James 1:16 - Hawa Naga Bible 2001

¹⁶ Lungwawc phunox bix lex, tvshonx ronx jix ningkhvnc nuex lvmx nauk tvmawc kaz!

ASII LAKDAP Bible (BSI)

¹⁶ Lungwii Phungmaiqse phunainotiim le, namshiq ka angok angikong ma naqja rongkiq!

Muklom

¹⁶ I no nia pho tang, nak cham dip phin.

James 1:16 Referencias Cruzadas

Matthew 22:29

Yesu rueq tsuingshiq muex, “Nuimshiq rueq Rumvrc luik muinz tuiuz muit, Tishox hungc vlaungc muinz tuiuz muit, kvkhoc ningkhvnc nuex lvmx phvnc tvyaq vshuinx.

Mark 12:24

Yesu rueq, “Nuimshiq kuex kvtanc khvnc yaq wuez vtuinx! Kvruex yvmx ningkhvnc nuex kuex nuimshiq rueq tuiuz vshuinx haz? Rumvrc luik nuiyc Tishox luimc vkawc kuex nuimshiq rueq tuiuz muit ningkhvnc nuex rvtueq.

Mark 12:27

Vpiq kuex vthueyc jix nuk Tishox rvmuq, vtvraungx jix hez Tishox rvtueq. Nuimshiq kuex tvsawc ric yaq vtuinx!” ngoz tueq tsuinghez muex tvralc tueq.

Acts 1:15

Mtanc httvmx muq nuex kvmluimx jix miqsaz 120 tanc rvtuimx wuez yaq nuex, Peter kuex bomjungc tvkoc kvtenc jvp tueq.

1 Corinthians 6:9

Layx bac jix htenc kuex Tishox Mungtan guimz lvp wvnc shuex rvmuq, nuimshiq rueq tuiuz vshuinx. Miqmac shauk vgvnz kuex nauk tvrot kaq kaz, sahtok sapawx yaungc jix, yac yuimx nawk jix, miqjuik senc jix, miqwaz vdvmz dvmz, rvmuq ngoz ruiux yalxjuik vdvmz dvmz rvhtok pawx jix htenc,

Galatians 6:7

Nuimshiq miqmac shauk vgvnz kuex nauk laulawc kaz; Tishox kuex uraq muinz rot kaq lot muq. Miqsaz kuex miqmac rueq khic yuingc wvnc shuex rulc rv-ngvlc vthuey vngoz kuex tvjomx wvnc shuex.

Philippians 2:12

Kvkhoc rvtueq lungwawc vphaungx jix lex, nuimshiq rulc vdvmz ngaz httax tauk jauz nuimshiq rueq mkaq muinz ngvy kvjaz tay phvnx wvnc tuit ikhoc, majuiuc nuimshiq rulc rv-phvlc vtueq vluz nuex httax nuex ngvy kvjaz tay phvnc kuex pinhtumc vkhek rax yaq. Kvkhoc rvtueq nuimshiq palc daungc wvnc lvmx kuex mvrc laz lvp wvnc shuinz kvhiz sungx thuinz maq shuimx kaz wuez shuinz,

Philippians 4:1

Kvkhoc rvtueq, phunox bix lex, nuimshiq kuex ngaz rueq pinhtumc lungwawx vtueq pinhtumc rvwvl vphaungx! Nuimshiq kuex ngvy kokez kvsomc parc juing muex yaungx tuit! Lungwawc phunox bix lex, Taungjix nuex vshiz dvyx yaungx vtueq rullungx tvraungx lvmx nuex phaungx duingduing jvp wuez kuinz.

Colossians 2:4

Kvkhoc rvtueq ukhaq yuq muinz vyaq lvmx kuex pinhtumc vlvmx ikhoc vhvlx ngoz laz juing rvkhawc lvlc lvmz htenc rueq nuimshiq kuex laulawc muq mruez shueq, ngaz rueq honc tvsvmz vphaungx.

Colossians 2:8

Christu kox wawc rvmuq maq, miqsaz htungx vlayx phvnx vtueq, khuec guez miqsaz taksux tharc maq laulawc lvmz muinz, raungwuilx wanc nuex httax yaq htaungc htenc kox wawc dung yaq tvluingc jungphvnc lvmz htenc rueq muinz, uraq muinz nuimshiq kuex dax muex tvyaungc muq mruez shueq, honc lvmz wuez shuinz.

2 Timothy 2:18

Tsuingshiq kuex tsuingrux lvmx wawc rv-phvlc wvnc vtueq naungshiq yuing kvtenc wvnc lvmx kuex yaungx wvnc tueq shex ngoz tueq jungx vtueq, miq wvyvmc kvmluimx thuinz kuex tvbvruik kuq yaq.

Hebrews 13:1

Nuimshiq kuex Christan phunox nyanox htenc rvtuit rulc rv-ngvlc vdvmz dvmz rvlungwawc wuez kuinz.

James 1:19

Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 1:2

Iphuz inox bix lex, nuimshiq kuex guirguenc taruiyx phvnx ruip saz rvhumc tuinx nuex, nuimshiq tvkoc vkoz vkez juing rvtueq ngoz tueq lvp wvnc shuinz.

James 2:1

Iphuz inox bix lex, nuimshiq kuex ngauz vngax httax yaq Taungjix naungshiq Taungjix Yesu Christu muex kvmluimx jix htenc rvtuit rulc rv-ngvlc, miq htvlx phawc thvl vtueq nauk rvbomc nyamc kaz.

James 2:14

Phunox bix lex, miq vshiz shiz kuex kvmluimx vtaungx ngoz tueq kvjungc ruiux muinz, honc vyaungc maq hakhix tvkhic lot muq ngoz ruiux kuex yvmx vjux lac httax tvnx? Kvkhoc kvmluimx rueq tsuingshiq kuex palc wvnc lot shuex haz?

James 2:5

Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

James 3:1

Iphuz inox bix lex, naungshiq tvluingc waz hez kuex vganc jix htauk nuex muinz pinhtumc tvtsuir wisoz vtueq, phoc kuy rvhumc tix lvmz kuex nuimshiq rueq tuiuz vshuinx ningkhvnc nuex tvluingc waz muex paunghvlc nauk yaungx wuez kaz.

James 3:10

Nuix vshiz maq dvyx kejux tvtsvmc kvjaz nuiyc mvnhttonc kvjaz dung yaq. Iphuz inox bix lex, kvkhoc kuex yaungc mvy muq!

James 4:11

Phunox bix lex, nuimshiq vdvmz dvmz mvrax nauk rvhtusiz kaz. Miqmac Christan phunox waz vshiz muex mvrax htusiz lvmz, rvmuq ngoz ruiux vphoc jix waz ukhaq yuq muinz Tvrac muex mvrax htusiz dvyx muinz rvmuq, kvruex phoc jix waz rvtueq. Nuimshiq rueq Tvrac muex phox kuq ruiux yuq, nuimshiq kuex kvruex Tvrac phvnc jix rvmuq, vphoc kuy jix dvyx yaungx tuinx.

James 5:12

Phunox bix lex, nuimshiq rueq bomkhvmc taq shuinx nuex kvtuemc kvtaungc nauk ruez kaz. Raungx rvmuq ngoz ruiux ghaq, rvmuq ngoz ruiux yvmx yuq muinz jungx vtueq nauk kvtuemc kaz. Nuimshiq rueq jungx shuinx kvjaz kuex “Rvtueq” yuq kuex rvtueq, “Rvmuq” yuq kuex rvmuq ngoz tueq jungx wuez shuinz, kvkhoc ngoz ruiux jix Tishox rueq phox shuex wawc luenx wvnc tuinx.

James 5:19

Iphuz inox bix lex, nuimshiq wawc washiz shiz rueq tsuingrux lvmx wawc moz wvnc jix waz kuex washiz shiz rueq tvyez shvlx wvnc tueq ngoz ix,