ümniika maiqshaq jaqshise ashi dea nguta wea wan li chang miitu, tsapkapkap maq shra jaqsham kra sham laq. Shiikeawe tengman tlaq bomtsi ka khaqshkhaq maq, liichum kra tru chongkuq laq. Shiikeawe bomtsi chongke lam maq, ümniika akhiismin naq tiijeasi kiq.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.

James 1:15

Apaiq raq abi sükha rümtlaq kriiraq asewok she miho kiimaq ngarai se she michii. Raüta ngarai tsi ka aman she miraq. Raüta kra se ka atsai she mirhum.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

James 3:14

Shatmiitiina ümtsan mong na, nanok ma makshu rashe tsii rüm tlaü, maiq ngeng tlaü jiila, kiimaq jamlai phan niili jiimin, maiqmii ma jamlai wa ahea raüla hong jiiq ngu tla tiima tlaü jiika, phanrap asap atsinha we nguta, naq shiikong kiq. Kriika ümniiraq tengteng bomtsi tri ka jin tlaü ngushat. Kriika ümniima ngarai tangphaq li miraq.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 John 3:9

Juwa Shiikeawe se she jawantaq, kriiti riika ngarai tangruq ka tang mak she. Shiikeawe asii phara rilung ka apaiq khum na ake kun she. Shiikeawe ka apaiq ma Awe shaq she tiija wantaq kriikha maq, apaiq raq ngarai ka tang ruq ka tang mak she.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.