James 1:17 - ASII LAKDAP Bible (BSI)

¹⁷ Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

Hawa Naga Bible 2001

¹⁷ Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.

Muklom

¹⁷ Thaji jaqhal nia khakla jakkot sha mungtan wang thupha, esha rangmungtan wang alit Wa ching kowang kap aa, piq jakhang mal kaley tong moq.

James 1:17 Referencias Cruzadas

RAPHA HIQWA LAK 41:16

Joseph raq treto, “Chaü lei, ngi riika chongkuq lot mang. Shatmaq Shiikeawe raq liichum ka sam heawiq michong kuq.”

1 KAÜWA WERAÜ 22:12

Kiimaq Tatiwe üm Shiikeawe raq ümniima taksma anyan nai taksu tsiitiq mikuq laq. Krai mren, ümniiraq Israil mung ka apaiq tri raütu kra phan phan mipeng wan haü.

1 KAÜWA WERAÜ 29:19

Ise Solomon ma ümniiraq akuqhaü aming thun kra kun kun tsan nai mongjii wiita kuq raüta lang wan miitu atsan ka tiitsi kuqlaq, raüta ngi raq archom kuqha hupsam thun armaq Shomjam ka mihai laq.”

Tvtsvmc 102:27

Shatmaq ümniika wranaiqshe kiikhiili riishatshat, kiimaq ümrilung ka ümtiikiimin thummak phan.

Tvtsvmc 122:6

Jerusalem ka hansang maq si miitu achujaü ronglaq: “Ümnaq lungwiitibi ka chiithe lüwabi ma mijalaq.

Tvtsvmc 136:7

Apaiq raq rashekaü nai jipi kaü kra tiiqto; apaiq lungwii ka pattup pat-sa;

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

Tvtsvmc 85:12

Tatiwe raq nashiq ka rongboq mitiija nong, raüta namung ka hiqpo hiqwin ma mijanong.

TAKSU LAK 2:6

Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

ISAIA 28:26

Apaiq raq awak shamsea ka atsin, jamkhano ngukla Shiikeawe raq apaiq ma shrinkuqto.

ISAIA 45:7

Ngi ka ra tiiwiiti kiimaq ra tiinyaqti; Ngi ka achu shiimanti kiimaq miqchup shiithenbaiqti. Ngi, Tatiwe raq, arthun ara klotiikang.

ISAIA 46:10

Rapha hiqwa miiphü Ngi raq jamkha kupi wan chang wa kra tiithai wan kang; rathupse miiphü dongdii akha mihong wan nguta Ngi raq tiithaimaije. Ngi raq chongkang, Ngi raq thapthi tiikang ka poi mak phan miraq nguta, Ngi raq thimi wan kang thun ka mikloha nguta chongkang.

ISAIA 60:19

“Ümniima ranaiq na rashekii ka rarai mak she miraq, riimakla ümniima jipi li kiimin rarai mak she miraq. Ngi, Tatiwe arli she ümniima pattup pat-sa mililiimha; Ngi khushü ngao chhaitlaq kriili she ümniima mililiim.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 11:13

Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

John 1:9

Ara chongtiikai rawüli ahata tengteng rawüli. Ara rawüli arka mangjong hiq na kiraüta, maiqphan angu tarü khu thaq na liliim tlo.

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

1 Corinthians 4:7

Riita ija, ümniika juro wela ma shong ta? Shiikeawe raq ümniima phanrap ka kuqto she riimak sha? Riita, Shiikeawe raq ümniima phanrap ake kun she jiika, ümnaq shiikong rai chang lam min asi sha? Shiikeawe raq phanrap ka phe maq kuqto riimak sha?

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

TRI CHONGKE 4:19

Namshiq mak maq jamlai phan wa chhiha tlan, rashe kaü, jipi kaü, kiimaq raiqsaiq phong kra shomnoq maimak. Tatiwe namshiq Shiikeawe raq arthun arka maiq phan ahin thun raq mishom noq laq nguta tsangshiq ma kuqto.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 3:15

Ara chongtiikai akhnok taksu tsii arka, Shiikeawe raq akuq ramungtan wiika riimak. Arka mangjong hiq wa hon atsii, ngarai han-ngam wa adong. Kiimaq thawe shinrii raq akuq ngushat.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 John 1:5

Naishiq kiimwebi raq Ase nübok wa tsütsa ka ara tai kai. Laita ümchaü namshiq ma chiiriim laita chongkuq tiikai. Tsütsa ka ara: Shiikeawe ka rawü. Kiimaq apaiq khum na ranyaq ngutiika akhiismin ahü.

1 John 4:10

Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.

Revelation 22:5

Kiijiika ranyaq mak she miraq. Kiimaq tsangshiq ma piijongteng lo, rashe kii lo kiimin raa mak she miraq. Jamkhano ngukla, Tati Shiikeawe kli she tsangshiq ma rawüli miraq. Kiimaq tsangshiq ka hokham ma jaraüta, pattup pat-sa mung she misiq wan dam.

1 SAMUEL 15:29

Israilnok rümti khushü ajong Shiikeawe raq arot chongmak. Kiimaq apaiq tiima tsantsii kiimin klaimak. Apaiq ka maiqse riimak. Apaiq hon atsii ka klai mak.”