James 1:17 - Hawa Naga Bible 2001

¹⁷ Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.

ASII LAKDAP Bible (BSI)

¹⁷ Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

Muklom

¹⁷ Thaji jaqhal nia khakla jakkot sha mungtan wang thupha, esha rangmungtan wang alit Wa ching kowang kap aa, piq jakhang mal kaley tong moq.

James 1:17 Referencias Cruzadas

RAPHA HIQWA LAK 41:16

Yosep rueq, “Taungjix hokhvmx waz lex, ngaz rueq kvtanc khvnc kuex jalc lot mauk, yuq muinz Tishox rueq raungc raq yaq bomc jalc vshiz kuq kv-phux,” ngoz tueq tvralc tueq.

1 KAÜWA WERAÜ 22:12

Vpiq Tvrac rulc rv-ngvlc Israel mungtan kuex mnoz rueq guimz lawc lot laz juing Yehowa m-Tishox rueq mnoz muex tharc nuiyc taksux tharc kuex mkuq kv-phux.

1 KAÜWA WERAÜ 29:19

Isaz Solomon muex muinz, mnoz rueq nvr shuiux phvnx ruip saz kuex tay phvnx vtueq, ngaz rueq tvyoalc shec tauk taungx vwawx htenc maq Shomc Yuimx kuex guirc tvkoc raungc raq thuinz vmungx lotlaz kuq shuiuz,” ngoz tueq thoz tueq.

Tvtsvmc 102:27

Yuq muinz mnoz kuex mkaq muinz kvlayc wvnc tuiux rvmuq, rullungx muinz vhtumx wvnc ngoz tueq mkaq muinz vguez.

Tvtsvmc 122:6

“Mnoz muex lungwawc jix htenc kuex mrungx wanx wuez kueq: m-ghaqyungx palx ruk mungx kox nuex nomic mhttax kueq,

Tvtsvmc 136:7

Vpiq rueq shalx nuiyc yapix kuex tvdung sung taq tueq; vpiq lungwawc kuex pattup httax yaq;

Tvtsvmc 84:11

Yehowa kuex naungshiq muex tvkhup wungx kuy jix ngauz vngax yunghvlc hokhvmx rvtueq, menjenc thuinz maq tvtsanc nganc vtueq naungshiq muex ruimruimx kuq yaq. Vpiq rueq vlvmx yauk shuimc jix htenc muex vhvlx phvnx kuy tvkoc tvdux gay yaq rvmuq.

Tvtsvmc 85:12

Yehowa rueq naungshiq muex tvrungx wanx kuq phuex, naungshiq ghaq vraungx nuex jurx vkhvmx jamc htvraq tvdung kuq phuex.

TAKSU LAK 2:6

Kvruex kuex taksux tharc kuy jix Yehowa rvtueq; phaqjic nuiyc vtuiuz vtay juing kuex vpiq kox wawc vkaz rvtueq.

ISAIA 28:26

Tishox rueq tsuingshiq muex tvluingc kuy shec ningkhvnc nuex tsuingshiq rueq mkhoc shuimc juing lac tuiuz yaq.

ISAIA 45:7

Ngaz rueq vwuic nuiyc vnyauk kuex tvdung sung tauk; ruimrix kejux nuiyc thuimkux muinz lvmz laq tauk. Kvruex htenc lotlaz kuex ngaz, Yehowa rueq vshuimx rvtueq.

ISAIA 46:10

Ngaz rueq vphaungc maq raz tueq yaungx wvnc tuex kuex tvluz nuex jungx wvnc tauk; mvnnuex pat maq phuex yaungx wvnc tuex lvmz kuex ngaz rueq tvluz nuex jungx wvnc tauk. Ngvy kvmungx htenc kuex mkaq muinz phvyx kaz tuex rvmuq ngoz tueq jungx wvnc tauk rulc rv-ngvlc, ngaz rueq dvnc vshaungx phvnx ruip saz kuex ngaz rueq shuimx shaungx.

ISAIA 60:19

“Shalx kuex mnoz tvkoc raungnuiyq vwuic yaungx tuex, Yapix kuex mnoz tvkoc raungwvrx vlez muex yaungx tuex; Ngaz, Yehowa kuex mnoz tvkoc pattup vwuic muex yaungx taungx; Ngvy ngauz vngax wuic kuex mhtauk nuex phelez tuex.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.

WEAWEA 11:17

Ngaz kuex kaz vtueq mnoz rulc kvyuq kvjak kaz raungx, ngaz rueq mnoz muex kuq phaungx siyac kvwawc wvyvmc kuex lvmz vtueq tsuinghez muex kuq shaungx. Kvkaq miq htenc vruex tvkoc gurc pic juing yauk shuimc kuex tsuinghez rueq mnoz muex romc shuimc kuy naungc ningkhvnc nuex, yauk shuimc kuex mnoz washiz rueq dvyx gurc pic rac muq shex.

WEAWEA 11:25

Kvkaq Yehowa kuex phuemx rulc svt kaz vtueq, Moshe rulc kvjak kaz tueq. Vpiq rueq Moshe muex vkuq siyac kvwawc wvyvmc kuex lvmz vtueq walaungx bix rok mvshix kvmac kuq tueq. Tsuinghez kuex siyac lvp wvnc wuez vtueq shvmmax bix ikhoc guyc wuez tueq, yuq muinz laukshiz phok dvyx guyc wuez tueq.

WEAWEA 23:19

Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Luke 11:13

Nuimshiq layx vbac jix rueq doc muinz miqmac saz muex vhvlx phvnx htenc kuq thenc ruiux yuq kuex, raungmungx wawc Vwaz rueq vpiq kox wawc thoz jix htenc muex Vsawc Siyac kuq shuex rvtueq!” ngoz tueq jungx tueq.

John 1:9

Kvruex raungwuic kuex mungkawx vyuq httuiuc kaz vtueq miq ruip rawx htauk nuex tvwuic yaq raungwuic muik shauk rvtueq.

John 3:27

Yohan rueq, “Tishox rueq vkuq rvmuq ngoz ruiux kuex miq rueq yvmx muinz lvp wvnc shuex rvmuq.

John 3:3

Yesu rueq, “Ngaz rueq mnoz muex vsuing jungx kuq ix, vjawc rvhumc yek muq waz ukhaq yuq muinz Tishox Mungtan kuex khiz lvp shuex rvmuq,” ngoz tueq tvralc tueq.

John 8:12

Yesu rueq Pharise nuk muex jungx yek tueq kuex, “Ngaz kuex mungkawx raungwuic rvtauk. Ngvy yix phvnc jix waz kuex rullungx raungwuic lvp wvnc vtueq mkaq muinz raungnyauk nuex khuemx tuex rvmuq,” ngoz tueq.

Acts 11:18

Kvruex kvjaz kuex tay vtueq tsuingshiq rueq mvrax tvgurc kvjaz kuex jungphvnx muq shex, “Tishox rueq Pungnuk miqsaz muex muinz thuinz kvlayc vtueq, rullungx tvraungx lvp wvnc juing vkhangx kuq tueq nyix!” ngoz tueq jungx ruiux Tishox muex tvtsvmc kvmc tueq.

Acts 5:31

Israel miqsaz htenc kuex thuinz layc wvnc vtueq miqmac mvrax wawc dungc wvnc tvkoc Tishox rueq kvruex Taungjix kuex vpiq yaukkeq kox nuex tvhttax ruiux, lvmx shvlc jix waz nuiyc palc daungc Taungjix muex tvyaungc tueq.

Romans 6:23

Yvmx khoc lac ngoz ruiux lec mvrax vhtawz vrawz kuex vthueyc juing lvmx rvtueq; yuq muinz Tishox rueq vhtawz vrawz thoz muq maq vkuq kejux yauk noalc kuex, naungshiq Taungjix Yesu Christu rulc vdvmz nuex rvtuimx yuimx vtueq lvp wvnc tiq pattup rullungx rvtueq.

1 Corinthians 4:7

Uraq lac mnoz kuex miq vganc htauk nuex vjvnc tvyaungc kuq yaq nguinx? Nuimshiq rueq lvp tuit phvnx ruip saz kuex Tishox rueq vkuq rvmuq haz? Kvkhoc rvhvt maq nuimshiq rueq lvp luz vshuinx htenc kuex Tishox kox wawc vlvp kejux yauk noalc rvmuq ikhoc nuimshiq kvsomc parc vtuinx kuex yvmx khoc lac?

2 Corinthians 4:6

Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.

Ephesians 1:18

Taungjix rueq nuimshiq kuex yvmx tvluimc vtueq lac gvl kv-phuinx kvmuinz, Taungjix miqsaz htenc bomkhvmc kuq tueq vwangc juing kejux tsak vnyvmx htenc kuex mtanc lac paung yaq nguinx kvmuinz,

Ephesians 2:8

Nuimshiq kvmluimx wvnc ningkhvnc nuex Tishox kejux maq palc daungc wvnc rvhumc tuit, nuimshiq rueq hunglaungx shuimx kaz vshuinx yauk shuimc maq vlvp wvnc rvmuq; Tishox rueq vkuq yauk noalc ningkhvnc nuex ukhaq muinz kvsomc parc juing lvmx vguez.

TRI CHONGKE 4:19

Raungx nuex kvkhic yaq, shalx, yapix nuiyc ruiysuiyq htenc kvmuinz nawk palx muit tvkoc laulawc rvhumc muit mruez kueq. Kvruex kuex vganc phvnx miqsaz lotlaz tvkoc Yehowa naungshiq Tishox rueq vkuq shec tueq.

Philippians 1:29

Nuimshiq kuex Christu muex kvmluimx ningkhvnc nuex dvyx muinz rvmuq, vpiq tvkoc kuilc daz rvhumc ikhoc maq vpiq yauk shuimc kuex gurc pic vkhangx kejux kuy rvhumc tuit.

1 Timothy 6:16

Vpiq dvyx thueyc muq maqmuq waz rvtueq; vpiq kuex ukhaq muinz kvnvp lot muq raungwuic phez nuex httax yaq. Uraq muinz vpiq kuex khiz muq doc, uraq muinz khiz lot muq. Vpiq nuex tvtsanc nganc juing nuiyc pattup ngauz vngax mhttax wvnc kueq! Amen.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

James 3:15

Ekvkhoc phvnx taksux tharc kuex raungmungx maq vkaz rvmuq; mungkawx lvmx phvnx, tvguiy gvnngvmx nuiyc htaungc nuex seng yaq phvnx dvyx rvtueq.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

1 John 1:5

Tishox kuex raungwuic rvtueq, vpiq nuex raungnyauk yvmx muinz vguez ngoz tueq bomjungc kuex, nuiyshiq rueq Vsaz kox wawc tay wvnc tiq khuec nuex nuimshiq muex tvtay jungx kuq vphix.

1 John 4:10

Lungwawc thuinz ngoz yaq kuex vkhoc rvtueq: naungshiq rueq Tishox muex lungwawc vshix vruex ngoc rvmuq, naungshiq mvrax htenc dawc kuy tvkoc pumhttungx shomc kuy juing muex m-yaungx kueq, vpiq Saz kuex tvkaz vtueq lungwawx phuex kv-ngoc rvtueq.

Revelation 21:23

Kvruex ghaqyungx kuex tv-phez lez tvkoc shalx nuiyc yapix kuex rac muq shex, yvmx khoc lac ngoz ruiux lec Tishox ngauz vngax rueq kvruex ghaqyungx kuex tv-phez lez ruiux, Khelbuenx Saz kuex wvrkok rvtueq.

Revelation 22:5

Kvruex ghaqyungx kvyuq raungnyauk ngoz tueq muinz vguez shex, wvrkok luic muinz, shalx kawc muinz tsuingshiq muex rax muq shex, yvmx khoc lac ngoz ruiux lec Taungjix Tishox rueq tsuingshiq muex tvwuic kuq shuex, kvdvyx muinz rvmuq, tsuingshiq kuex hokhvmx yaungx vtueq pattup guimz wuez shuex.

1 SAMUEL 15:29

Muingc jungc khushec vhttax Israel Tishox kuex vrot rvyaq rvmuq, vpiq thuinz kvlayc muq. Vpiq kuex miqsaz washiz rvmuq, vpiq thuinz kvlayc kaz yaq rvmuq,” ngoz tueq jungx tueq.