James 1:19 - Muklom

¹⁹ I no nia pho tang, iri raaq ri tasik inn. Thaji miq eq photla tat ching etho uraaq na karel etho tinqhat na karel ang ching.

ASII LAKDAP Bible (BSI)

¹⁹ Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

Hawa Naga Bible 2001

¹⁹ Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 1:19 Referencias Cruzadas

Matthew 5:22

Etharin nga nim ma bat phang, utang eq tho upho ni no ma kha ajo, piq aa khaphung kapna. Utang eq tho upho ni no ma ‘miqthom’ ta raaq ajo, rong miq jakho náng sol katna. Utang eq upho ni no ma manthun raaq ko ajo, piq sha wal mungtan náng thum chak na.

Mark 12:37

“David aa hun piq tha Teyhungwa ta hal ajo Khristo sha chamal eq David phi aa lí wang angna?” Daqhan miqtang Jesu raaq tha tat eq sungrang angta.

Mark 2:2

Daqhan miqtang ethináng thu eq thajoq ta, ethirangma utong ang ma chaak moq angta etho kalung tho ushey sey angta. Jesu aa ning thima Shkewa raaq phan kota.

Luke 15:1

Phunta qheytey miqtang etho ngarey miqtang aa Jesu tung araaq tat thima thuta.

Luke 19:48

Etharin ning aa irimal somma chamtho kap moq angta, chammatakoi thaji miqtang aa piq tung aa raaq battan aa sha tin ko eq tat tey tang chen angta.

Acts 1:15

Eshi neynap tho, shashey rokni uhantey miq thajoq ta, etho Peter shat eq raaq batta.

Acts 10:33

Eshirangma nga nang kalo thokma miqwa tang takat taphang etho nang irináng kat sha rapney jaqhal. Eshirangma Teyhungwa í ma chamli bat kot rangma nang ma raaqkhat kot ta, esha tat ma í Shkewa jakho na tong i.”

Acts 13:48

Baluk o Gentile phan aa ira tatta, ning rapney sungrang ta etho Teyhungwa tasapsey ta, etho chamtan pattup rullung kap ma talta ning aa uhan eq ta.

Acts 17:11

Iri miqtang raa thessalonica Jehudi miqtang wang utat tey angta chammatakoi ning rapney ram eq Paul raaq tatta etho piq raaq raa asing ta salwet Asang likwit na bita.

Acts 2:42

Ning aa apostle tang tatal tha tat eq, etho rok rum eq, etho ban phak eq etho romtam chuk eq tong ta.

Ephesians 4:26

Tinkhat shi thamáng eq ngarey nak somlo inn; rangsal nop náng thula nim tinkhat sha kha ching ang moq.

Ephesians 4:31

Thaji jashit phan, tinqhat etho thaji miiksuk, jashit raaq tang, shiwang nim alo na tong inn.

Colossians 3:15

Khristo nungmay, bari rangma nim ashey hanphung ang eq hal taphin, nim tin tang shi jaktáng o cham shing aa. Etho nim aa kechu ajong kot inn.

Colossians 3:8

Etharin thanga nim tinqhat, jashit, dandey, miiksuk etho nung wang jashit raaq, iri tang ri shingchak inn.

1 Thessalonians 2:13

Eshirangma í aa Shkewa ma salwet kechu ajong kot i; chammatakoi í aa nim ma Shkewa tungtang qhal phanchan ti tho nim aa utat eq tin, etho usom eq tin. Nim aa esha miq ching kowang ang moq, etharin Shkewa raaq ta tathin tin. Asing esha Shkewa raaq hun etho Shkewa nim uhantey tang khom o jaksom somlo aa.

James 1:16

I no nia pho tang, nak cham dip phin.

James 1:2

I no nia pho tang, nim uphan phan tsamnang na ang inn jo, esha sungrang raaq ta tathin inn,

James 1:26

Chamtey tang eq ning ni ning sha asing phong miq ta tathin aa, etharin ning phali sha jin táng moq ang ajo, ning aa ning ni ning sha dip aa etho ning phong sha thanghung.

James 2:1

I no nia pho tang, hiqtang phun amun atha Teyhungwa Jesu Khristo ma hantey tang, miq shi rangkho na siin eq ning jamoq adak adak ang eq nak dangjang inn.

James 2:5

I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

James 3:10

Ashey nung wang tasapsey nia manthun raaq sha thalat aa. I no nia pho tang, irimal ang ching ang moq!

James 4:11

I no nia pho tang, ashey eq ashey ma jashit ta nak raaq inn. Chamtey uno nia pho tang sha jashit ta raaq tia phung ajo piq aa thong sha jashit ta raaq aa etho phung aa. Nim aa thong sha phung inn jo esha tat mintey etho esha phung ma tongtey.

James 5:12

I no nia pho tang, thaji phey náng eq ajong raaq tha ira, rang nak tum inn, mingkang miing otho, mungtan miing otho, chamtey tangwang miing otho rang nak tum inn. Nim raaq tha “Inn” ta ang ajo inn ta ang ching, etho “Ang moq” ta ang ajo ang moq ta ang ching, etho irimal ang ajo nim Shkewa khaphung khung na ang ching ang moq.

James 5:19

I no nia pho tang, nim wang chamtey asing wang chungti ajo miqdak eq ning sha thawel sol ching.

1 John 2:21

Nim aa asing raa sam min ta nga wit pha mong, etharin nim aa ira usam eq inn etho asing wang chamtho alik thu pha moq, ethirangma nga nim ma wit phang.