James 1:19 - ASII LAKDAP Bible (BSI)

¹⁹ Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

Hawa Naga Bible 2001

¹⁹ Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

Muklom

¹⁹ I no nia pho tang, iri raaq ri tasik inn. Thaji miq eq photla tat ching etho uraaq na karel etho tinqhat na karel ang ching.

James 1:19 Referencias Cruzadas

NEHEMIA 8:18

Poi pha ranaiq maq phaho raüta, poi tiisup ranaiq na saüli, tsangshiq raq Shiikeawe Thungtri lakdap wa ranaiqtek, tiiphan tiiphan raüta phat kuqto. Tsangshiq poi ka ramiishi na saüli kloto. Raüta, Thungtri na chong tlaq kra phanphan, ratiichat ngoja niika, mungmaiqse tlotli ka adam na riitam thungtii raüta, ara asii arai poi ka tiisup wan ramkham maq tiibokto.

NEHEMIA 9:17

Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

NEHEMIA 9:3

Raüta, apha na nari tsam tin tsangshiq ma Tatiwe, tsangshiq Shiikeawe Thungtri kra tiitai phatkuqto. Raüta kra lot jai maq, naritsam she hali ka tsangshiq raq maiqmii ngarai kra tiidii wan, achu jaüto. Raüta tsangshiq Tatiwe tsangshiq Shiikeawe ka shomnoqto.

YOBA 32:16

Ngi min tsangshiq rai kaiqshak li shea mikheha? Tsangshiq raq achong chang ahüshe kha maq ngakito kata.

TAKSU LAK 10:19

Pahea tsantsuti riika ashut mibom ngushat; Shatmaq maiqshaqti riika mobom bom mak phan.

TAKSU LAK 13:3

Stiq skhaq bomti khum tiikheshat. Nübok asi nguta banbokti ka, maiqmiili khlaq tlo.

TAKSU LAK 14:17

Khiqsaq mokhiqkaiti riika, ajiq alam sapmak klo tlo. Shatmaq taksu maiqse riika, kaishak maq anin riitlo.

TAKSU LAK 14:29

Juwa mokhiq khiq mak, kriiti ka taksu maiqse. Shatmaq juwa khiqsaq khiq tlaq, kriiti ka maiqjiqwe.

TAKSU LAK 15:18

Ralangse niili mokhiqkaiti raq tatso niqtlo; shatmaq phanrap na anin raüta siti riika, tatso chang wa achhii riihotlo.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 16:32

Ningkun ajong rümti thaq na, phanrap anin wantiwe ka ahea; Tsan tiibum raüta siwantiwe ka, chela thun khat raüta jiiwanti, sreajongwe thaq na ahea.

TAKSU LAK 17:14

Maiqse hea na tatso phaho ka, khamhap atiipu linbaiq ikha lüm wantlo. Kriikha na tatso ka aphaho wiili, chhiitlo laq.

TAKSU LAK 17:27

Phanrap asap amati riika achan bom mak; stiq skhaq raüta bomti ka taksu maiqse.

TAKSU LAK 18:13

Maiqbom kongkhu tiitsang tailaq, laüta trelaq; Chhingi miki na piq naqphiikiq, kriika maiq shummii miraq.

TAKSU LAK 18:21

Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

TAKSU LAK 19:11

Miikiimse ka mokhiq khiq mak; Shutphit raiti ma tsan tiibi mak; Ahata wela khushü.

TAKSU LAK 19:19

Maiq khiqbi heati miika tsii naq chongkuq kiq. Apaiq thiikho na bam dea walaq. Ümniiraq jangshi tiiwin haüla, ümniima mintsa khoti mitiipa.

TAKSU LAK 21:23

Mobom bommakti raq, tsa niq mak.

TAKSU LAK 25:28

Tsankhiq ninlot makti ka, peruk ahü chela ikha; chiq are raq mikhat wan.

TAKSU LAK 29:20

Thaüpakpak bomraiti nam miika, maiqjiqwe ka maiqshaq lin.

WEAWEA 22:27

Ara akhing niika, ümtiikiiwa kumtoq kaü raq rase ka chhitaq, apaiq ka abum she riikito. Balaam ka atsan khiq ninlot mak she riito. Kriikha na apaiq raq kumtoq kaü ka apekii maq hot hot she buk hoto.

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Mark 12:37

Riita, Dawit apaiq riili, Khristo kra nangnga, ‘Tatiwe,’ nguta ngutaq jiika, Khristo ka, Dawit saüse phan ngutiika jamkho mingu?” Mungmaiqse pahea raq Jesuq traho bom chongke kra chochikhiq maq taisiqto.

Mark 2:2

Krai mren, maiq ka kongta hushhu miishe, ama ala she, apaiq phana kirai wanto. Kilam chong na dongdii min maiq siisaq, tuptup she marai wanto. Jesuq ka tsangshiq ma tsütsa ahea traho bom chongke rea riito.

Luke 15:1

Riita, ranaiqshi ka phunta hitinok maiq pahea kiimaq ashleq arbaiq maiq ahinti thun ka, Jesuq phana apaiq bom chong kra taiwa riitamto.

Luke 19:48

Shatmaq, mungmaiqse raq apaiq bom chongke traho bomtsi kriika poshi min tiikhea mak maq tai wan ruq riito. Kriikha maq, tsangshiq raq apaiq ka tsatlot mak dea riito.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 13:48

Kra traho bomtsi chongkuqtaq kra, Pongnok phan maiqse raq tai raüta, tsangshiq ka kai khoqriiq shishiiq she chochi wanto. Kiimaq tsangshiq raq, Tatiwe bomtsi ka pinthum tiitsam kam wanto. Kiimaq, Shiikeawe raq pattup pat-sa tsitsü kewan miitu maiq ümchuwa tsea wantaq, kriiti thun ka kamasham maiqsetiim miishe tiija wanto.

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

Colossians 3:15

Khristo raq namshiq ma sanglili tsantsii kuq tlaq kriika, namshiq raq jamlai phan sham akai wa riichong tlan akhing na, athuk atsom wiq maq bom shat miitu kuqto. Ara jamkhano chongtiikai ngukla, Shiikeawe raq namshiq hea wantaq kriika, ara kaütak rishi maq, adam na tushi na triitam hea wanto. Kiimaq Shiikeawe ma kechutum shat maq sirong laq.

Colossians 3:8

Shatmaq, ümchaü sanha, namshiq han wa arthun arka wiita she tiisii chhii baiq rong laq. Arka: tsankhiq, abi tiima, kiimaq ashu alü tsii; shummii laqpii tsii, kiimaq sheachong beachong bomtsi thun arka, namshiq nübok maq tiidong raa mak she.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:2

Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

James 2:1

Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

James 3:10

Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!

James 4:11

Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.

James 5:12

Lungwii Phungmaiqse phunainotiim lei, ara chong tiikang bomtsi arka akhek pinthum ashi. Namshiq raq ümtiikiiwa bomkham kongphiq raü kha tlan na, ra mang chong lantiimin naq kham rongkiq, kiimaq hiq mang chong lantiimin naq kham rongkiq. Kiimaq bom achan min naq tiitsuq rongkiq. Namshiq riika, “Ngi raq kiq kham tiikang arka misham ha dongdii,” riimak la, “Ngi raq sham mang ngutiikang arka, ümtiikiimin sham mang dongdii,” ngutli bom ronglaq. Kra bom kham kongphiq kha tlan krai mren, akhing hongto angu na, kongphiq raükha ka dii wan ra tlo. Akha ating arai maq sihan jiila, Shiikeawe raq namshiq ma kha ka tiiho mak miraq.

James 5:19

Iphu inotiim lei, namshiq phong wa, weshi ra ka tengteng lam phan wa lamjiq na moho tlaq jiila, kiiwa weshi ra raq apaiq ka tiijang shea wan nong raüla,

1 John 2:21

Ngi raq waiq tiikang arka, namshiq raq tengteng bomtsi kra sap man sham nguta waiq ka riimak. Shatmaq namshiq raq tengteng bomtsi kra asap han ngo kha maq, ara waiq tiikang. Kiimaq namshiq tarü raq asap han, tengteng bomtsi nübok wiika, arot bomtsi ka dong mak.